यर्मिया 14:4 - नेवाः बाइबल

⁴ देशय् वा मवःगुलिं जमिन चिरिबाये धुंकल। बुँज्‍या याइपिन्‍सं नुगः क्‍वतुंगुलिं थःगु छ्यं त्‍वपुइ।

यर्मिया 14:4 ပူးပေါင်းရင်းမြစ်များ

यर्मिया 2:37

अनं नं लज्‍या चायाः छ छेनय् ल्‍हाः तयाः अथें लिहां वइ। छाय्‌धाःसा छं सुयात सुयात भलसा यात, इमित परमप्रभुं इन्‍कार यानादीगु दु। इपिंपाखें छन्‍त ग्‍वाहालि दइ मखु।

यर्मिया 3:3

उकिं परमेश्‍वरं बसन्‍तया वा वयेगु दिकाब्‍यूगु दु, वा वइ मखु। अय्‌नं छंगु ख्‍वाः वेश्‍यायागु थें च्‍वं। छ लज्‍या चाये हे मसः।

योएल 1:11

अय् बुँज्‍या याइपिं, निराश जु। अय् दाखमा पीपिं ह्वाँय्‌ह्वाँय् ख्‍व। छ्व व तछ्वया लागिं ह्वाँय्‌ह्वाँय् ख्‍व, छाय्‌धाःसा बुँयागु अन्‍न नष्‍ट जूगु दु।

योएल 1:17

पुसा चाग्‍वारा क्‍वय् सेकुन, धुकुति उजाड यानाबिल, अले अन्‍नया धुकुति न्‍हनावन, छाय्‌धाःसा अन्‍न सुकूगनावने धुंकल।

लेवी 26:18

“‘थुलि जुइ धुंकाः नं छिमिसं जिगु खँ मन्‍यन धाःसा जिं छिमित पापया न्‍हय्‌दुगं अप्‍वः सजाँय बी।

आमोस 4:8

मनूत शहर शहर जुयाः लःया निंतिं धेधे चुइक जुयाजुल, तर त्‍वनेत माक्‍व मदु, अथे जूसां छिपिं जिथाय् फहिला मवः,” परमप्रभुं धयादी।

व्‍यवस्‍था 29:23

थ्‍व देशया फुक्‍क जमिन चि व गन्‍धकं झौ जुइ। अन छुं पी नं मज्‍यू, छुं बुया नं वइ मखु, अन घाँय्‌ तक नं बुयावइ मखु। थ्‍व परमप्रभुं थःगु तंम्‍वय् नाश यानादीगु सदोम व गमोरा, अदमा व सबोयीम थें जुइ।