यर्मिया 15:18 - नेवाः बाइबल

¹⁸ जितः छाय् दुःख जुया तुं च्‍वंगु? जिगु घाःपाः छाय् तसकं स्‍याःगु व मलंगु? छु छि जिगु लागि धोखा बीगु खुसिचा थें व लः मदुगु मुहान थें खः ला?

यर्मिया 15:18 ပူးပေါင်းရင်းမြစ်များ

अय्‍यूब 14:11

गथे खुसिया लः बुलुहुं बुलुहुं कम जुयावनी, अथवा गथे पुखूया लः कम जुयाः सुनावनी,

अय्‍यूब 34:6

जि भिंम्‍ह खःसां जितः फताहा साबित यानादिल। जि निर्दोष खः अय्‌नं वय्‌कःया वाणं मलनीगु घाः यानाब्‍यूगु दु।’

भजनसंग्रहया सफू 6:3

जिगु नुगः तसकं स्‍यानाच्‍वंगु दु। हे परमप्रभु, जिं गुबलय् तक पियाच्‍वनेगु?

यर्मिया 14:19

छु! छिं यहूदायात त्‍वःता हे दियागु खः ला? छितः सियोन तसकं मयः ला? जिमित लने हे मफय्‌क छाय् छिं कय्‌कादियागु? जिमिसं शान्‍तिया आशा यानाः तर छुं नं भिंगु खँ मवः। लनीगु ई पियाच्‍वनाः तर आतंक जक दु।

यर्मिया 14:3

वया भारदारतय्‌सं थः च्‍यःतय्‌त लः काय्‌के छ्वइ। इपिं तुंथिइ वनी, तर इमित लः दइ मखु। इपिं खालिगु लः थल ज्‍वनाः लिहां वइ। इमिसं निराश जुयाः व लज्‍या चायाः थःगु छ्यं त्‍वपुइ।

यर्मिया 20:18

जि छाय् जन्‍म जुयागु? जिगु जीवन समस्‍या व दुःखं जाःगु दु। लज्‍या चायाः जिं थःगु जीवन फुकेगु ला?

यर्मिया 20:7

हे परमप्रभु, छिं जितः ह्यय्‌कादिल। जिं थःत ह्यय्‌के बिया। छि जि स्‍वयाः बल्‍लाः, छिं जितः त्‍याकादीगु दु। न्‍हियान्‍हिथं जितः हेस्‍याइगु। सकलें जि खनाः न्‍हिलीगु।

यर्मिया 30:12

“परमप्रभुं थः मनूतय्‌त थथे धयादी, “‘छंगु घाः लनी मखु व छंगु घाःपाः तःधं।

यर्मिया 30:15

छाय् छ थःगु घाःया निंतिं ख्‍वयागु? छंगु स्‍याःचाः लनीगु वासः मदु। छंगु अधर्म तःधं अले छं यक्‍व पाप याःगु दु उकिं जिं छन्‍त थज्‍याःगु व्‍यवहार याना।

मीका 1:14

अथे जुयाः मोरेशेत-गातयात छिमिसं कोसेलि बियाः बिदा बी। अक्‍जीबया शहरपाखें इस्राएलया जुजुपिन्‍सं धोखा नइ।

मीका 1:9

सामरियायागु घाः लनी मखु। व यहूदाय् नं वःगु दु, यरूशलेमया ध्‍वाखा तक नं थ्‍यंगु दु।