यर्मिया 14:16 - नेवाः बाइबल

¹⁶ अले अगमवाणी ल्‍हानाच्‍वंपिं मनूतय्‌त अनिकाल व तरवारं सीधुंकाः यरूशलेमया लँय् वांछ्वइ। इमित व इमि कलाःपिन्‍त वा काय् म्‍ह्याय्‌पिन्‍त थुनीपिं सुं दइ मखु। जिं इमिके इमित ल्‍वःगु विपत्तित प्‍वंकाबी।

यर्मिया 14:16 ပူးပေါင်းရင်းမြစ်များ

हितोपदेश 1:31

छिमिसं छु यात, उकथं हे छिमित दइ। अले छिमिगु ज्‍यां छिमित हे दुःख जुइ।

यशैया 51:20

छिमि काय्‌पिं मूर्च्‍छा जूगु दु। चल्‍ला जालय् क्‍यं थें इपिं नं बल मदयाः लँय् क्‍वदःगु दु। इमिके परमप्रभुया तं व छिमि परमेश्‍वरया ख्‍याच्‍वलं जाःगु दु।

यशैया 9:16

थुपिं मनूतय् नायःतय्‌सं इमित मखुगु लँय् यंकूगु दु अले इमित इतिमिति कंका ब्‍यूगु दु।

यर्मिया 16:4

“इपिं ग्‍यानापुगु ल्‍वचं सी। इमिगु लागिं सुं नं ख्‍वइ मखु वा सुनानं इमित थुनी मखु। इपिं बँय् फोहर थें लानाच्‍वनी। इपिं तरवार व अनिकालं नाश जुइ, इमिगु सीम्‍ह आकाशयापिं झंगःपन्छित व पृथ्‍वीयापिं पशुतय्‌गु नयेगु नसा जुइ।”

यर्मिया 18:21

उकिं आः इमि काय्‌म्‍ह्याय्‌पिं नये मखंक सीमा! इमित तरवारं स्‍याके बियादिसँ! इमि कलाःपिं मस्‍त मदुपिं व भाःत मदुपिं जुइमा! इमि मिजंतय्‌त नं स्‍यायेमा! इमि ल्‍याय्‌म्‍हपिन्‍त नं लडाइँलय् तरवारं स्‍यायेमा!

यर्मिया 20:6

अले हे पशहूर, छ व छंगु छेँय् च्‍वंपिं सकसितं ज्‍वनाः बेबिलोनय् यंकी। छ व छिमि सकलें पासापिं, गुपिन्‍त छं मखुगु अगमवाणी याःगु खः, सकलें बेबिलोनय् सी। अले छिमित अन हे थुनी।’”

यर्मिया 27:15

परमप्रभुं धयादी, ‘जिं इमित छ्वयागु मखु, अय्‌नं इमिसं जिगु नामय् मखुगु अगमवाणी ल्‍हानाच्‍वंगु दु। उकिं जिं छिमित देशं पितिनाछ्वये। छिपिं छिमित अगमवाणी ल्‍हाइपिं छिमि अगमवक्तातनापं नाश जुइ।’”

यर्मिया 4:18

“हे यहूदा, छंगु ज्‍याखं थ्‍व खँ छं थःके हल। छंगु पापं छंके थ्‍व दुःखकष्‍ट हःगु खः। उकिं छंगु नुगलय् सूगु दु।”

यर्मिया 5:31

अगमवक्तातय्‌सं मखुगु अगमवाणी यानाच्‍वंगु दु, पुजाहारीतय्‌सं इमिगु थःगु हे अधिकारं शासन यानाच्‍वंगु दु, जिमि मनूतय्‌सं थथे जुइगु हे यय्‌की। तर लिपतय् छिमिसं छु यायेगु?”

यर्मिया 7:33

थ्‍व प्रजाया सीम्‍हत आकाशया झंगःत व पृथ्‍वीयापिं पशुतय् नयेगु नसा जुइ। इमित ख्‍यानाछ्वइपिं सुं हे दइ मखु।

यर्मिया 8:1

परमप्रभुं धयादी, “अबलय् शत्रुतय्‌सं यहूदाया जुजुपिं, हाकिमत, पुजाहारीत, अगमवक्तात व यरूशलेमय् च्‍वंपिं मनूतय्‌गु क्‍वँय् इमिगु चिहानं लिकाइ।

यर्मिया 8:2

मनूतय्‌सं माया यानाः सेवा याःगु, सल्‍लाह काःगु व पुजा याःगु सूर्य, तिमिला व आकाशया नगुतय्‌गु न्‍ह्यःने उपिं क्‍वँय्‌त ब्‍वइ। मुनाः चिहानय् थुनीगु पलेसा उपिं क्‍वँय् बँय् साः थें लानाच्‍वनी।

यर्मिया 9:20

हे मिस्‍त, परमप्रभुया थ्‍व वचन न्‍यँ, वय्‌कःया वचन ध्‍यान बियाः न्‍यँ! थः म्‍ह्याय्‌पिन्‍त ख्‍वयेगु स्‍यँ, छम्‍हय्‌सिनं मेम्‍हय्‌सित विलापया म्‍ये स्‍यँ!

यर्मिया 9:22

छं थथे धा, “परमप्रभुं थथे धयादी, “‘मनूतय्‌गु सीम्‍ह बुँइ साः थें, छ्व लइपिन्‍सं त्‍वःताः थकूगु अन्‍नया दं थें लानाच्‍वनी, उकियात मुनीपिं सुं नं दइ मखु।’”

इजकिएल 39:14

“‘न्‍हय्‌ला फुइ धुंकाः ल्‍यनाच्‍वंगु सीम्‍हत मालाः थुनेत मनूत ल्‍ययाः देशन्‍यंक छ्वइ, अले इमिसं देशयात शुद्ध याइ।

आमोस 7:17

“अय्‌जूगुलिं परमप्रभुं थथे धयादी – “‘छं कलाः शहरय् छम्‍ह वेश्‍या जुइ, छं काय्‌म्‍हाय्‌पिन्‍त तरवारं स्‍याइ। छंगु देशयात नापय् याइ अले इनी। छ थः हे नं छगू मूर्ति पुजा याइगु छगू अशुद्धगु देशय् सी, अले इस्राएलया मनूतय्‌त धात्‍थें हे थःगु देशं तापाक ज्‍वना यंकी।’”

मत्ती 15:14

इमित त्‍वःताछ्व। इपिं कांपिं लँजवाः खः। कांम्‍ह मनुखं कांम्‍ह मनूयात ल्‍हाः ज्‍वनाः यंकूसा इपिं निम्‍हं गालय् लाइ।”

प्रकाश 16:1

अले जिं देगलं न्‍हय्‌म्‍ह स्‍वर्गदूततय्‌त तस्‍सलं थथे धयाच्‍वंगु ताल – “हुँ, परमेश्‍वरयागु तं दुगु न्‍हय्‌गः ख्‍वल्‍चा पृथ्‍वीइ प्‍वंकि।”