यर्मिया 14:17 - नेवाः बाइबल

¹⁷ “आः हे यर्मिया, छं इमित थ्‍व वचन धा, “‘जिगु मिखां मदिक्‍क चान्‍हि ख्‍वःबि पिहां वयाच्‍वनेमा। छाय्‌धाःसा कुमारी म्‍ह्याय्, जिमि मू वंपिं मनूत तसकं घाःपाः जूगु दु। इमित तःधंगु घाः जूगु दु।

यर्मिया 14:17 ပူးပေါင်းရင်းမြစ်များ

२ राजा 19:21

वयागु विरोधय् परमप्रभुं थथे धयादीगु दु – “‘सियोनया कुमारी म्‍ह्याय्‌नं छन्‍त हेपे याःगु दु, छन्‍त हेस्‍याइ। यरूशलेमया म्‍ह्याय्‌नं छ बिंस्‍यु वंबलय् छ्यं संकी।

भजनसंग्रहया सफू 119:136

जिगु मिखां ख्‍वबिया धाः हाया हे च्‍वनी, छाय्‌धाःसा मनूतय्‌सं छिं स्‍यनातःगु खँयात मानय् याइ मखु।

भजनसंग्रहया सफू 39:10

अय्‌नं आः जितः मेगु सजाँय बियादी मते। छिगु ल्‍हाःया च्‍वतं जि सीन।

यशैया 37:22

वयागु विरोधय् परमप्रभुं थथे धयादीगु दु – “‘अय् सियोनया कुमारी म्‍ह्याय् छन्‍त हेपे याःगु दु, छन्‍त हेस्‍याःगु दु। यरूशलेमया म्‍ह्याय्‌नं छ बिस्‍युं वंबलय् छ्यं क्‍वाःगु दु,

यर्मिया 10:19

जिगु घाःया निंतिं जितः धिक्‍कार दु! जिगु घाः मलनीगु घाः खः। अय्‌नं जिं थःम्‍हं थःत धया, “थ्‍व ला जिगु ल्‍वय् खः, थुकियात जिं सह याये हे माः।”

यर्मिया 13:17

तर छिमिसं ध्‍यान बियाः मन्‍यन धाःसा छिपिं तःधंछु जूगुलिं जि याकःचा ख्‍वये। परमप्रभुया बथांयात ज्‍वना यंकूगु जुयाः जि ह्वाँय्‌ह्वाँय् ख्‍वये, अले जिगु मिखां ख्‍वबिया धाः पिहां वइ।

यर्मिया 18:13

उकिं परमप्रभुं थथे धयादी, “आः छिमिसं जात जातियापिन्‍थाय् वनाः न्‍यँ, सुनां गुबलें थज्‍याःगु खँ न्‍यंगु दु ला? कुमारी इस्राएलं स्‍वये ग्‍यानापुगु ज्‍या याःगु दु।

यर्मिया 8:18

हे जितः दुःखबलय् सान्‍त्‍वना ब्‍यूपिं, जिगु नुगः दुने कमजोर जुयावंगु दु।

यर्मिया 8:21

जिमि मनूतय्‌त घाःपाः याःगु खनाः जि थः हे घाःपाः जूगु दु। जि ह्वाँय्‌ह्वाँय् ख्‍वये, जिगु नुगः क्‍वतुंगु दु।

यर्मिया 9:1

जिगु छ्यं बुँगाःचा व जिगु मिखा ख्‍वबिया मुहान जूगु जूसा, स्‍याःपिं जिमि मनूतय्‌गु निंतिं जि चान्‍हि ख्‍वयाच्‍वनेगु।

यर्मिया 9:18

इपिं याकनं वयेमा, झीगु मिखां ख्‍वःबि पिहां वय्‌क अले झीगु मिखासं ख्‍वःबि स्‍वः स्‍वः वय्‌क झीगु निंतिं नुगःपा दादां ख्‍वये मा।

विलाप 2:11

ख्‍वख्‍वं ख्‍वबिं हे जिगु मिखा न्‍यलय् धुंकल। जिगु नुगः क्‍वतुन। जिमि मनूत नाश जूगुलिं, जिमि मस्‍त व दुरु त्‍वंपिं मस्‍त शहर शहरय् व गल्‍लि गल्‍लिइ मूर्च्‍छा जूगुलिं जिगु नुगः तसकं ख्‍वःगु दु।

विलाप 2:13

हे म्‍ह्याय् यरूशलेम, जिं छंगु निंतिं छु धाये? जिं छन्‍त छुनापं दाँजय् यायेगु? हे कन्‍या म्‍ह्याय् सियोन, छुनापं दाँजय् यानाः जिं छन्‍त सान्‍त्‍वना बीगु? छंगु घाःपाः तसकं तःजिगु समुद्र स्‍वयाः तःजाः। छन्‍त लाय्‌के फुम्‍ह सु दु?

विलाप 2:18

मनूतय्‌गु नुगलं परमप्रभुयात बिन्‍ति याइ। हे म्‍ह्याय् सियोनया पःखाः, छंगु ख्‍वबि खुसि थें चच्‍छि न्‍हिच्‍छिं हे हाय्‌कि। पलख हे आराम काये मते, अले छंगु मिखायात आराम बी मते।

आमोस 5:2

“कन्‍या इस्राएल हाकनं गुबलें दने मफय्‌क क्‍वःदःगु दु, वयात थःगु देशय् हे त्‍वःताथकल, वयात थनीम्‍ह सुं हे मदु।”

मीका 6:13

छिमिसं यानातःगु पाप व अपराधयागु कारणं जिं छिमित नाश याये त्‍यनागु दु।