यर्मिया 16:8 - नेवाः बाइबल

⁸ “भ्‍वय् जुयाच्‍वंगु छेँय् छ दुहां वने मते अले इपिंलिसें नये त्‍वनेत फेतुये मते।

यर्मिया 16:8 ပူးပေါင်းရင်းမြစ်များ

भजनसंग्रहया सफू 26:4

जि कर्पिन्‍त हय्‌काजुइपिं मनूतलिसे मजुया, जि निपा ख्‍वाःपाः दुपिं मनूतलिसे नं मजुया।

यर्मिया 15:17

मोजमज्‍जा यानाजुइपिनिगु पुचलय् जि गुबलें मच्‍वना। इपिंलिसें न्‍ह्याइपुकेगु ज्‍या नं याना मजुया। छिगु ल्‍हाः जिके दुगुलिं जि याकःचा हे च्‍वना। छिं जितः तमं जाय्‌कादीगु खः।

मत्ती 24:38

लखं जाये न्‍ह्यः तकं मनूतय्‌सं नयेत्‍वने यानाच्‍वन, ब्‍याहा यायेगु व बिया छ्वयेगु यानाच्‍वन। नोआ लःजहाजय् मच्‍वंतले इमिसं थथे यानाच्‍वन।

१ कोरिन्‍थी 5:11

जिं छिमित धयागु छु धाःसा विश्‍वासी दाजुकिजापिं जुयाः नं व्‍यभिचार यानाजुइपिं, लोभीत, मूर्ति पुजा यानाजुइपिं, मेपिन्‍त मभिंका जुइपिं, अय्‌लाः त्‍वनाजुइपिं, अले खुँत – थज्‍याःपिं मनूत नाप बुला जुइ मते, अले इपिं नाप नये तक मते धकाः धयागु खः।

एफिसी 5:11

खिउँथाय् जुयाच्‍वंपिनिगु ज्‍याखं तापाक हे च्‍वँ, बरु इमिसं यानाच्‍वंगु ज्‍या मभिं धकाः क्‍यनाब्‍यु।