यर्मिया 17:16 - नेवाः बाइबल

¹⁶ छिम्‍ह फैजवाः जुइगुपाखें जि बिस्‍युं वनागु मदु। जिं निराशया दिंया इच्‍छा यानागु मदु धकाः छिं स्‍यू। हे परमप्रभु, जिं छु धया व छिगु हे न्‍ह्यःने धाःगु खः धकाः छिं स्‍यू।

यर्मिया 17:16 ပူးပေါင်းရင်းမြစ်များ

यर्मिया 12:3

तर हे परमप्रभु, छिं ला जितः म्‍हस्‍यू। छिं जितः खं, छिं जिगु मनयात जाँचय् यानादी। स्‍यायेत यंकीपिं फैतय्‌त थें इमित साला यंकादिसँ! स्‍याइगु दिंया लागि इमित अलग तयादिसँ!

यर्मिया 13:17

तर छिमिसं ध्‍यान बियाः मन्‍यन धाःसा छिपिं तःधंछु जूगुलिं जि याकःचा ख्‍वये। परमप्रभुया बथांयात ज्‍वना यंकूगु जुयाः जि ह्वाँय्‌ह्वाँय् ख्‍वये, अले जिगु मिखां ख्‍वबिया धाः पिहां वइ।

यर्मिया 15:15

छिं स्‍यू, हे परमप्रभु, जितः लुमंकादिसँ, जितः वास्‍ता यानादिसँ। जिगु निंतिं जितः कसाः बीपिन्‍त बदला कयादिसँ। छि सह याये फुम्‍ह खः, जितः यंकादी मते! छिगु लागिं जिं गुलि ब्‍वः फये माल! व लुमंकादिसँ।

यर्मिया 18:20

छु! भिंया पलेसा मभिं याइ ला? अय्‌नं इमिसं जिगु प्राणया निंतिं गाः म्‍हूगु दु। इपिंपाखें छिगु तं चीकाछ्वयेगु लागि जिं इमिगु पंलिनाः नवायेत जि छिगु न्‍ह्यःने दना। व लुमंकादिसँ।

यर्मिया 20:7

हे परमप्रभु, छिं जितः ह्यय्‌कादिल। जिं थःत ह्यय्‌के बिया। छि जि स्‍वयाः बल्‍लाः, छिं जितः त्‍याकादीगु दु। न्‍हियान्‍हिथं जितः हेस्‍याइगु। सकलें जि खनाः न्‍हिलीगु।

यर्मिया 20:9

तर “जिं वय्‌कःया खँ पिकाये मखु, जिं हाकनं गुबलें वय्‌कःया नामय् नवाये मखु” धकाः जिं धाल धाःसा वय्‌कःया वचन जिगु नुगलय् च्‍यानाच्‍वंगु व जिगु क्‍वँचय् कुनाच्‍वंगु मि थें जुइ। उकियात पँपं जितः त्‍यानुसे च्‍वनी। धात्‍थें जिं व सह याये मफु।

यर्मिया 9:1

जिगु छ्यं बुँगाःचा व जिगु मिखा ख्‍वबिया मुहान जूगु जूसा, स्‍याःपिं जिमि मनूतय्‌गु निंतिं जि चान्‍हि ख्‍वयाच्‍वनेगु।

आमोस 5:10

इमान्‍दारपिं न्‍यायधीसतय्‌त छिमिसं तच्‍वकं मयय्‌कूगु दु, अले खःगु सत्‍य खँ ल्‍हाइपिन्‍त नं क्‍वह्यंकूगु दु।

प्रेरित 20:20

जिं छेँय् छेँय् वनाः मनूतय्‌गु न्‍ह्यःने भिंगु खँ न्‍यंका जुयाबलय् छिकपिनिगु भिं जुइगु छुं हे खँ मल्‍यंका।

प्रेरित 20:27

छाय्‌धाःसा परमेश्‍वरयागु खँ छुं नं मल्‍यंकुसे जिं छिकपिन्‍त न्‍यंकागु हे दु।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

२ कोरिन्‍थी 2:17

व्‍यापार याये थें जिमिसं परमेश्‍वरयागु भिंगु खँ न्‍यंकाच्‍वनागु मखु। जिमित परमेश्‍वरं हे छ्वया हयादीगुलिं ख्रीष्‍टया च्‍यःतय्‌सं थें जिमिसं खःगु खँ जक नवानाजुयागु दु।

याकूब 1:19

यःपिं दाजुकिजापिं, थ्‍व खँ ल्‍वःमंके मते – न्‍यनेगुलिइ चंख जु। बिचाः यानाः जक नवा, अप्‍वः तं पिकाये मते।

याकूब 3:1

यःपिं दाजुकिजापिं, अप्‍वः गुरु जुयाः जुइ मते। गुरु जुया जूपिन्‍त परमेश्‍वरं मेपिन्‍त स्‍वयाः कडा जुइक न्‍याय यानादी।