यर्मिया 17:13 - नेवाः बाइबल

¹³ हे परमप्रभु, छि इस्राएलया आशा खः। छितः त्‍वःतिपिं सकलें मछालेमाली। छिपाखें फस्‍वयावनीपिं धुलय् च्‍वयातःगु नां थें मदयावनी, छाय्‌धाःसा इमिसं छि परमप्रभु म्‍वाःगु लःया मुहानयात त्‍वःतूगु दु।

यर्मिया 17:13 ပူးပေါင်းရင်းမြစ်များ

भजनसंग्रहया सफू 22:4

जिमि तापाःबाज्‍यापिन्‍सं छिगु हे भलसा काःगु खः। अले छिं इमित बचय् यानादीगु खः।

भजनसंग्रहया सफू 69:29

तर जि ला दुःखय् लानाच्‍वंगु दु, अले जितः सास्‍ती जुयाच्‍वंगु दु। हे परमेश्‍वर, जितः थःगु शक्तिं बचय् यानादिसँ।

भजनसंग्रहया सफू 71:5

हे परमप्रभु, छि हे जक जिगु आशा खः। हे परमप्रभु, जिं मचांनिसें छिगु भरोसा कयागु दु।

भजनसंग्रहया सफू 73:27

छिपाखें तापाःपिं नाश जुयावनी। छितः विश्‍वासघात याःपिन्‍त छिं नाश यानादी।

भजनसंग्रहया सफू 97:7

मूर्ति पुजा याइपिं, मूर्तितय्‌गु बारे घमण्‍ड याइपिं सकलें मछाले माली। परमप्रभुया न्‍ह्यःने फुक्‍क द्यःतय्‌सं छ्यं क्‍वछुकाः आराधना याइ।

हितोपदेश 10:7

भिंपिं मनूतय्‌त लुमंका तइ, मभिंपिन्‍त धाःसा धाय्‌वं ल्‍वःमंका छ्वइ।

हितोपदेश 14:14

मभिंपिन्‍सं थःपिनिगु मभिंगु ज्‍याया लिच्‍वः ला फये हे माली, भिंपिं मनूतय्‌सं धाःसा थःपिनिगु भिंगु ज्‍याया सिरपाः कायेखनी।

यशैया 1:28

तर विद्रोहीत व पापीत कुचा कुचा जुइ, वय्‌कःयात त्‍वःतूपिं फुक्‍कं नाश जुइ।

यशैया 66:5

छिपिं मध्‍ये सुनां परमप्रभुया वचनया भय काइ, वय्‌कःया वचन न्‍यँ, “छिकपिनि थः मनूत, सुनां छिमित यय्‌की मखु, सुनां छिमित जिगु नांया निंतिं हेला याइ, इमिसं छिमित थथे धाइ, ‘परमप्रभुया महिमा जुइमा, अले जिमिसं छिमिगु आनन्‍द स्‍वये।’ अय्‌नं इपिं लाजय् लाइ।

यर्मिया 14:8

हे इस्राएलया आशा, दुःखया इलय् वयात उद्धार यानादीम्‍ह, थ्‍व देशय् छि छाय् परदेशी थें जुयादियागु? छाय् छि छचा जक च्‍वनेत थःगु पाल ग्‍वइम्‍ह लँजुवाः थें जुयादियागु?

यर्मिया 17:17

जिगु निंतिं छि भयया कारण जुयादी मते। विपत्तिया दिनय् छि हे जिगु शरण कायेगु थाय् खः।

यर्मिया 17:18

जितः दुःख बीपिं हे मछाले मालेमा, तर जितः धाःसा मछाले म्‍वाय्‌कादिसँ। इमित ख्‍यानादिसँ तर जितः ग्‍यायेगुपाखें बचय् यानादिसँ। इमिके आतंकया दिं हयादिसँ अले निदुगं नाशं इमित चुंचुं यानादिसँ।

यर्मिया 17:5

परमप्रभुं थथे धयादी, “व मनूयात सराः लायेमा, गुम्‍हय्‌सिगु मन जिपाखें फहिलावनी, गुम्‍हय्‌सिनं मनूयागु व सीनावनीपिं मनूया शक्तियागु भलसा काइ।

यर्मिया 19:4

छाय्‌धाःसा इमिसं जितः त्‍वःतूगु दु, अले थ्‍व थाय् विदेशी द्यःतय्‌गु थाय् दय्‌कूगु दु। इमिसं थःपिन्‍सं, इमि पुर्खातय्‌सं व यहूदाया जुजुपिन्‍सं म्‍हमस्‍यूपिं मेपिं द्यःतय्‌गु लागि धुपाँय् च्‍याकाः इमिसं थ्‍व थाय्‌यात द्वं मदुपिं मनूतय्‌गु हिं जाय्‌कूगु दु।

यर्मिया 2:13

“छाय्‌धाःसा जिमि प्रजां निगू पाप याःगु दु, जि जीवन बीगु लःया मुहानयात इमिसं त्‍वःतूगु दु। अले थःगु निंतिं लः मच्‍वनीगु प्‍वाःगंगु त्‍यांकि दय्‌कूगु दु।”

यर्मिया 2:17

परमप्रभु छिमि परमेश्‍वरं छन्‍त लँय् यंकूसां हे वयात त्‍वःतूगुलिं छं थ्‍व खँ थःके हःगु मखु ला?

यर्मिया 50:7

इमित नापलाकूपिन्‍सं इमित नयाबिल। इमि शत्रुतय्‌सं धाल, ‘थुकी जिमिगु छुं दोष मदु, छाय्‌धाःसा इमिसं इमिगु खःगु च्‍वनेगु थाय् परमप्रभु, इमि पुर्खातय्‌गु आशा, परमप्रभुया विरोधय् पापयात।’

इजकिएल 13:9

जिगु ल्‍हाः मखुगु दर्शन खनीपिं व मखुगु ज्‍वखना ल्‍हाइपिं अगमवक्तातय्‌गु विरोधय् जुइ। इमित जिगु प्रजाया सभाय् थाय् दइ मखु। इमिगु नां इस्राएलया घरानाया धलखय् दइ मखु। इस्राएल देशय् इपिं दुहां वने दइ मखु। अले जि हे परमप्रभु परमेश्‍वर खः धकाः छिमिसं सी।

इजकिएल 16:63

छं याःगु फुक्‍क ज्‍याया निंतिं जिं प्रायश्‍चित यायेबलय् छं व फुक्‍क लुमंकी अले छ लज्‍या चाइ, छं लज्‍यां गुबलें थःगु म्‍हुतु चाय्‌की मखु, परमप्रभु परमेश्‍वरं धयादी।’”

इजकिएल 36:32

छिमिगु लागि जिं थ्‍व फुक्‍क ज्‍या यानाच्‍वंगु मखु धकाः छिमिसं थूगु जितः यः, परमप्रभु परमेश्‍वरं धयादी। हे इस्राएलया घराना, छिमिगु पहःचहःया कारणं छिपिं लज्‍या चा अले ख्‍वाः ह्याउँकी।

दानिएल 12:2

अले ग्‍वाः ग्‍वाः सी धुंकूपिं मनूत, गुलिं अनन्‍त जीवनया लागिं, गुलिं धाःसा लज्‍या व न्‍ह्याबलें क्‍वह्यंकाच्‍वनेगु लागि दना वइ।

योएल 3:16

परमप्रभु सियोनं तस्‍सलं हालादी। वय्‌कःया सः यरूशलेमं वःगु नँ न्‍याःगु सः थें च्‍वं। आकाश व पृथ्‍वी थुरथुर खाइ। परमप्रभु धासाः थः प्रजाया निंतिं शरण कायेगु थाय् व इस्राएलया मनूतय्‌गु निंतिं किल्‍ला जुयादी।

जकरिया 13:1

“उखुन्‍हु दाऊदया घराना व यरूशलेमया मनूतय्‌गु पाप व दोष चीकाछ्वयेत लःयागु छगू मुहान न्‍ह्याइ।

जकरिया 9:12

हे आशा यानाच्‍वंपिं कैदीत, थःगु किल्‍लापाखे लिहां हुँ। आः जिं छिमित धाये, “छिमित जूगु सास्‍तीया पलेसा जिं छिमित उकिया निदुगं सुवाः बी।”

लूका 10:20

अथे भूत आत्‍मातय्‌सं नं छिमिगु खँ न्‍यं धकाः लय्‌तायेगु बांलाःगु खँ मखु, बरु छिमिगु नां स्‍वर्गय् च्‍वयातःगु दु धकाः लय्‌ता।”

यूहन्‍ना 4:10

येशूं वयात धयादिल – “छं परमेश्‍वरं बियादीगु दान स्‍यूगु जूसा, अले छंके लः फ्‍वंम्‍हय्‌सित म्‍हस्‍यूगु जूसा, छं वयाके हे लः त्‍वनेत फ्‍वनीगु जुइ। अले वं हे छन्‍त जीवन दइगु लः बीगु जुइ।”

यूहन्‍ना 4:14

तर जिं बियागु लः त्‍वनीपिं मनूतय्‌त गुबलें हे प्‍याः चाइ मखु। जिं बियागु लः हे व मनूयाके बुंगाःचा थें जुयाः अनन्‍त जीवन तक बुयावया च्‍वनी।”

प्रेरित 28:20

थ्‍व हे खँ धायेत जिं छिकपिन्‍त सःतागु खः। इस्राएलीतय्‌सं आशा याना च्‍वंम्‍हय्‌सिगु खं यानाः जि थथे ज्‍वंका च्‍वनेमाल।”

१ तिमोथी 1:1

मुक्ति बियादीम्‍ह परमेश्‍वरया उजंकथं आशा बियादीम्‍ह येशू ख्रीष्‍टया प्रेरित जुयाम्‍ह जि पावलयापाखें

प्रकाश 20:15

जीवनयागु सफुलिइ नां च्‍वया मतःपिं फुक्‍कसितं मि गालय् वांछ्वल।

प्रकाश 21:6

वय्‌कलं जितः धयादिल – “आः सिधल। अल्‍फा व ओमेगा जि हे खः। शुरु व अन्‍त जि हे खः। प्‍याचाःपिन्‍त जिं जीवनया बुंगाःयागु लः सितिकं त्‍वंके।

प्रकाश 22:1

अले स्‍वर्गदूतं जितः स्‍फटिक थें यचुसे च्‍वंगु अनन्‍त जीवन बीगु लः दुगु खुसि क्‍यनाबिल। थ्‍व खुसि परमेश्‍वर व चीधिकःम्‍ह भ्‍याःचायागु सिंहासनं पिचायाः

प्रकाश 22:17

आत्‍मा व भम्‍चां धयादी – “झासँ।” अथे हे न्‍यनीपिन्‍सं नं “झासँ” धकाः धा। प्‍याचाःपिन्‍सं व इच्‍छादुपिन्‍सं वयाः जीवनयागु लः सितिकं त्‍वँ।

प्रकाश 7:17

सिंहासनयागु दथुइ च्‍वंम्‍ह चीधिकःम्‍ह भ्‍याःचा हे इमित ज्वइम्‍ह जुइ। अले इमित वय्‌कलं हे गुबलें मसुइगु बुंगाःचाय् ब्‍वना यंकादी। अले परमेश्‍वरं हे इमिगु मिखाय् च्‍वंगु ख्‍वबि हुयादी।”