यर्मिया 15:4 - नेवाः बाइबल

⁴ हिजकियाया काय् मनश्‍शें थः यहूदायाम्‍ह जुजु जुयाच्‍वंबलय् यरूशलेमय् छु याःगु खः उकिया लागि जिं इमित पृथ्‍वीयागु फुक्‍क देशय् छगू घच्‍चाइपुगु खँ यानाबी।

यर्मिया 15:4 ပူးပေါင်းရင်းမြစ်များ

२ राजा 21:1

मनश्‍शे झिंनिदँ दुबलय् जुजु जूगु खः। वं यरूशलेमय् नेय्‌न्‍यादँ तक राज्‍य यात। वया मांया नां हेप्‍सीबा खः।

२ राजा 21:15

छाय्‌धाःसा इमिसं जितः मयःगु मभिंगु ज्‍या याःगु दु। इमि पुर्खा मिश्रं पिहां वःगु दिनंनिसें थौं तक इमिसं जितः तंचाय्‌कूगु दु।”

२ राजा 21:2

वं परमप्रभुं इस्राएलीतय्‌गु न्‍ह्यःनं पितिनाछ्वःपिं जातितय्‌सं याःथें परमप्रभुयात मयःगु मभिंगु ज्‍या यात।

२ इतिहास 33:1

मनश्‍शे झिंनिदँ दुबलय् जुजु जूगु खः। वं नेय्‌न्‍यादँ (५५) यरूशलेमय् राज्‍य यात।

२ इतिहास 33:2

परमप्रभुं इस्राएलीतय्‌गु न्‍ह्यःनं लिनाछ्वःपिं जातितय्‌सं याःथें घच्‍चाइपुगु ज्‍याखं मनश्‍शें परमप्रभुया मिखाय् मभिंगु ज्‍या यात।

यर्मिया 24:9

जिं इमित छगू ग्‍यानापुगु विपत्तिं सजाँय बी अले थ्‍व खँ न्‍यनाः पृथ्‍वीयापिं फुक्‍क मनूत थरथर खाइ। जिं इमित गन गन लिनाछ्वये अन मनूत इपिं खनाः न्‍हिली, मनूतय्‌सं इमित सराः बी, इमित हेस्‍याइ अले इमिगु नामय् ख्‍याः याइ।

यर्मिया 29:18

इमित जिं तरवार, अनिकाल व महामारीं लिनाछ्वये। व खनाः संसारया फुक्‍क मनूत तसकं ग्‍याइ। जिं इमित लिनाछ्वयागु फुक्‍क जातितय्‌गु दथुइ जिं इमित सराः, भय, गिल्‍ला व निन्‍दाया पात्र दय्‌के।

यर्मिया 34:17

“उकिं परमप्रभुं थथे धयादी – छिमिसं जिगु आज्ञा पालन याःगु मदु। अले थः मनूतय्‌त स्‍वतन्‍त्र यायेगु घोषणा याःगु मदु। उकिं आः जिं थःम्‍हं हे छिमिगु निंतिं स्‍वतन्‍त्र यायेगु घोषणा याये, छिमित तरवार, महामारी व अनिकालं सीगु घोषणा याये। जिं छिमित पृथ्‍वीया राज्‍य राज्‍यया निंतिं घच्‍चाइपुपिं यानाबी।

यर्मिया 9:16

इमिसं वा इमि पुर्खातय्‌सं म्‍हमस्‍यूपिं जातितय्‌गु दथुइ जिं इमित छ्यालब्‍याल यानाबी। अले इमित नाश मयातले तरवार ज्‍वनाः जिं इमित लिनाच्‍वने।”

विलाप 1:8

यरूशलेमं तसकं तधंगु पाप यात, अथे जुयाः व अशुद्ध जूगु दु। वयात न्‍हापा मानय् याइपिन्‍सं आः वयात हेपय् याइगु, छाय्‌धाःसा इमिसं व पचिनांगा जूगु खंगु दु। व थः हे झसुकाः तइ अले थःगु ख्‍वाः फस्‍वय्‌की।

इजकिएल 18:19

“अय्‌नं छिमिसं न्‍यनीगु, ‘काय्‌नं थः बौया दोष छाय् भोगय् याये म्‍वाः?’ काय्‌नं न्‍याय व खःकथं ज्‍या याःगु दु अले जिगु विधि बांलाक पालन याःगुलिं व धात्‍थें म्‍वाइ।

इजकिएल 23:46

“परमप्रभु परमेश्‍वरं थथे धयादी – इमिगु विरोधय् छगू भीड हजि, अले इमित लुट व आतंकयात लःल्‍हानाब्‍यु।

लेवी 26:33

जिं छिमित जाति जातिया दथुइ छ्यालब्‍याल यानाबी, अले तरवारं छिमित लिना च्‍वनी। छिमिगु देश झिजांमिजां दनी अले शहरत भज्‍यंक स्‍यनी।

व्‍यवस्‍था 28:25

परमप्रभुं छिमित शत्रुतय्‌गु न्‍ह्यःने बुकेबी। इपिंलिसें ल्‍वायेत छिपिं छपु लँ जुयाः वइ अय्‌नं न्‍हय्‌पु लँ जुयाः बिस्‍युं वनी। छिपिं पृथ्‍वी न्‍यंकंया निंतिं भयया खँ जुइ।

व्‍यवस्‍था 28:64

अले पृथ्‍वीयागु छगू कुन्‍चांनिसें मेगु कुन्‍चा तक थीथी जातिया दथुइ परमप्रभुं छिमित छ्यालब्‍याल यानादी। अले अन च्‍वनाः छिमिसं थःपिन्‍सं व थः पुर्खां म्‍हमस्‍यूपिं सिँ व ल्‍वहंयापिं मेपिं द्यःतय्‌त पुजा याइ।