यर्मिया 15:7 - नेवाः बाइबल

⁷ अले थ्‍व देशया ध्‍वाखा ध्‍वाखाय् जिं इमित हासां हाःथें हाये, जिं इमि काय् म्‍ह्याय्‌पिन्‍त लाकाकाये, जिमि मनूतय्‌सं थःगु मभिंगु पहःचहः मत्‍वःतूगुलिं जिं इमित नाश याये।

यर्मिया 15:7 ပူးပေါင်းရင်းမြစ်များ

भजनसंग्रहया सफू 1:4

दुष्‍टत अथे जुइ मखु, इपिं छ्वसँ थें खः। फसं इमित पुइकायंकी।

यशैया 41:16

छं इमित हायाछ्वइ अले फसं इमित च्‍वय् थत यंकी, अले ग्‍वःफसं इमित पुइकेयंकी। छं धाःसा परमप्रभुनापं हे लय्‌तायाच्‍वनी। अले छं इस्राएलया पवित्र परमेश्‍वरया महिमा याइ।

यशैया 9:12

अरामीतय्‌सं पुर्बपाखें व पलिश्‍तीतय्‌सं पच्‍छिमपाखें म्‍हुतु चाय्‌काः इस्राएलयात घुतुकुगु दु। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यशैया 9:13

तर मनूत इमित कय्‌कूम्‍ह मनूपाखे लिहां वःगु मदुनि, न इमिसं दक्‍व शक्ति दुम्‍ह परमप्रभुयात माःगु दु।

यर्मिया 18:21

उकिं आः इमि काय्‌म्‍ह्याय्‌पिं नये मखंक सीमा! इमित तरवारं स्‍याके बियादिसँ! इमि कलाःपिं मस्‍त मदुपिं व भाःत मदुपिं जुइमा! इमि मिजंतय्‌त नं स्‍यायेमा! इमि ल्‍याय्‌म्‍हपिन्‍त नं लडाइँलय् तरवारं स्‍यायेमा!

यर्मिया 5:3

हे परमप्रभु, छिगु मिखां सत्‍य ममाली ला? छिं इमित कय्‌कादिल, अय्‌नं इमि नुगः मछिं मजू, छिं इमित क्‍वत्‍यलादिल, अय्‌नं इमिसं थःत भिंकेगु वास्‍ता मयाः। इमिसं थःगु ख्‍वाःयात ल्‍वहं स्‍वयाः छाकल। अले पस्‍ताय् चायेत मानय् मजू।

यर्मिया 51:2

वयात हासां हायेत व वयागु देश नाश यायेत बेबिलोनय् जिं विदेशीत छ्वये। वयागु नाशया दिनय् वयागु विरोध याइपिं विदेशीत वया प्‍यखेंपाखें वइ।

यर्मिया 9:21

छाय्‌धाःसा लँय् लँय् काय् म्‍ह्याय्‌पिन्‍त नाश यायेत व चुक चुकय् ल्‍याय्‌म्‍हपिन्‍त नाश यायेत मृत्‍यु झीगु झ्‍यालं, झीगु किल्‍लाय् दुने दुहां वःगु दु।

इजकिएल 24:21

छं इस्राएलया घरानायात धा, ‘परमप्रभु परमेश्‍वरं थथे धयादी – स्‍व! जिं थःगु पवित्रथाय् अर्थात छिमिगु सुरक्षा व गर्वया मूल, छिमिगु मिखाया नानिचा, छिमिसं दुनुगलंनिसें यय्‌कूगु थाय्‌यात अपवित्र याये त्‍यनागु दु। छिमिसं अन त्‍वःताःवःपिं छिमि काय् म्‍ह्याय्‌पिन्‍त तरवारं स्‍याइगु जुइ।

इजकिएल 24:25

“अय् सीमानिम्‍ह मनू, गुखुन्‍हु जिं इमिगुपाखें इमिगु किल्‍ला, इमिगु लसता व गौरव, इमिगु मिखाया नानिचा, इमिगु मनया इच्‍छा व इमि काय्‌म्‍ह्याय्‌पिं नं यंके,

इजकिएल 36:12

जिं जिम्‍ह प्रजा इस्राएलयात छन्‍थाय् हाकनं तये। इमिसं छन्‍त अधिकार याइ अले छ इमिगु सर्बय जुइ। छं गुबलें इमि काय् म्‍ह्याय्‌पिन्‍त लाकायंकी मखु।

जकरिया 1:4

छिपिं थः पुर्खा थें जुइ मते। न्‍हापायापिं अगमवक्तातय्‌सं इमित थथे धाःगु खः – दक्‍व शक्ति दुम्‍ह परमप्रभुं थथे धयादी, ‘छिपिं थःपिनिगु मभिंगु बानी व मभिंगु ज्‍याखँ त्‍वःता जिथाय् वा।’ अय्‌नं इमिसं जिगु खँ मन्‍यं, परमप्रभुं घोषणा यानादी।

मत्ती 3:12

वय्‌कलं ल्‍हातिइ हासा ज्‍वना तयादीगु दु। वय्‌कलं फुक्‍क छ्व हायाः थःगु धुकुतिइ स्‍वथनादी। अले छ्वस जुक्‍व गुबलें मसीगु मिइ छ्वय्‌कादी।”

व्‍यवस्‍था 28:18

छिमि मचाखाचातय्‌त अले अन्‍न, सा द्वहं व फैच्‍वलय्‌या मस्‍तय्‌त सराः लाइ।

व्‍यवस्‍था 28:32

छिमि काय्‌म्‍ह्याय्‌पिं मेगु देशयापिं मनूतय्‌गु ल्‍हातय् ला वनी। छिमि काय्‌म्‍ह्याय्‌पिं लिहां वइ ला धकाः न्‍हियान्‍हिथं छिमिसं मिखा ब्‍वयाच्‍वनी। अय्‌नं छिमिसं छुं याये फइ मखु।

व्‍यवस्‍था 28:41

छिमि काय्‌म्‍ह्याय् ला दइ, अय्‌नं इपिं छिपिंनापं दइ मखु, छाय्‌धाःसा इमित लडाइँलय् ज्‍वनाः यंकी।