यर्मिया 14:8 - नेवाः बाइबल

⁸ हे इस्राएलया आशा, दुःखया इलय् वयात उद्धार यानादीम्‍ह, थ्‍व देशय् छि छाय् परदेशी थें जुयादियागु? छाय् छि छचा जक च्‍वनेत थःगु पाल ग्‍वइम्‍ह लँजुवाः थें जुयादियागु?

यर्मिया 14:8 ပူးပေါင်းရင်းမြစ်များ

भजनसंग्रहया सफू 10:1

हे परमप्रभु, छि छाय् तापाक च्‍वनादियागु? जिमिगु दुःखया इलय् छि छाय् फहिलादियागु?

भजनसंग्रहया सफू 138:7

जितः समस्‍यां घेरय् याःसां छिं जिगु जीवन रक्षा यानादी। छिं जिमि तम्‍वःपिं शत्रुतय्‌गु विरोध यानादी, अले थःगु जव ल्‍हातं जितः बचय् यानादी।

भजनसंग्रहया सफू 46:1

परमेश्‍वर झीगु शरण कायेगु थाय् व बल खः, अले दुःखया इलय् अःपुक दइगु ग्‍वाहालि खः।

भजनसंग्रहया सफू 46:2

अथे जुयाः पृथ्‍वी हे लिगिलिगि संसां अले पर्वतत समुद्रय् कुतुं वंसां झीपिं ग्‍याये मखु।

भजनसंग्रहया सफू 50:15

दुःखया इलय् जितः प्रार्थना या! जिं छन्‍त बचय् याये, अले छं जितः तःधंकी।”

भजनसंग्रहया सफू 71:5

हे परमप्रभु, छि हे जक जिगु आशा खः। हे परमप्रभु, जिं मचांनिसें छिगु भरोसा कयागु दु।

भजनसंग्रहया सफू 9:9

क्‍वत्‍यय्‌का च्‍वनेमाःपिनिगु निंतिं परमप्रभु शरण कायेगु थाय् खः, दुःखकष्‍टया इलय् नं शरण कायेगु थाय्।

भजनसंग्रहया सफू 91:15

इमिसं जितः सःतीबलय् जिं इमित लिसः बी, इमित दुःख जुइबलय् जि इपिंनापं च्‍वने, जिं इमित बचय् याये, अले इज्‍जत याये।

यशैया 33:2

हे परमप्रभु, जिमित दया यानादिसँ। जिमिसं छिके आस यानाच्‍वना। सुथ पतिकं छि जिमिगु निंतिं शक्ति व दुःखपाखें उद्धार याइम्‍ह जुयादिसँ।

यशैया 43:11

जि खः, जि हे परमप्रभु खः। जि बाहेक मुक्ति बीम्‍ह सुं हे मदु।

यशैया 43:3

छाय्‌धाःसा जि परमप्रभु छिमि परमेश्‍वर खः, इस्राएलया पवित्र परमेश्‍वर, छिमि मुक्तिदाता। छन्‍त त्‍वतकेत मिश्र देश अले छंगु पलेसा कूश व सेबा जिं बी।

यशैया 45:15

हे परमेश्‍वर, इस्राएलया मुक्तिदाता। धात्‍थें छि हे परमेश्‍वर खः, सुनां थःत सुपिका तयादी।

यशैया 45:21

आः जूवइतिनिगु खँया बारे धा। छिपिं थःथवय् सल्‍लाह या। थ्‍व खँ यक्‍व दँ न्‍ह्यः सुनां धयाबिल? न्‍हापांनिसें सुनां धयाबिल? छु जि परमप्रभुं हे मखु ला? जि बाहेक मेपिं सुं परमेश्‍वर मदु। छम्‍ह धर्मी व मुक्ति बीम्‍ह परमेश्‍वर, जि बाहेक मेपिं सुं नं मदु।

यशैया 63:8

वय्‌कलं धयादिल, “धात्‍थें हे थुपिं जिमि प्रजा खः, उपिं काय्‌पिं गुपिन्‍सं जितः ध्‍वखा बी मखु।” अथे जुयाः वय्‌कः इमित मुक्ति बीम्‍ह जुयादिल।

यर्मिया 16:19

हे परमप्रभु, जिगु बल व जिगु किल्‍ला, दुःखया दिनय् जिगु शरण कायेगु थाय्, पृथ्‍वीयागु ताताःपाःगु थासं जाति जातितय्‌सं छिथाय् वयाः धाइ, “जिमि तापाःबाज्‍यापिन्‍के ला फताहा द्यःत, ज्‍यालगे मजूगु मूर्तित बाहेक मेगु छुं नं मदु।

यर्मिया 17:13

हे परमप्रभु, छि इस्राएलया आशा खः। छितः त्‍वःतिपिं सकलें मछालेमाली। छिपाखें फस्‍वयावनीपिं धुलय् च्‍वयातःगु नां थें मदयावनी, छाय्‌धाःसा इमिसं छि परमप्रभु म्‍वाःगु लःया मुहानयात त्‍वःतूगु दु।

यर्मिया 30:7

हाय! व दिं गुलि ग्‍यानापुसे च्‍वंगु दिं जुइ। व थें ज्‍याःगु मेगु दिं दइ मखु। जिमि मनूत याकूबया सन्‍तानया निंतिं व दुःखया दिं जुइ तर व वपाखें बचय् जुयाः वइ।’”

यर्मिया 50:7

इमित नापलाकूपिन्‍सं इमित नयाबिल। इमि शत्रुतय्‌सं धाल, ‘थुकी जिमिगु छुं दोष मदु, छाय्‌धाःसा इमिसं इमिगु खःगु च्‍वनेगु थाय् परमप्रभु, इमि पुर्खातय्‌गु आशा, परमप्रभुया विरोधय् पापयात।’

योएल 3:16

परमप्रभु सियोनं तस्‍सलं हालादी। वय्‌कःया सः यरूशलेमं वःगु नँ न्‍याःगु सः थें च्‍वं। आकाश व पृथ्‍वी थुरथुर खाइ। परमप्रभु धासाः थः प्रजाया निंतिं शरण कायेगु थाय् व इस्राएलया मनूतय्‌गु निंतिं किल्‍ला जुयादी।

जकरिया 9:12

हे आशा यानाच्‍वंपिं कैदीत, थःगु किल्‍लापाखे लिहां हुँ। आः जिं छिमित धाये, “छिमित जूगु सास्‍तीया पलेसा जिं छिमित उकिया निदुगं सुवाः बी।”

प्रेरित 28:20

थ्‍व हे खँ धायेत जिं छिकपिन्‍त सःतागु खः। इस्राएलीतय्‌सं आशा याना च्‍वंम्‍हय्‌सिगु खं यानाः जि थथे ज्‍वंका च्‍वनेमाल।”

१ तिमोथी 1:1

मुक्ति बियादीम्‍ह परमेश्‍वरया उजंकथं आशा बियादीम्‍ह येशू ख्रीष्‍टया प्रेरित जुयाम्‍ह जि पावलयापाखें

न्‍यायकर्ता 19:17

वं थय्‌क च्‍वय्‌पाखे स्‍वःबलय् शहरया चुकय् फ्‍यतुनाच्‍वंम्‍ह व यात्रीयात खन। व बुराम्‍ह मनुखं न्‍यन, “छ गन वनेत्‍यनागु? छ गनं वयागु?”