यर्मिया 14:7 - नेवाः बाइबल

⁷ जिमिसं यानागु मभिंगु ज्‍यां जिमिगु विरोधय् साक्षी ब्‍यूसां हे परमप्रभु, छिगु नां तःधंकेत छुं ज्‍या यानादिसँ। जिमिसं तःकः मछि हे छितः त्‍वःतागु दु। जिमिसं छिगु विरोधय् पाप यानागु दु।

यर्मिया 14:7 ပူးပေါင်းရင်းမြစ်များ

एज्रा 9:15

परमप्रभु इस्राएलयाम्‍ह परमेश्‍वर, छि धर्मीम्‍ह खः। छिं जिमित म्‍वाका तयादीगु दु। थन जिपिं थःगु दोषनापं छिगु न्‍ह्यःने दु, खःला थुकिं यानाः जिपिं मध्‍ये छम्‍ह नं छिगु न्‍ह्यःने दने मफये धुंकूगु खः।”

भजनसंग्रहया सफू 115:1

जिमिगु मखु, हे परमप्रभु, जिमिगु मखु, छिगु सदां दयाच्‍वनीगु दया माया व विश्‍वास याये बहःसूया निंतिं छिगु थःगु हे नांया महिमा जुइमा।

भजनसंग्रहया सफू 25:11

हे परमप्रभु! थःगु नांयात तःधंकेत जिगु पाप न्‍ह्याक्‍व हे तःधंसां क्षमा यानादिसँ।

भजनसंग्रहया सफू 79:9

हे परमेश्‍वर, जिमित ग्‍वाहालि यानाः बचय् यानादिसँ। थःगु नांया महिमाया निंतिं जिमिगु पापयात क्षमा यानादिसँ।

यशैया 48:11

जिं छु याये थःगु हे कारणं जिं व याये। जिं थःगु नां बेइज्‍जत याकेबिइ मखु, अले जिगु गौरव नं द्यःतय्‌त इनाबी मखु।

यशैया 59:12

छाय्‌धाःसा जिमिगु द्वंबिद्वं छिगु न्‍ह्यःने यक्‍व दु, अले झीगु पापं हे झीगु विरोधय् साक्षी बी। जिमिगु द्वंबिद्वं जिपिंनापं हे दु अले जिमिगु अधर्मत जिमिसं नालाकाये।

यर्मिया 10:19

जिगु घाःया निंतिं जितः धिक्‍कार दु! जिगु घाः मलनीगु घाः खः। अय्‌नं जिं थःम्‍हं थःत धया, “थ्‍व ला जिगु ल्‍वय् खः, थुकियात जिं सह याये हे माः।”

यर्मिया 2:19

छंगु थःगु हे मभिंगु ज्‍यां छन्‍त सजाँय बी अले छं जितः त्‍वःतूगुलिं छं थःत हे दोष बी। छं जि परमप्रभु थः परमेश्‍वरयात त्‍वःतूगु व जिगु भय छंके मदुगु छगू मभिंगु व म्‍हाइपूगु खँ खः धकाः सीकाति,” प्रभु, दक्‍व शक्ति दुम्‍ह परमप्रभुं धयादी।

यर्मिया 3:25

झीपिं थःगु लज्‍यां ग्‍वतुलेनु। झीगु हेलां झीत त्‍वपुइमा। थः परमप्रभु परमेश्‍वरया विरोधय् झीसं व झी पुर्खातय्‌सं पाप याना वयाच्‍वनागु दु, थःगु ल्‍याय्‌म्‍हबलय्‌निसें थौं तक झीसं थः परमप्रभु परमेश्‍वरयागु आज्ञा पालन यानागु मदु।”

यर्मिया 3:6

योशियाह जुजुया पालय् परमप्रभुं जितः धयादिल, “विश्‍वास यायेबहः मजूम्‍ह इस्राएलं छु छु यात छु छं खना ला? वं फुक्‍क ततःजाःगु डाँडाय् व फुक्‍क वाउँगु सिमाया क्‍वय् वं व्‍यभिचार यात।

यर्मिया 5:25

छिमिगु मभिंगु ज्‍यां यानाः थुपिं खँयात तापाक तःगु दु। छिमिगु पापं यानाः छिमित थ्‍व भिंगु खं तापाकाब्‍यूगु दु।

यर्मिया 5:6

उकिं जंगलं छम्‍ह सिंह वयाः इमित स्‍यानाबी, सुख्‍खा इलाकां छम्‍ह गुँखिचा वयाः इमित नाश याइ, छम्‍ह चितुवा इमिगु शहरया लिक्‍क पियाच्‍वनी, अनं सुं पिहां वःसा वयात कुचा कुचा याइ, छाय्‌धाःसा इपिं तसकं विद्रोही जुल, इमिगु अधर्म यक्‍व दु।

यर्मिया 8:14

यहूदाया मनूतय्‌सं थथे धाइ, झीपिं थन छाय् सुम्‍क च्‍वंच्‍वनागु? छथाय् मुनेनु। झीपिं छचाःखेरं पःखाः ग्‍वयातःगु शहरय् दुहां वनेनु, अले अन नाश जुयेनु। छाय्‌धाःसा परमप्रभु झी परमेश्‍वरं झी नाश जुइ धकाः धयादीगु दु। अले त्‍वनेत झीत बिख दुगु लः बियादीगु दु। छाय्‌धाःसा झीसं वय्‌कःया विरोधय् पाप यानागु दु।

यर्मिया 8:5

अथे खःसा थुपिं यरूशलेमयापिं मनूत छाय् परमेश्‍वरयात त्‍वःताः फस्‍वयावन? इमिसं मूर्ति पुजा याना हे च्‍वंगु दु। इमिसं जिथाय् लिहां वये म्‍हां धाल।

इजकिएल 20:14

तर गुगु जातियापिं मनूतय्‌गु मिखाया न्‍ह्यःने जिं इमित पित हया, उपिं जातियापिं मनूतय्‌गु मिखाया न्‍ह्यःने जिगु नां अपवित्र मजुइमा धकाः जिं जिगु नांया इज्‍जतयात रक्षा यायेगु ज्‍या याना।

इजकिएल 20:22

तर जिं इमित पित हयागु खंपिं जातितय्‌गु न्‍ह्यःने जिगु नां बदनाम मजुइमा धकाः जिं थःगु ल्‍हाःयात पना, जिं जिगु नांया इज्‍जतयात रक्षा यायेगु ज्‍या याना।

इजकिएल 20:9

तर जिं अथे मयाना, छाय्‌धाःसा जिं जिगु नांया इज्‍जतयात रक्षा यायेगु ज्‍या याना। जिं इस्राएलीतय्‌त मिश्र देशं पितहःगु खंपिं जःखः च्‍वंगु जातितय्‌गु दथुइ जिं थःगु नांयात बदनाम जुइके मबिया।

होशे 5:5

इस्राएलया तःधंसुं वयागु हे विरोधय् साक्षी बी। इस्राएल व एफ्राइम नं थथःगु पापय् लुफिं हाइ। यहूदा नं इपिंनापं लुफिं हाइ।

होशे 7:10

इस्राएलया घमण्‍डं वयागु हे विरोधय् साक्षी बी, अय्‌नं थ्‍व फुक्‍क जुइ धुंकाः नं इपिं परमप्रभु थः परमेश्‍वरपाखे फहिला वइ मखु, न वय्‌कःयात माली।

आमोस 7:2

इमिसं बुँइ च्‍वंगु बालीनाली नये धुंकाः जिं धया, “हे परमप्रभु परमेश्‍वर, क्षमा यानादिसँ। याकूब गथे यानाः म्‍वाये फइ? व तसकं हे चीधिकः तिनि।”

मीका 7:9

परमप्रभुं जिगु पं कयाः न्‍ववानाः जिगु हक पक्‍का यानामदीतले जिं वय्‌कःयागु तंयात सहयाना च्‍वने। छाय्‌धाःसा जिं वय्‌कःया विरोधय् पाप यानागु दु। तर वय्‌कलं जितः पित हयाः जलय् हयादी। वय्‌कःयागु न्‍याय व धार्मिकता जिं स्‍वये दइ।

एफिसी 1:12

झीपिं ख्रीष्‍टयाके भरोसा तयापिं दक्‍वसिबय् न्‍हापां हे ल्‍ययातःपिं खः। उकिं परमेश्‍वरयात झीसं तःधंके।

एफिसी 1:6

वय्‌कलं झीत थथे तःधंगु दया माया यानादीगुलिं झीसं वय्‌कःयात तःधंकेमाः। वय्‌कलं थः यःम्‍ह काय्‌पाखें झीत दया माया यानादिल।

व्‍यवस्‍था 32:27

तर जितः इमि शत्रुतय्‌गु हेबाय्‌चबाय् मयय्‌ल। विरोधीतय्‌सं मेकथं थुइकाः थथे मधायेमा, ‘जिमिगु थःगु हे शक्तिं त्‍याःगु खः, परमप्रभुं थ्‍व फुक्‍क यानादीगु मखु।’”

यहोशू 7:9

कनानी व थ्‍व देशयापिं मेपिं मनूतय्‌सं थ्‍व खँ न्‍यनेवं इमिसं जिमित घेरय् यानाः पृथ्‍वीं जिमिगु नां हुया बी। अनं लिपा छिं थःगु तःधंगु नांया लागिं छु यानादी?”