यर्मिया 15:16 - नेवाः बाइबल

¹⁶ छिगु वचन वःबलय् जिं उपिं वचन नया। छिगु वचनं यानाः जितः न्‍ह्यइपुल, अले जिगु नुगलय् लसतां भय्‌बिल। हे दक्‍व शक्ति दुम्‍ह परमप्रभु परमेश्‍वर, मनूतय्‌सं जितः छिकपिनि मनू धाइगु।

यर्मिया 15:16 ပူးပေါင်းရင်းမြစ်များ

नहेम्‍याह 8:12

अले सकल इस्राएलीत छेँ वनाः न्‍ह्यइपुइकाः भ्‍वय् नल। थःके दुगु नसा मेपिन्‍त इनाबिल, छाय्‌धाःसा व्‍यवस्‍थाया सफुतिं ब्‍वनाः न्‍यंकूगु खँ इमिसं बांलाक थुल।

अय्‍यूब 23:12

वय्‌कःया म्‍हुतुं पिहां वःगु आज्ञायात जिं ‘म्‍हां’ मधया। जिगु न्‍हियान्‍हिथंया नसा स्‍वयाः वय्‌कलं धयादीगु खँ जिं नुगलय् मुंकातःयागु दु।

भजनसंग्रहया सफू 119:111

छिगु नियम न्‍ह्याबलेंया निंतिं जिगु मू वंगु सम्‍पत्ति जूगु दु। उकिं जिगु नुगःयात लय्‌ताय्‌की।

भजनसंग्रहया सफू 119:16

छिगु व्‍यवस्‍था जि लय्‌ताये, छिगु वचनयात जिं ल्‍वःमंके मखु।

भजनसंग्रहया सफू 119:72

छिं स्‍यनातःगु खँ जिगु निंतिं लुँ व वहःयागु द्वलंद्वः कुचा स्‍वयाः मू वं।

भजनसंग्रहया सफू 119:97

छिगु स्‍यनातःगु खँयात जिं गुलि माया याना! न्‍हिच्‍छि हे जिगु ध्‍यान उकी हे वनाच्‍वनी।

भजनसंग्रहया सफू 19:10

थुपिं लुँ स्‍वयाः अप्‍वः यइपुसे च्‍वं भिंगु लुँ स्‍वयाः अप्‍वः, अले कस्‍ति स्‍वयाः अप्‍वः चाकुसे च्‍वं, हाप्‍वलं पिहां वःगु कस्‍ति स्‍वयाः अप्‍वः चाकुसे च्‍वं।

यर्मिया 14:9

छाय् छि अजू चाःम्‍ह मनू थें जुयादीयागु? छाय् बचय् याये मफइम्‍ह बल मदुम्‍ह सिपाइँ थें जुयादियागु? हे परमप्रभु छि जिपिंनापं दी। जिमित छिकपिनि हे मनूत धाइ, जिमित त्‍वःतादी मते!

इजकिएल 2:8

तर छं धाःसा, अय् सीमानिम्‍ह मनू, जिं छन्‍त छु धाये, व खँ बांलाक न्‍यँ! व विद्रोही घराना थें छ विद्रोही जुइ मते, छंगु म्‍हुतु चाय्‌कि, जिं छु बी व न!”

मीका 2:7

हे याकूबया घराना, थथे धायेमाःगु खः ला? “परमप्रभुया आत्‍मा तंचायादीगु दु ला? वय्‌कलं थज्‍याःगु ज्‍या यानादी ला?” “तप्‍यंगु लँपुइ जुइपिन्‍त छु जिगु वचनं भिं मयाइ ला?