यर्मिया 15:17 - नेवाः बाइबल

¹⁷ मोजमज्‍जा यानाजुइपिनिगु पुचलय् जि गुबलें मच्‍वना। इपिंलिसें न्‍ह्याइपुकेगु ज्‍या नं याना मजुया। छिगु ल्‍हाः जिके दुगुलिं जि याकःचा हे च्‍वना। छिं जितः तमं जाय्‌कादीगु खः।

यर्मिया 15:17 ပူးပေါင်းရင်းမြစ်များ

भजनसंग्रहया सफू 1:1

धन्‍य खः व मनू, गुम्‍ह दुष्‍टतय्‌गु खँय् जुइ मखु, गुम्‍ह पापीतय्‌गु लँय् दनी मखु, अले गुम्‍ह कर्पिन्‍त क्‍वह्यंका जुइपिनिगु पुचलय् च्‍वनी मखु।

भजनसंग्रहया सफू 102:7

जि न्‍ह्यः धयागु हे तनेधुंकल। जि पलिइ च्‍वंम्‍ह याकः झंगः थें जुइ धुन।

यर्मिया 1:10

स्‍व, थौं जिं छन्‍त जाति जाति व राज्‍य राज्‍यया अधिकार बी, इमित लेहें थनेगु व स्‍यंकेगु, नाश यायेगु व वांछ्वयेगु, दय्‌केगु व पीगु अधिकार छन्‍त बी।”

यर्मिया 13:17

तर छिमिसं ध्‍यान बियाः मन्‍यन धाःसा छिपिं तःधंछु जूगुलिं जि याकःचा ख्‍वये। परमप्रभुया बथांयात ज्‍वना यंकूगु जुयाः जि ह्वाँय्‌ह्वाँय् ख्‍वये, अले जिगु मिखां ख्‍वबिया धाः पिहां वइ।

यर्मिया 16:8

“भ्‍वय् जुयाच्‍वंगु छेँय् छ दुहां वने मते अले इपिंलिसें नये त्‍वनेत फेतुये मते।

यर्मिया 6:11

तर जि परमप्रभुया तमं जाःगु दु, अले जिं थुकियात पनातये मफु। “थुकियात लँय् दुपिं मस्‍तय्‌थाय् व ल्‍याय्‌म्‍हपिं मनूत मुनाच्‍वंथाय् प्‍वंकाब्‍यु! छाय्‌धाःसा कलाः भाःतपिं सकसितं ज्‍वनाः यंकीगु जुइ। बाज्‍यःवंपिं व ज्‍याथपिं तकं बचय् जुइ मखु।

विलाप 3:28

परमप्रभुं वयात दुःखकष्‍ट बियादीगुलिं सुम्‍क व याकःचा हे च्‍वनेमा।

दानिएल 7:28

“जिगु खँ थन हे सिधल। जि दानिएल तसकं ग्‍यात, जिगु ख्‍वाः हे वँचुसे च्‍वन। अय्‌नं जिं थ्‍व खँ थःगु मनय् हे तया।”

जकरिया 1:12

अले परमप्रभुया दूतं धाल, “हे दक्‍व शक्ति दुम्‍ह परमप्रभु, न्‍हयेदंनिसें छि यरूशलेम व यहूदाया शहरतलिसे तंचायादीगु दु। ग्‍वःन्‍हु तक छिं इमित दया यानादी मखु?”

२ कोरिन्‍थी 6:17

अले हानं प्रभुं थथे धयादीगु दु – “छिपिं इमिगु पुचलं पिहां वा, अले छखे च्‍वँ। अशुद्ध खँ थी मते। अले जिं छिमित थः मनू याये।