यर्मिया 16:16 - नेवाः बाइबल

¹⁶ “तर आः जिं यक्‍व न्‍या लाइपिं छ्वये, इमिसं थुपिं मनूतय्‌त लाइ,” परमप्रभुं धयादी। “अनंलि जिं थःम्‍हं हे यक्‍व शिकारीतय्‌त छ्वये, इमिसं थुमित फुक्‍क पर्वत, डाँडा व गुफां मामां लिकाइ।

यर्मिया 16:16 ပူးပေါင်းရင်းမြစ်များ

उत्‍पत्ति 10:9

परमप्रभुया मिखाय् व छम्‍ह तसकं बल्‍लाःम्‍ह शिकारी खः। धापू हे नं दु, “निम्रोद थें परमप्रभुया मिखाय् बल्‍लाःम्‍ह शिकारी” धकाः।

यशैया 2:21

पृथ्‍वीयात लिगिलिगि संकेत परमप्रभु दनादीबलय्, परमप्रभुया दण्‍डपाखें बचय् जुइत व वय्‌कःया महिमा व तःजिगु शक्तिपाखें सुपिलेत इपिं तग्‍वःगु ल्‍वहंया गुफाय् व जमिनया प्‍वालय् दुहांवनी।

यशैया 7:19

उपिं वयाः चिब्‍यागु काप्‍चाय्, ल्‍वहं कापिचाय्‌, कंझालय् व फुक्‍क लः प्‍वालय् च्‍वंवइ।

यर्मिया 25:9

स्‍व, जिं थःम्‍हं हे उत्तरयापिं फुक्‍क मनूतय्‌त व जिम्‍ह दास बेबिलोनयाम्‍ह जुजु नबूकदनेसरयात सःताहये,” परमप्रभुं धयादी। “जिं इमित थ्‍व देश व थनच्‍वंपिं मनूतय्‌गु विरोधय् व जःखः च्‍वंगु जातिया विरोधय् हये। जिं इमित भज्‍यंक नाश यानाबी। मनूत इमित खनाः वातां जुइ, अले इमित हेस्‍याइ। उलि जक मखु, थ्‍व फुक्‍क देश सदां झिजांमिजां जुयाच्‍वनी।

यर्मिया 4:29

सल गया वःपिनिगु व धनुष घाना तःपिनिगु सः न्‍यनाः फुक्‍क शहरयापिं मनूत बिस्‍युं वनी। गुलिं झालय् दुहां वनी, गुलिं ल्‍वहंधिकय् थाहांवनी। फुक्‍क शहर सुनसान जुल, अन सुं च्‍वनी मखु।

यर्मिया 49:5

प्रभु, दक्‍व शक्ति दुम्‍ह परमप्रभुं थथे धयादी, “स्‍व! जिं थःम्‍हं हे छंगु प्‍यखें दुपिंपाखें छंके भय हये। छिपिं सकसितं लिनाछ्वइ। बिस्‍युं जूपिन्‍त मुंकिपिं सुं दइ मखु।

यर्मिया 6:9

दक्‍व शक्ति दुम्‍ह परमप्रभुं थथे धयादी, “इमिसं इस्राएलया बचय् जूपिन्‍त दाखमां त्‍वःताथकुगु दाख खाःगु थें छुं हे मल्‍यंक खाइ। दाख मुनीम्‍हय्‌सिनं थें थःगु ल्‍हाः हाकनं उकिया कचाय् ति।”

विलाप 4:18

मनूत जिमिगु पला पतिकं लिउलिउ वल, अले जिपिं बांलाक जिमिगु लँय् न्‍यासि जुइ मफुत। जिमिगु अन्‍त लिक्‍क दु, जिमिगु आयु फुइधुंकल। छाय्‌धाःसा जिमिगु अन्‍त वये धुंकल।

विलाप 4:19

जिमित लित्तुलिपिं आकाशय् ब्‍वइपिं इमा स्‍वयाः नं याकनं ब्‍वांवनी। इमिसं जिमित पहाडय् लित्तुलिल, जिमित हमला यायेत इपिं मरुभूमिइ सुलाच्‍वन।

होशे 10:10

गुबलय् जिगु इच्‍छा जुइ जिं इमित सजाँय बी। इमिगु निदुगं अधर्मया निंतिं इमित चीत जात जातित मुनी।

आमोस 4:2

परमप्रभु परमेश्‍वरं थःगु पवित्रतां थ्‍व पाफयादीगु दु, “स्‍व, व दिं धात्‍थें वइ गबले इमिसं छिमित न्‍यायात बल्‍छीं सालाकाः थें अंकुसें सालायंकी।

आमोस 5:19

सिंहपाखें बिस्‍युं वनाः सुं मनूया भालूयात नापलाःगु थें वा छेँ दुहां वनाः अंगलय् ल्‍हाः तःबलय् सर्पं वयात न्‍या थें व दिं जुइ।

मीका 7:2

विश्‍वास यायेबहःपिं मनूत पृथ्‍वीं नाश जुयावने धुंकल। छम्‍ह नं भिंम्‍ह मनू मदय् धुंकल। सकलें मनूत स्‍याये पालेत पियाच्‍वनीगु। दक्‍व मनूतय्‌सं जाः ह्वलाः थः दाजुकिजापिनिगु शिकार याइगु।

सपन्‍याह 1:12

उबले मत च्‍याकाः जिं यरूशलेमयात माले, अले याउँक च्‍वनाच्‍वंपिन्‍त, कः जुयाच्‍वंगु दाखमद्य थें जुयाच्‍वंपिन्‍त सजाँय बी, अले ‘परमप्रभुं भिं व मभिं छुं नं याइ मखु’ धकाः बिचाः याइपिन्‍त जिं सजाँय बी।

१ शमूएल 24:11

स्‍वयादिसँ! हनेबहःम्‍ह अबु, जिगु ल्‍हातय् दुगु थ्‍व छिगु हे गाया कुचा खः। स्‍वयादिसँ! जिं व जक चाना, छितः मस्‍याना। थुकिं हे छिसं सीकादिसँ, छिगु विरोधय् विद्रोह यायेगु अले छितः मभिं यायेगु नं मति मतया। जिं छिगु छुं हे मभिं मयाना। अय्‌नं छिं जितः स्‍यायेत लिनाजुल।

१ शमूएल 26:20

परमप्रभुया न्‍ह्यःने पाखें तापाक जितः स्‍याके बियादी मते छाय्‌धाःसा छम्‍ह मनुखं पहाडय् चिखायात लिनाजूगु थें इस्राएलयाम्‍ह जुजु छम्‍ह कुसियात मालेत झाःगु दु।”