यर्मिया 16:6 - नेवाः बाइबल

⁶ “अथे जुयाः तःधंपिं व चिधंपिं निखलः हे थ्‍व देशय् सी। इमित सुनानं थुनी मखु। सुं नं इमिगु निंतिं ख्‍वइ मखु, सुनानं थःगु म्‍हय् घाः याइ मखु, सुनानं छ्यंयागु सँ खाइ मखु।

यर्मिया 16:6 ပူးပေါင်းရင်းမြစ်များ

२ इतिहास 36:17

अथे जुयाः परमप्रभुं इमित हमला यायेत बेबिलोनयाम्‍ह जुजुयात हयादिल। व जुजुं यहूदाया ल्‍याय्‌म्‍हपिं मिजंतय्‌त देगः दुने तरवारं स्‍यात। वं ल्‍याय्‌म्‍हपिं, ल्‍यास्‍यपिं, बुरापिं, मिसा मिजं, कमजोरपिं सुयातं नं बाकि मतः। इपिं सकसितं परमेश्‍वरं वयागु ल्‍हातय् बियादिल।

यशैया 22:12

व दिंखुन्‍हु प्रभु, दक्‍व शक्ति दुम्‍ह परमप्रभुं छिमित ख्‍वयेत व विलाप यायेत, छेनय् सँ खायेत व भांग्रा फीत सःतादिल।

यशैया 24:2

पुजाहारी व प्रजा, मालिक व च्‍यः, न्‍याइपिं व मिइपिं, त्‍यासा काइपिं व त्‍यासा बिइपिं, तःमिपिं व मगाःमचाःपिं फुक्‍कसिगु दशा अथे हे जुइ।

यर्मिया 13:13

छं इमित धा, ‘परमप्रभुं थथे धयादी – जिं थःम्‍हं हे थ्‍व देशय् च्‍वंपिं सकसितं, दाऊदया वंशया राजगद्दीइ च्‍वंपिं जुजुपिं, पुजाहारीत, अगमवक्तात व यरूशलेमय् च्‍वंपिं सकसितं दाखमद्यं काय्‌काबी।

यर्मिया 16:4

“इपिं ग्‍यानापुगु ल्‍वचं सी। इमिगु लागिं सुं नं ख्‍वइ मखु वा सुनानं इमित थुनी मखु। इपिं बँय् फोहर थें लानाच्‍वनी। इपिं तरवार व अनिकालं नाश जुइ, इमिगु सीम्‍ह आकाशयापिं झंगःपन्छित व पृथ्‍वीयापिं पशुतय्‌गु नयेगु नसा जुइ।”

यर्मिया 41:5

थःगु दाह्री चानातःपिं, थःगु वसः खुनातःपिं व थःगु म्‍हय् थःम्‍हं हे घाः यानातःपिं चय्‌म्‍ह मनूत अन्‍नबलि व धुपाँय् ज्‍वनाः शकेम, शीलो व सामरियां परमप्रभुया देगलय् वल।

यर्मिया 47:5

गाजायापिं मनूतय्‌सं नुगः मछिंकाः थःगु छ्यंया सँ खाइ। अश्‍कलोनयात सुम्‍क तइ। हे पलिश्‍तीतय् मैदानय् ल्‍यनाच्‍वंपिं, छिमिसं गुबलय् तक थःगु दुःख क्‍यनेत थथःगु म्‍हय् घाः यानाच्‍वनेगु?

यर्मिया 48:37

इपिं सकसिनं सँ खाःगु दु, दारी खाःगु दु। सकसिगु ल्‍हाः चिरिबाःगु दु। सकसिनं भांग्रां जँ त्‍वपूगु दु।

यर्मिया 7:29

“‘थःगु सँ खानाः वांछ्वयाब्‍यु, नांगा डाँडा डाँडाय् वनाः ख्‍व! छाय्‌धाःसा परमप्रभुं तंचायाः थ्‍व पुस्‍तायात इन्‍कार यानाः त्‍वःतादीगु दु।’”

यर्मिया 8:2

मनूतय्‌सं माया यानाः सेवा याःगु, सल्‍लाह काःगु व पुजा याःगु सूर्य, तिमिला व आकाशया नगुतय्‌गु न्‍ह्यःने उपिं क्‍वँय्‌त ब्‍वइ। मुनाः चिहानय् थुनीगु पलेसा उपिं क्‍वँय् बँय् साः थें लानाच्‍वनी।

लेवी 19:27

“‘छिमिसं न्‍हकुइ च्‍वंगु सँ खाये मते। अले दाह्रीया कुन्‍चा कुन्‍चा नं चाये मते।

लेवी 19:28

“‘छिमिसं दुखं च्‍वनीबलय् थःगु म्‍हया छेंगुलिइ घाः याये मते। अले उकी छुं नं च्‍वयेगु ज्‍या नं याये मते। जि परमप्रभु खः।

आमोस 6:11

परमप्रभुं आज्ञा बियादीगु दु, वय्‌कलं ततःखाःगु छेँ कुचा कुचा यानादी अले चिचिखाःगु छेँ धू यानादी।

मत्ती 9:23

अनंलि वय्‌कः थकालियागु छेँय् झाल। अन सी बाजं थानाच्‍वंपिं व ख्‍वया च्‍वंपिं मनूत खनाः

व्‍यवस्‍था 14:1

छिपिं परमप्रभु छिमि परमेश्‍वरया मनूत खः। सिनावंम्‍ह मनूया लागि दुखं च्‍वनीबलय् छिमिसं थःगु म्‍हय् घाः याये मते अथवा मेपिंन्‍सं याःथें छ्यंया न्‍ह्यःने च्‍वंगु सँ खाये मते।

प्रकाश 20:12

अले जिं सिंहासनयागु न्‍ह्यःने तःधंपिं व चिधंपिं सीपिं दनाच्‍वंगु व सफूत पुइकातःगु खना। मेगु छगू सफू नं पुइकल, थ्‍व सफू जीवनयागु सफू खः। अले इमिसं याःगु ज्‍या स्‍वयाः जीवनयागु सफुलिइ च्‍वया तः थें सीपिं फुक्‍कसित न्‍याय यात।

प्रकाश 6:15

अले पृथ्‍वीइ च्‍वंपिं जुजुपिं, ततःधंपिं मनूत, सेनापतित, तःमिपिं, बल्‍लाःपिं, दास व दासमखुपिं, फुक्‍कं गुफा व तःग्‍वःगु ल्‍वहंया कापिचाय्‌ सुचूवन।