यर्मिया 15:15 - नेवाः बाइबल

¹⁵ छिं स्‍यू, हे परमप्रभु, जितः लुमंकादिसँ, जितः वास्‍ता यानादिसँ। जिगु निंतिं जितः कसाः बीपिन्‍त बदला कयादिसँ। छि सह याये फुम्‍ह खः, जितः यंकादी मते! छिगु लागिं जिं गुलि ब्‍वः फये माल! व लुमंकादिसँ।

यर्मिया 15:15 ပူးပေါင်းရင်းမြစ်များ

नहेम्‍याह 13:22

अले जिं लेवीतय्‌त थःत शुद्ध यायेत व शबाथयात पवित्र तयेत वनाः ध्‍वाखाय् पिवाः च्‍वनेत आज्ञा बिया। हे जिमि परमेश्‍वर, थ्‍व नं जिगु निंतिं लुमंका तयादिसँ। अले छिगु दया मायां जितः दया यानादिसँ।

नहेम्‍याह 13:31

हानं जिं सिँया देछा हयेगु व न्‍हापा सःगु अन्‍न हयेगु ई क्‍वःछिना बिया। हे जिमि परमेश्‍वर, जिगु भिंया निंतिं जितः लुमंकादिसँ।

नहेम्‍याह 5:19

“हे जिमि परमेश्‍वर, जिं थ्‍व जातिया निंतिं यानागु फुक्‍क ज्‍या जिगु भिंया निंतिं लुमंका तयादिसँ।”

नहेम्‍याह 6:14

“हे जिमि परमेश्‍वर, तोबिया, सन्‍बलत, अगमवादिनी नोअदिया व जितः ख्‍यायेत स्‍वःपिं ग्‍वःम्‍ह अगमवक्तात दु, इपिं फुक्‍कसिगु थज्‍याःगु ज्‍या लुमंका तयादिसँ।”

अय्‍यूब 10:7

खःला जि छुं दोष मदुम्‍ह खः, अले छिगु ल्‍हातं सुनानं जितः बचय् याये फइ मखु धकाः छिं स्‍यू।

भजनसंग्रहया सफू 102:24

“हे जिमि परमेश्‍वर, ल्‍याय्‌म्‍हबलय् हे जितः यंकादी मते। छिगु दँ पुस्‍तां पुस्‍ता तक दयाच्‍वनी।”

भजनसंग्रहया सफू 106:4

हे परमप्रभु, थः मनूतय्‌त दया माया यानादीबलय् जितः लुमंकादिसँ। इमित उद्धार यानादीबलय् जितः नं ग्‍वाहालि यानादिसँ।

भजनसंग्रहया सफू 119:84

छिकपिनि दासं अज्‍ज गुलि पी मानि? जितः दुःख बीपिन्‍त छिं गुबलय् सजाँय बियादीगु?

भजनसंग्रहया सफू 17:3

छिं चान्‍हय् जिगु बिचाःयात वालाः स्‍वयादीगु दु। अले जिगु नुगःयात दुवालादीगु दु। छिं जितः बांलाक जाँचय् यानादीगु दु। अले जिगु छुं दोष मदु धकाः सीकादीगु दु। जिगु म्‍हुतुं मखुगु व मभिंगु खँ पिहां वइ मखु धकाः जितः विश्‍वास दु।

भजनसंग्रहया सफू 39:13

जि सिनावने न्‍ह्यः, जिगु नां मदयावने न्‍ह्यः हे जिपाखें छिगु तं चीकादिसँ। अले जि हाकनं लय्‌ताये फयेमा।

भजनसंग्रहया सफू 44:22

अय्‌नं जिपिं छिगु लागि न्‍हिथं सी मालाच्‍वंगु दु। स्‍यायेत हःपिं फैतय्‌त थें जिमित व्‍यवहार याइगु।

यशैया 38:3

“हे परमप्रभु, जिं दुनुगलंनिसें छिगु भक्त जुयाः छिगु सेवा यानागु खँ लुमंकादिसँ। जिं छितः यःगु ज्‍या हे यानावयाच्‍वनागु दु।” अले हिजकिया ह्वाँय्‌ह्वाँय् ख्‍वल।

यर्मिया 12:3

तर हे परमप्रभु, छिं ला जितः म्‍हस्‍यू। छिं जितः खं, छिं जिगु मनयात जाँचय् यानादी। स्‍यायेत यंकीपिं फैतय्‌त थें इमित साला यंकादिसँ! स्‍याइगु दिंया लागि इमित अलग तयादिसँ!

यर्मिया 15:10

हाय, जिमि मां, छाय् छिं जितः बुइकादिया? जिलिसें फुक्‍क देशं ल्‍वापु व जवाःसवाः याइगु। जिं न त्‍याय् बियागु दु, न त्‍याय्‌ कयागु दु, अय्‌नं सकसिनं जितः सराः बीगु।

यर्मिया 15:20

जिं छन्‍त थ्‍व प्रजाया निंतिं कँय्‌यागु बल्‍लाःगु किल्‍ला दुगु पःखाः दय्‌काबी। इमिसं छंगु विरोधय् लडाइँ याइ, तर इमिसं छन्‍त त्‍याकी मखु, छाय्‌धाःसा छन्‍त बचय् यायेत व उद्धार यायेत जि छलिसें दु,” परमप्रभुं धयादी।

यर्मिया 17:16

छिम्‍ह फैजवाः जुइगुपाखें जि बिस्‍युं वनागु मदु। जिं निराशया दिंया इच्‍छा यानागु मदु धकाः छिं स्‍यू। हे परमप्रभु, जिं छु धया व छिगु हे न्‍ह्यःने धाःगु खः धकाः छिं स्‍यू।

यर्मिया 18:23

अय्‌नं हे परमप्रभु, जितः स्‍यायेत स्‍वयाच्‍वंपिनिगु फुक्‍क ग्‍वसाः छिं स्‍यू, इमिगु अधर्मयात क्षमा यानादी मते! थःगु मिखां इमिगु पाप हुयादी मते! इपिं छिगु न्‍ह्यःने नाश जुइमा। थःगु तंया इलय् छिं इपिंलिसें थज्‍याःगु हे व्‍यवहार यानादिसँ।

यर्मिया 20:11

तर परमप्रभु बहादुर सिपाइँ थें जिलिसें दु। उकिं जितः क्‍वत्‍यलिपिं लुफिं हायाः दइ। इमिसं जितः त्‍याके फइ मखु। इपिं ताःलाइ मखु, इपिं मछाले माली, इमिगु अपमान गुबलें लोमंकी मखु।

यर्मिया 20:12

हे धर्मीतय्‌त जाँचय् यानादीम्‍ह अले नुगः व मन दुवालादीम्‍ह दक्‍व शक्ति दुम्‍ह परमप्रभु, छिं इमित बदला कयादीगु जिं स्‍वये दयेमा, छाय्‌धाःसा जिं जिगु मुद्दा छितः हे लःल्‍हानागु दु।

यर्मिया 20:8

जिं नवाये पतिकं तःसलं हालाः “स्‍यायेसीगु व तहसनहस जुल” धकाः धायेगु। उकिं परमप्रभुया वचन न्‍हिच्‍छि हे जितः ब्‍वःबीगु व हेस्‍याइगु कारण जूगु दु।

विलाप 3:64

हे परमप्रभु, इमिसं याःगु मभिंगु ज्‍याकथं इमित थिक सजाँय बियादिसँ।

विलाप 3:66

छिं इमित थःगु तम्‍वय् लिनाछ्वयादिसँ, अले परमप्रभुया आकाशया क्‍वय् नं इमित भज्‍यंक नाश यानादिसँ।

मत्ती 10:22

थथे जिगु नामं यानाः छिमित फुक्‍कसिनं हेला याइ। दकलय् लिपा तकं क्‍वात्तुक विश्‍वास यानाः सह यानाच्‍वंम्‍ह बचय् जुइ।

मत्ती 19:29

जिगु निंतिं छेँबुँ, दाजुकिजा, तताकेहेँ, मांबौ, काय्‌म्‍ह्याय् त्‍वःतावःपिन्‍त व स्‍वयाः अप्‍वः दइ। अले अनन्‍त जीवन नं दइ।

लूका 21:17

जिगु नामं यानाः छिमित फुक्‍कसिनं हेला याइ।

रोमी 12:19

यःपिं दाजुकिजापिं, छिपिं थःपिन्‍सं हे पलेसा कायेगु स्‍वये मते, बरु परमेश्‍वरया तच्‍वःगु तंमय्‌ त्‍वःताब्‍यु। छाय्‌धाःसा धर्मशास्‍त्रय् च्‍वयातःगु दु, “बदला कायेगु जिगु ज्‍या खः, जिं इमित सजाँय बी” परमप्रभुं धयादी।

रोमी 8:35

ख्रीष्‍टयागु मायां झीत सुनां फाये फइ? छु झीत दुःखकष्‍ट जुल धकाः, म्‍वाय् थाकुल धकाः, सास्‍ती बिल धकाः, नये मखन धकाः, पुनेगु मन्‍त धकाः, ग्‍यानपुगु वल धकाः, अले तरवारं पाली धकाः झीसं ख्रीष्‍टयात त्‍वःते जिल ला?

२ कोरिन्‍थी 5:11

अय्‌जूगुलिं प्रभुया भय कायेगु छु खः व जिमिसं बांलाक थूगुलिं मेपिं मनूतय्‌त नं प्रभुयात मानय् याकेत कुतः यानाच्‍वनागु खः। परमेश्‍वरं जिमित बांलाक म्‍हस्‍यू, छिमिसं नं जितः बांलाक म्‍हसी धयागु आशा यानागु दु।

२ तिमोथी 4:14

अलेक्‍जेन्‍डर सिजःकःमिनं जितः तसकं बांमलाकल। प्रभुं वयात यायेमाःगु यानादी।

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”

प्रकाश 6:10

थुपिं तसकं हाला हल – “शक्ति दुम्‍ह, पवित्रम्‍ह व सत्‍यम्‍ह परमप्रभु, पृथ्‍वीइ च्‍वंपिन्‍त छिं गुबलय् जिमित स्‍याःगु पलेसा कायेत न्‍याय यानादीगु?”

न्‍यायकर्ता 16:28

शिमशोनं परमप्रभुयात बिन्‍ति यानाः धाल, “हे परमप्रभु परमेश्‍वर, जितः लुमंकादिसँ। जितः हाकनं छकः जक बल बियादिसँ। जितः थःगु निगः मिखाया निंतिं थुपिं पलिश्‍तीतय्‌त छकलं बदला काय्‌के बियादिसँ।”