यर्मिया 16:17 - नेवाः बाइबल

¹⁷ इमिगु फुक्‍क ज्‍या जिं खं। छुं नं ज्‍या जिपाखें सुलाच्‍वंगु मदु। इमिसं याःगु पाप जिं खं।

यर्मिया 16:17 ပူးပေါင်းရင်းမြစ်များ

२ इतिहास 16:9

छाय्‌धाःसा गुम्‍हय्‌सिगु नुगः परमप्रभुया निंतिं विश्‍वास यायेबहः जू, इमिगु निंतिं थःत बल्‍लाःम्‍ह क्‍यनेत वय्‌कलं थःगु मिखा पृथ्‍वीया फुक्‍क थासय् थुखे उखे ब्‍वय्‌का च्‍वनादी। थुकी छिं मूर्ख ज्‍या यानादिल। उकिं आवंलि छिगु निंतिं लडाइँ हे लडाइँ जुइ।”

अय्‍यूब 10:14

जिं पाप यानागु जूसा छिं जितः स्‍वयाच्‍वनादीगु जुइगु अले जिगु दोषपाखें छिं जितः त्‍वःतामदीगु जुइगु।

अय्‍यूब 31:4

परमेश्‍वर थःम्‍हं हे जिगु पहःचहः स्‍वयामदी ला? जिगु फुक्‍क पलाः ल्‍याः खानाः मदी ला?

भजनसंग्रहया सफू 109:15

परमप्रभुं इमिगु पाप न्‍ह्याबलें लुमंका तयादीमा, वय्‌कलं इमिगु लुमन्‍ति पृथ्‍वीं सुचुक हुया छ्वयादीमा।

भजनसंग्रहया सफू 139:3

जि पिहां वनेगु व दुहां वयेगु छिं स्‍यू, जिगु फुक्‍क पहःचहः छिं स्‍यू।

भजनसंग्रहया सफू 33:15

वय्‌कलं इपिं फुक्‍कसित नुगः बियादी, उकिं वय्‌कलं इमिसं याइगु फुक्‍क ज्‍याखँ सीकादी।

भजनसंग्रहया सफू 51:9

जिगु पापपाखें छिगु ख्‍वाः फहीकादिसँ, अले जिगु फुक्‍क अधर्म हुयाछ्वयादिसँ।

भजनसंग्रहया सफू 90:8

छिं जिमिगु पाप थःगु न्‍ह्यःने तयादी, जिमिगु सुलाच्‍वंगु पापयात थःम्‍हं खनीगु थासय् तयादी।

हितोपदेश 15:3

परमप्रभुया मिखां न्‍ह्याथासं खं, भिंपिं व मभिंपिं निथ्‍वःसित नं वय्‌कलं स्‍वयाच्‍वनादीगु दु।

हितोपदेश 5:21

परमप्रभुं छं याःगु फुक्‍कं स्‍वयाच्‍वंगु दु। छ गन गन वन दक्‍वं स्‍वयाच्‍वंगु दु।

यशैया 29:15

धिक्‍कार छिमित! सुनां थःगु योजना परमप्रभुपाखें सुपीकीगु कुतः याइ, सुनां थःगु ज्‍या खिउँगु थासय् याइ अले मतिइ तइ, “सुनां जिमित खनी धकाः? सुनां सिइका कायेफइ?”

यशैया 66:18

“इमिगु ज्‍या व इमिगु मतिया कारणं जि फुक्‍क जातितय्‌त व थीथी भाय् ल्‍हाइपिन्‍त छथाय् मुंकेत वये। अले इपिं सकसिनं जिगु महिमा खनी।

यर्मिया 2:22

छं सोडा वा साबुनं न्‍ह्याक्‍व हे थःत स्‍यूसां छंगु अपराधया ख्‍वः जिगु मिखाया न्‍ह्यःने दया हे च्‍वनी,” परमप्रभु परमेश्‍वरं धयादी।

यर्मिया 23:24

“छु सुं मनू जिं खंके मफय्‌क गुप्‍ति थासय् सुले फइ ला? छु स्‍वर्ग व पृथ्‍वीइ न्‍ह्याथाय् नं जि मदु ला?” परमप्रभुं धयादी।

यर्मिया 29:23

छाय्‌धाःसा इमिसं इस्राएलय् तसकं घच्‍चाइपुगु ज्‍या याःगु दु। इमिसं थः जःलाखःलाया कलाःलिसे व्‍यभिचार याःगु दु अले जिगु नामं जिं इमित धाः धकाः मधयागु मखुगु खँ इमिसं धाल। जिं थ्‍व खँ स्‍यू, जि थ्‍व खँया साक्षी खः,” परमप्रभुं धयादी।

यर्मिया 32:19

छिगु बिचाः तःधं अले छिगु ज्‍याखँय् शक्ति दु, मनूतय्‌गु फुक्‍क पहःचहः छिं खं। छम्‍ह छम्‍ह मनूयात वयागु पहःचहः व ज्‍याकथं फल बियादी।

यर्मिया 7:11

छु छिमिसं जिगु देगःयात खुँ दाखुँतय्‌गु छेँ धकाः च्‍वना ला? छिमिसं छु यानाच्‍वंगु दु, जिं स्‍यू, परमप्रभुं धयादी।

इजकिएल 8:12

वय्‌कलं जितः धयादिल, “अय् सीमानिम्‍ह मनू, इस्राएलया घरानायापिं सकलें धर्म गुरुतय्‌सं खिउँगुलिइ थथःगु मूर्तिया पुजा क्‍वथाय् छु यानाच्‍वंगु दु छं खन ला? इमिसं धाइगु, ‘परमप्रभुं जिमित मखं, परमप्रभुं झीगु देशयात त्‍वःतादीगु दु।’”

इजकिएल 9:9

वय्‌कलं जितः धयादिल, “इस्राएल व यहूदाया घरानाया पाप तसकं तःधं। देश मनू स्‍यायेगु ज्‍यां जाःगु दु अले शहर अन्‍यायनं जाःगु दु। इमिसं धाइगु, ‘परमप्रभुं देशयात त्‍वःतादीगु दु, परमप्रभुं मखं।’

सपन्‍याह 1:12

उबले मत च्‍याकाः जिं यरूशलेमयात माले, अले याउँक च्‍वनाच्‍वंपिन्‍त, कः जुयाच्‍वंगु दाखमद्य थें जुयाच्‍वंपिन्‍त सजाँय बी, अले ‘परमप्रभुं भिं व मभिं छुं नं याइ मखु’ धकाः बिचाः याइपिन्‍त जिं सजाँय बी।

जकरिया 4:10

परमप्रभुं धयादिल, “ज्‍या भचा भचा जक शुरु जूगुयात हेला याये मते। अय्‌नं ज्‍या न्‍ह्याकेत यरूबाबेलया ल्‍हातय् दकःमिया खिपः दुगु खनाः इपिं लय्‌ताइ।” (उपिं त्‍वाःदेवाया न्‍हय्‌गः पाल्‍चा पृथ्‍वीया फुक्‍कभनं स्‍वया च्‍वनीगु परमप्रभुया मिखा खः।)

१ कोरिन्‍थी 4:5

उकिं ई स्‍वयाः न्‍हापा छुं खँय् न्‍याय यायेगु याये मते। तर प्रभु झाया मदितले पियाच्‍वँ। छाय्‌धाःसा वय्‌कलं मनूतय्‌गु नुगलय् च्‍वंगु गुप्‍ति ज्‍याखँ, अले हानं सुनानं मसीक याःपिनिगु ज्‍याखँ नं उलादी। थथे जुइ धुंकाः स्‍याबास बी माःपिं मनूतय्‌त परमेश्‍वरं हे स्‍याबास बियादी।

हिब्रू 4:13

परमेश्‍वरं मखंगु छुं हे मदु। सृष्‍टियागु फुक्‍क खँ वय्‌कलं खं। थ्‍व हे परमेश्‍वरयात झीसं थथःगु ल्‍याःचाः बीमाः।