यर्मिया 17:1 - नेवाः बाइबल

¹ “यहूदाया पाप नँयागु ज्‍याभलं कियातःगु दु। अले इमिगु नुगःया ग्‍वरलय् व इमिगु वेदीया नेकुलिइ च्‍वल्‍वहंया च्‍वकां कियातःगु दु।

यर्मिया 17:1 ပူးပေါင်းရင်းမြစ်များ

हितोपदेश 3:3

भक्ति व विश्‍वास गुबलें त्‍वःते मते। थुमित थःगु गःपतय् घाना ति, अले नुगलय् च्‍वयाति।

हितोपदेश 7:3

थ्‍वयात थःगु पतिनय् चिना ति, अले नुगःया ग्‍वरलय् च्‍वयाति।

यशैया 49:16

स्‍व! जिं छन्‍त जिगु ल्‍हातय् कियातयागु दु। छंगु पःखाःत जिं बिचाः यानाच्‍वनागु दु, अय् यरूशलेम!

यर्मिया 11:13

हे यहूदा, छिमिगु गुलि शहरत दु, उलि हे छिमि द्यःत नं दु। यरूशलेमय् गल्‍लि गल्‍लि दु, मछालापुसे च्‍वंम्‍ह बालद्यःया लागि छिमिसं धुपाँय् च्‍याकीगु वेदीत नं उलि हे दय्‌कूगु दु।’

यर्मिया 2:22

छं सोडा वा साबुनं न्‍ह्याक्‍व हे थःत स्‍यूसां छंगु अपराधया ख्‍वः जिगु मिखाया न्‍ह्यःने दया हे च्‍वनी,” परमप्रभु परमेश्‍वरं धयादी।

यर्मिया 31:33

“उबलय् जिं इस्राएलया घरानानापं चीत्‍यनागु बाचा थुकथं खः, जिं थःगु नियम इमिगु मनय् तयाबी अले इमिगु नुगलय् च्‍वयाबी। जि इमि परमेश्‍वर जुइ अले इपिं जिम्‍ह मनूत जुइ।

यर्मिया 4:14

हे यरूशलेम, छ बचय् जुइत थःगु नुगलं मभिंगु खँ सिलाछ्व। गुबलय् तक मभिंगु बिचाः छंगु नुगलय् तया तयेगु?

होशे 12:11

गिलाद दुष्‍ट खः ला? अन च्‍वंपिं मनूत ज्‍यालगय्‌ मजूपिं खः! इमिसं गिलगालय् द्वहंतय्‌त बलि छाइ ला? इमिगु वेदीत बुँ पालिपिन्‍सं बुँइ ल्‍वहं मुंकातःगु थें जुइ।

होशे 7:2

तर जिं इमिसं याःगु दक्‍व दुष्‍ट ज्‍यायात लुमंकी धकाः इमिसं बिचाः हे मयाः। इमिसं याःगु पापया ज्‍यां हे इमित घेरय् यानातःगु दु। उपिं ज्‍या न्‍ह्याबलें जिगु न्‍ह्यःने दु।

होशे 8:11

“एफ्राइमं शुद्ध जुइगु बलिया वेदीत यक्‍व दय्‌कल। उपिं वेदीत हे वयागु निंतिं पाप याइगु वेदीत जूगु दु।

लेवी 4:25

अनंलि पुजाहारीं थःगु पतिंचां पापबलिया हि भतिचा कयाः होमबलिया वेदीया नेकुलिइ तिकेमाः। अले ल्‍यंगु हि वेदीया तःलय् प्‍वंकेमाः।

जकरिया 7:12

दक्‍व शक्ति दुम्‍ह परमप्रभुं थःगु आत्‍मां न्‍हापा न्‍हापायापिं अगमवक्तापाखें बियादीगु व्‍यवस्‍था व वचन न्‍यनेमाली धकाः इमिसं थःगु नुगःयात ल्‍वहं थें छाय्‌कल। उकिं दक्‍व शक्ति दुम्‍ह परमप्रभु तसकं तम्‍वयादिल।

२ कोरिन्‍थी 3:3

छिपिं ख्रीष्‍टं च्‍वयाहःगु पौ खः। अले जिमिगुपाखें छ्वयागु खः। थ्‍व मसिं च्‍वयातःगु पौ मखु, अले ल्‍वहंयागु ग्‍वरलय् च्‍वयातःगु पौ नं मखु। थ्‍व पौ ला मनूतय्‌गु नुगलय् म्‍वाःम्‍ह परमेश्‍वरयागु आत्‍मां च्‍वयातःगु पौ खः।