यर्मिया 17:27 - नेवाः बाइबल

²⁷ तर विश्रामबारयात पवित्र मानय् या! अले विश्रामबार खुन्‍हु कु क्‍वबियाः यरूशलेमया ध्‍वाखा ध्‍वाखाय्‌ जुयाः दुहां वये मते धइगु जिगु खँ छिमिसं ध्‍यान बियाः मन्‍यन धाःसा जिं उकिया ध्‍वाखात मि तयाबी। अले थुकिं यरूशलेमया किल्‍लात भज्‍यंक नाश याइ।’”

यर्मिया 17:27 ပူးပေါင်းရင်းမြစ်များ

२ राजा 22:17

इमिसं जितः त्‍वःतूगु दु, मेपिं द्यःतय्‌गु न्‍ह्यःने धुपाँय् च्‍याकूगु दु। अले थःगु हे ल्‍हातं दय्‌कूगु मूर्तितपाखें जितः तंचाय्‌कूगु दु। उकिं थ्‍व थाय्‌या विरोधय् जितः तं पिहां वःगु दु। अले व क्‍वलाइ मखु।’

२ राजा 25:9

वं परमप्रभुया देगः, दरबार व शहरया फुक्‍क छेँय् मि तयाबिल। ततःखागु फुक्‍क छेँ वं छ्वयेकाबिल।

२ इतिहास 36:19

इमिसं परमेश्‍वरया देगलय् मि छ्वय्‌काबिल, अले यरूशलेमया पखाः थुनाबिल, बेबिलोनया सिपाइँतय्‌सं अन दुगु फुक्‍क छेँ मि छ्वय्‌काबिल। अले यरूशलेमय् दुगु फुक्‍क मू वंगु सामान नाश यानाबिल।

भजनसंग्रहया सफू 122:7

छंगु पःखाः दुने नं शान्‍ति दयेमा, अले छंगु लाय्‌कू दुने नं सुरक्षा दयेमा।”

यशैया 1:20

तर छिमिसं मानय् मयात व जिगु विरोध यात धाःसा छिमित तरवारं पालाः स्‍यानाछ्वइ। परमप्रभुं हे थ्‍व खँ धाःगु खः।”

यशैया 1:31

तसकं बल्‍लाःपिं मनूत सुका थें बमलाइ, इमिसं न्‍ह्याःगु याःसां मिकुचा थें जक जुइ निगुलिं छक्‍वलं भस्‍म जुइ, मि स्‍याइम्‍ह सुं दइ मखु।”

यर्मिया 17:24

परमप्रभुं धयादी, ‘विश्रामबार खुन्‍हु थ्‍व शहरया ध्‍वाखां छुं नं कु महयेत छिमिसं जिगु खँ ध्‍यान बियाः न्‍यन धाःसा अले विश्रामबारयात पवित्र मानय् यायेत छुं ज्‍या मयात धाःसा,

यर्मिया 17:4

जिं छिमित सर्बयकथं बियागु जमिन छिमिगु थःगु हे दोषं यानाः छिमिसं त्‍वःते माली। छिमिसं म्‍हमस्‍यूगु देशय् जिं छिमित छिमि शत्रुतय्‌गु सेवा याकेबी। छाय्‌धाःसा जिगु तं मि थें जूगु दु, अले व न्‍ह्याबलें च्‍यानाच्‍वनी।”

यर्मिया 18:1

परमप्रभुपाखें यर्मियायाथाय् वःगु वचन थ्‍व हे खः –

यर्मिया 21:12

अय् दाऊदया घराना, परमप्रभुं थथे धयादी, “‘सुथ पतिकं न्‍याय या, सुयातं लुतय् याःगु खः वयात अत्‍याचार याःम्‍हय्‌सिगु ल्‍हातं त्‍वःतकि। मखुसा छिमिगु मभिंगु ज्‍यां यानाः जिगु तं मि थें ह्वानाह्वाना च्‍याइ। सुनानं उकियात क्‍वलाके फइ मखु।

यर्मिया 21:14

जि, परमप्रभुं धाये, जिं छिमिगु ज्‍या स्‍वयाः छिमित सजाँय बी, जिं छिमिगु गुँइ मि तयाबी, उकिं छिमिगु प्‍यखें दुगु फुक्‍क भस्‍म याइ।’”

यर्मिया 22:5

जि, परमप्रभुं धाये, छिमिसं थुपिं आज्ञा मानय् मयात धाःसा थ्‍व दरबार भज्‍यंक नाश जुइ धकाः जिं थःगु हे नामं पाफयाः धाये।’”

यर्मिया 32:29

थ्‍व शहरयात हमला यानाच्‍वंपिं बेबिलोनीत थ्‍व शहरय् दुहां वइ अले थुकियात मि नकाबी। बालद्यःयात छेँया कःसिइ कःसिइ धुपाँय् च्‍याकाः अले मेपिं द्यःतय्‌त त्‍वँसाबलि छायाः जितः तंचाय्‌कूपिं मनूत च्‍वंगु छेँनापं थुकियात नं मिं नकाबी।

यर्मिया 39:8

बेबिलोनीतय्‌सं दरबार व मनूतय्‌गु छेँ छ्वय्‌काबिल, इमिसं यरूशलेमया पःखाः थुनाबिल।

यर्मिया 44:16

“छिं परमप्रभुया नामय् धाःगु खँ जिमिसं मानय् याये मखु।

यर्मिया 49:27

दमस्‍कसया पखालय् जिं मि तयाबी, उकिं बेन-हदद जुजुया किल्‍लात भस्‍म याइ,”

यर्मिया 52:13

वं परमप्रभुया देगः, जुजुया दरबार, व यरूशलेमया फुक्‍क छेँ मिं नकाबिल। वं ततःखाःगु फुक्‍क छेँ मिं नकाबिल।

यर्मिया 6:17

जिं थथे धयाः छिमिगु लागि पालेत तया, ‘तुरहीया सः बांलाक न्‍यँ।’ तर छिमिसं धाल, ‘जिमिसं न्‍यने मखु।’

यर्मिया 7:20

उकिं परमप्रभु परमेश्‍वरं धयादी, “थ्‍व थासय् जिं जिगु तं प्‍वंकाबी। मनू व पशु, ख्‍यलय् च्‍वंगु सिमा व बुँया बाली प्‍वंकाबी। जिगु तं मि थें च्‍यानाच्‍वनी, सुनानं उकियात क्‍वलाके फइ मखु।”

विलाप 2:6

वय्‌कलं थः च्‍वनेगु थाय्‌यात क्‍यबयागु बल्‍चा थें स्‍यंकादीगु दु, वय्‌कलं थःगु नापलायेगु थाय् नाश यानादीगु दु, परमप्रभुं सियोनय् पवित्र नखःचखः व विश्रामबारत दिकादीगु दु। थःगु तसकं तःजिगु तम्‍वय् वय्‌कलं जुजु व पुजाहारी निम्‍हय्‌सित नं त्‍वःतादीगु दु।

विलाप 4:11

तर आः परमप्रभुया तं क्‍वलात, वय्‌कलं थःगु च्‍याःगु तं प्‍वंकादिल। वय्‌कलं सियोनय् मि च्‍याकादिल, अथे जुयाः वयागु जगत दक्‍वं भज्‍यंक नाश जुल।

इजकिएल 16:41

इमिसं छंगु छेँत छ्वय्‌काबी, अले यक्‍व मिसातय्‌गु न्‍ह्यःने छन्‍त सजाँय बी। थुकथं जिं छन्‍त छंगु वेश्‍याया ज्‍यापाखें पने, छं थः प्रेमीपिन्‍त गुबलें ज्‍याला नं बी माली मखु।

इजकिएल 21:15

मनूतय्‌गु नुगः ग्‍यानाः नाया वनेमा, अले यक्‍व मनूत क्‍वःदयेमा धकाः इमिगु फुक्‍क मू ध्‍वाखाय् स्‍याये पालेत जिं तरवार तयागु दु। हाबलासा थें थीत उकियात दय्‌कूगु दु, उकियात स्‍याये पालेत ज्‍वनी।

इजकिएल 21:3

वयात थथे धा, ‘परमप्रभुं थथे धयादी, स्‍व! जि छंगु विरोधय् दु। जिं दापं थःगु तरवार लिकयाः छिपिं मध्‍ये धर्मी व दुष्‍ट निखलःसितं स्‍यानाबी।

इजकिएल 22:8

छं जिगु पवित्र वस्‍तुयात हेला याःगु दु अले जिगु विश्रामबारया दिंयात अपवित्र याःगु दु।

इजकिएल 23:38

इमिसं जिलिसें थथे नं याःगु दु, उखुन्‍हु हे इमिसं जिगु पवित्र थाय्‌यात अशुद्ध यात अले जिगु विश्रामबारयात मानय् मयात।

होशे 8:14

इस्राएलया मनूतय्‌सं थःत दय्‌कादीम्‍ह सृष्‍टिकर्ता परमेश्‍वरयात ल्‍वमंकाः ततःखागु छेँ दय्‌कल, यहूदाया मनूतय्‌सं यक्‍व शहरय् किल्‍लात दय्‌कल। तर जिं इमिगु शहरय् मि तयाबी, अले उकिं वया किल्‍लायात भस्‍म यानाबी।”

आमोस 1:10

जिं टुरोसया पखालय् मि तयाः छ्वय्‌काबी, उकिं वया किल्‍लात भज्‍यंक नाश याइ।”

आमोस 1:12

जिं तेमान शहरय् मि तयाः छ्वय्‌काबी, उकिं बोज्राया किल्‍लात भज्‍यंक नाश याइ।”

आमोस 1:14

जिं रब्‍बाया पखालय् मि तयाः छ्वय्‌काबी, उकिं वया किल्‍लात भज्‍यंक नाश याइ। व लडाइँया दिनय् तसकं हल्‍ला जुइ, अले तसकं तःच्‍वगु वाफय् वःगु दिनय् थें लडाइँ जुइ।

आमोस 1:4

जिं जुजु हजाएलया दरबारय् मि तयाः छ्वय्‌काबी, अले उकिं बेन-हददया किल्‍लात भज्‍यंक नाश याइ।

आमोस 1:7

जिं गाजाया पखालय् मि तयाः छ्वय्‌काबी, उकिं वया फुक्‍क किल्‍लात भज्‍यंक नाश याइ।

आमोस 2:2

जिं मोआबय् मि तयाबी, अले उकिं किर्योतया किल्‍लात भज्‍यंक नाश याइ। लडाइँया हो हल्‍ला, तःच्‍वगु लडाइँया सः व तुरहीया सःया दथुइ मोआबया मनूत नाश जुइ।

व्‍यवस्‍था 32:22

जिगु तं आः मि च्‍याःथें च्‍याये धुंकल। थुकिं पृथ्‍वीइ च्‍वंगु फुक्‍कं भस्‍म यानाबी। थ्‍व पातालय्‌ तक न्‍यनावनी, अले पहाडया हा तकं च्‍याकाबी।

हिब्रू 12:25

होश या, छिपिंलिसे नवानादीम्‍हय्‌सिगु खँ मन्‍यंसे च्‍वने मते। थ्‍व संसारय् च्‍वनाः परमेश्‍वरयागु खँ न्‍यंकीम्‍हय्‌सिगु खँ मन्‍यंपिन्‍त ला मल्‍यंकू धासेंलि स्‍वर्गं हे नवानादीम्‍हपाखे फस्‍वया जुइपिन्‍त जक ल्‍यंकी ला?