यर्मिया 14:20 - नेवाः बाइबल

²⁰ हे परमप्रभु, जिमिसं थःगु मभिंगु ज्‍या व जिमि तापाःबाज्‍यापिनिगु अपराध मानय् याये, जिमिसं धात्‍थें हे छिगु विरोधय् पाप यानागु दु।

यर्मिया 14:20 ပူးပေါင်းရင်းမြစ်များ

२ शमूएल 12:13

अनंलि दाऊदं नातानयात धाल, “जिं परमप्रभुया विरोधय् पाप यानागु दु।” नातानं लिसः बिल, “परमप्रभुं छिगु पाप यंकादीगु दु अथे जुयाः छि सी मखु।

२ शमूएल 24:10

मनूत ल्‍याः खाये सिधःबलय् दाऊदया मनं खँ ल्‍हात, अले वं परमप्रभुयात धाल, “जिं थथे यानाः तःधंगु पाप यानागु दु। हे परमप्रभु, आः जितः क्षमा यानादिसँ धकाः बिन्‍ति याये। जिं मूर्ख ज्‍या यानागु दु।”

नहेम्‍याह 9:2

इमिसं थःपिन्‍त मेपिं विदेशीतपाखें अलग तल। थथःगु थासय् च्‍वनाः इमिसं थथःगु पाप व थः पुर्खातय्‌गु मभिंगु ज्‍या मानय् यात।

अय्‍यूब 33:27

अले वं मनूतय्‌थाय् वयाः थथे धाइ, ‘जिं पाप यानागु दु, जिं खःगु खँयात स्‍यंकागु दु, तर परमेश्‍वरं जितः दयेमाःगु सजाँय बियामदी।

भजनसंग्रहया सफू 32:5

अले जिं छिगु न्‍ह्यःने जिगु पाप मानय् याना। जिं जिगु मभिंगु ज्‍याखँ छिगु न्‍ह्यःने मसुचुका। जिं थःम्‍हं थःत धया, “जिं परमप्रभुया न्‍ह्यःने थःगु पाप मानय् याये।” अले छिं जिगु फुक्‍क पापया दोष क्षमा बियादिल। सेला

यर्मिया 14:7

जिमिसं यानागु मभिंगु ज्‍यां जिमिगु विरोधय् साक्षी ब्‍यूसां हे परमप्रभु, छिगु नां तःधंकेत छुं ज्‍या यानादिसँ। जिमिसं तःकः मछि हे छितः त्‍वःतागु दु। जिमिसं छिगु विरोधय् पाप यानागु दु।

यर्मिया 3:13

“छं थः परमप्रभु परमेश्‍वरया विरोधय् विद्रोही जुया, छं फुक्‍क वाउँगु सिमाया क्‍वय् द्यःतय्‌त पुजा यानाः जिगु विरोधय् व्‍यभिचार याना धकाः स्‍वीकार जक या,” परमप्रभुं धयादी।

यर्मिया 3:25

झीपिं थःगु लज्‍यां ग्‍वतुलेनु। झीगु हेलां झीत त्‍वपुइमा। थः परमप्रभु परमेश्‍वरया विरोधय् झीसं व झी पुर्खातय्‌सं पाप याना वयाच्‍वनागु दु, थःगु ल्‍याय्‌म्‍हबलय्‌निसें थौं तक झीसं थः परमप्रभु परमेश्‍वरयागु आज्ञा पालन यानागु मदु।”

यर्मिया 8:14

यहूदाया मनूतय्‌सं थथे धाइ, झीपिं थन छाय् सुम्‍क च्‍वंच्‍वनागु? छथाय् मुनेनु। झीपिं छचाःखेरं पःखाः ग्‍वयातःगु शहरय् दुहां वनेनु, अले अन नाश जुयेनु। छाय्‌धाःसा परमप्रभु झी परमेश्‍वरं झी नाश जुइ धकाः धयादीगु दु। अले त्‍वनेत झीत बिख दुगु लः बियादीगु दु। छाय्‌धाःसा झीसं वय्‌कःया विरोधय् पाप यानागु दु।

विलाप 1:20

“हे परमप्रभु स्‍वयादिसँ, जि दुःखय् लाःगु दु। जिगु नुगः ख्‍वःगु दु, अले जिगु मन थातय् मला, छाय्‌धाःसा जि विद्रोही जुयागु दु। लँय् लँय् स्‍याये पाले जूगु दु, छेँय् दुने नं सीगु दु।

विलाप 3:42

“जिमिसं पाप याना, जिपिं विद्रोही जुया, अले छिं क्षमा यानादीगु मदुनि।

विलाप 5:7

जिमि तापाःबाज्‍यापिन्‍सं पाप यात, आः इपिं मन्‍त। इमिसं याःगु अर्धमया फल जिमिसं भोगे यानाच्‍वना।

दानिएल 9:15

“हे परमप्रभु जिमि परमेश्‍वर, छिं थः मनूतय्‌त बल्‍लाःगु ल्‍हातं मिश्र देशं पित हयाः थौं तक नं थःगु निंतिं नां तयादिल। जिमिसं पाप यानागु दु, जिमिसं मभिंगु ज्‍या यानागु दु।

आमोस 7:2

इमिसं बुँइ च्‍वंगु बालीनाली नये धुंकाः जिं धया, “हे परमप्रभु परमेश्‍वर, क्षमा यानादिसँ। याकूब गथे यानाः म्‍वाये फइ? व तसकं हे चीधिकः तिनि।”