यर्मिया 16:5 - नेवाः बाइबल

⁵ छाय्‌धाःसा परमप्रभुं थथे धयादी, “मनू सीगु छेँय् सीभ्‍वय् नयेत दुहां वने मते, वा शोक यायेत वा सान्‍त्‍वना बीत वने मते। छाय्‌धाःसा जिं थुपिं मनूतय् दथुं जिगु आशिष, सदां दयाच्‍वनीगु दयामाया व दया चीकाछ्वये धुन,” परमप्रभुं धयादी।

यर्मिया 16:5 ပူးပေါင်းရင်းမြစ်များ

भजनसंग्रहया सफू 25:6

हे परमप्रभु! छिं जितः यक्‍व न्‍ह्यः क्‍यनादीगु गुबलें मफुइगु दया माया लुमंकादिसँ।

यशैया 27:11

गुबलय् अनयागु चिचीधंगु कचात गनावनी, उबलय् व त्‍वःथुलाबी अले मिसात वयाः उपिं मि तयाः छ्वय्‌काबी। छाय्‌धाःसा थ्‍व थु हे मथूगु छगू जाति खः। अथे जुयाः इमित दय्‌कादीम्‍हय्‌सिनं इमित दया यानादी मखु, अले इमित सृष्‍टि यानादीम्‍हय्‌सिनं इमित माया यानादी मखु।

यर्मिया 12:12

मरुभूमियागु फुक्‍क नांगा डाँडाय् नाश याइपिं थाहां वःगु दु। परमप्रभुयागु तरवारं देशयागु छगू कुन्‍चांनिसें मेगु कुन्‍चा तक नाश याइ, अले सुं नं सुरक्षित जुइ मखु।

यर्मिया 13:14

अले जिं इमित छम्‍हय्‌सित मेम्‍हनापं ल्‍वाकाबी, अर्थात बौम्‍हय्‌सित काय्‌म्‍हलिसें, काय्‌म्‍हसित बौम्‍हलिसें, जिं इमित दयामाया याये मखु। दया यानाः इमित नाश जुइगुपाखें बचय् नं याये मखु,’” परमप्रभुं धयादी।

यर्मिया 16:13

उकिं जिं छिमित छिमिसं व छिमि तापाःबाज्‍यापिन्‍सं म्‍हमस्‍यूगु मेगु देशय् वांछ्वयाबी। अन छिमिसं चान्‍हि मेपिं द्यःतय्‌गु सेवा याइ। जिं छिमित दया याये मखु।’”

विलाप 3:17

शान्‍ति जिगु जीवनपाखें तापाये धुंकल, सुख धयागु छु खः, व जिं ल्‍वःमने धुंकल।

जकरिया 8:10

व ई स्‍वयाः न्‍हापा सुनानं ज्‍याला बियाः मनू वा पशुयात तये मफु। शत्रुया कारणं सुं मनू सुरक्षित थःगु ज्‍याय् वये वनेमफु। छाय्‌धाःसा जिं सकल मनूतय्‌त थःथः जःलाखःलाया विरोधय् थनागु खः।

व्‍यवस्‍था 31:17

उखुन्‍हु जि इपिंलिसें तसक्‍कं तंचाये, जिं इमित त्‍वःताबी, थःगु ख्‍वाः इपिंपाखें सुचुके, अले इपिं न्‍हनावनी। इमिके तसक्‍कं ग्‍यानपुस्‍से च्‍वंगु विपत्ति वइ। अले उखुन्‍हु इमिसं धाइ, ‘झी परमेश्‍वर झीगु दथुइ मदयाः हे झीत थज्‍याःगु विपत्ति वःगु, मखु ला?’

प्रकाश 6:4

अले हानं प्‍वालाप्‍वाला थीक ह्याउँसे च्‍वंम्‍ह छम्‍ह सल पिहां वल। थ्‍व सल गया वःम्‍हय्‌सिनं पृथ्‍वीइ शान्‍ति मदयेका बिल। अले मनूतय्‌सं मनूतय्‌त स्‍याकेत वयात छपु ताहाकःगु तरवार नं बिल।