यर्मिया 13:16 - नेवाः बाइबल

¹⁶ वय्‌कलं तसकं खिउँगु हये न्‍ह्यः हे, तसकं खिउँगु डाँडाय् छिपिं लुफिंहाये न्‍ह्यः हे परमप्रभु थः परमेश्‍वरया प्रशंसा या! छिमिसं जःया आशा याइ, तर वय्‌कलं उकियात खिउँगुलिइ हिलाः तसकं खिउँकादी।

यर्मिया 13:16 ပူးပေါင်းရင်းမြစ်များ

अय्‍यूब 3:5

उगु दिंयात तसकं खिउँगु व मृत्‍युया किचलं त्‍वपुइमा। सुपाचं उगु दिंयात त्‍वपुइमा। अन निभाः मत्‍वयेमा।

भजनसंग्रहया सफू 107:10

छुं मनूत तसकं खिउँगु व कालया किपालुइ च्‍वन, सिखलं चिकाः कैदी थें इमिसं दुःख सियाच्‍वन।

भजनसंग्रहया सफू 107:14

वय्‌कलं इमित तसकं खिउँगु व कालया किपालुं पित हयादिल, अले इमिगु सिखः कुचा कुचा यानादिल।

भजनसंग्रहया सफू 29:2

परमप्रभुया नां तःधंगुलिं वय्‌कःयागु प्रशंसा या। परमप्रभु खनेदय्‌कः झाइबलय् वय्‌कःया न्‍ह्यःने वय्‌कःयागु पवित्रताय् पुलिं चुयाः वय्‌कःयात आराधना या।

भजनसंग्रहया सफू 44:19

अय्‌नं छिं जिमित ध्‍वंचातय्‌थाय् त्‍वःतादिल। छिं जिमित तसकं खिउँथाय् वानाथकादिल।

प्रस्‍थान 10:21

परमप्रभुं मोशायात धयादिल, “थःगु ल्‍हाः आकाशपाखे न्‍ह्यज्‍याकि। अले मिश्र न्‍यंक खिउँसे च्‍वनेमा। ल्‍हातिं थी फइ थें च्‍वंक क्‍वात्तुक खिउँसे च्‍वनेमा।”

हितोपदेश 4:19

दुष्‍टतय्‌गु लँ तसकं खिउँगु थें खः, इमिसं थःपिं छुकिं यानाः दल धयागु तकं सी मखु।

उपदेशक 11:8

मनूत न्‍ह्याक्‍व अप्‍वः म्‍वानाच्‍वन धाःसा उपिं फुक्‍कलय् नं व लय्‌तायाच्‍वनेमा। तर वं खिउँलय् याःगु ज्‍या नं लुमंकेगु यायेमा, छाय्‌धाःसा उपिं यक्‍व हे अप्‍वः जुइ। आः जूवइतिनीगु फुक्‍क खँ नं सितिं वंगु खः।

यशैया 5:30

व दिं वइबलय् समुद्रं सः पिकया हः थें इपिं वयाथाय् हाः वइ। व देशयात स्‍वःसा, अन खिउँगु व कष्‍ट जक दु अले जःयात सुपाचं त्‍वपुयाः खिउँकाबी।

यशैया 59:10

कांपिं मनूत थें झीसं अंगलय् पचिपचि याना जुइ। मिखा मदुपिं थें झीसं थःगु लँपु माला जुइ। झीपिं न्‍हिनय् नं सन्‍ध्‍याकाः इलय् थें लुफिं हाइ। तसकं बल्‍लाःपिंनिगु दथुइ झीपिं सीपिं थें जुइ।

यशैया 59:9

अथे जुयाः न्‍याय झीपिंपाखें तापानाच्‍वंगु दु। धार्मिकतां झीत नापलाके फइ मखु। झीसं जःया लँपुयात स्‍वयाच्‍वनी, तर फुक्‍क खिउँसे च्‍वनाच्‍वंगु दु। झीसं तुयुजःया लँपु स्‍वयाच्‍वनी, तर तसकं खिउँसे च्‍वंगु लँपुइ जुयाच्‍वनी।

यशैया 60:2

स्‍व! खिउँगुलिं पृथ्‍वीयात व तसकं खिउँगुलिं मनूतय्‌त त्‍वपुयातःगु दु, तर परमप्रभुया जः छंके वःगु दु, अले परमप्रभुया महिमा छंके खनेदः वःगु दु।

यशैया 8:22

अनंलि इमिसं पृथ्‍वीपाखे स्‍वइबलय् अन दुःख, खिउँगु व ग्‍यानपुसे च्‍वंगु सिबय् मेगु छुं खनी मखु। अले इमित खिउँगुलिइ वांछ्वइगु जुइ।

यर्मिया 14:19

छु! छिं यहूदायात त्‍वःता हे दियागु खः ला? छितः सियोन तसकं मयः ला? जिमित लने हे मफय्‌क छाय् छिं कय्‌कादियागु? जिमिसं शान्‍तिया आशा यानाः तर छुं नं भिंगु खँ मवः। लनीगु ई पियाच्‍वनाः तर आतंक जक दु।

यर्मिया 2:6

इमिसं थुलि तक नं मधाः, ‘झीत मिश्र देशं च्‍वय् हयादीम्‍ह अले मरुभूमिइ, गंगु जमिन व न्‍हसिकाप दुगु, लः मदुगु सुनानं पलाः मतःगु, सुं नं मच्‍वनीगु तसकं खिउँगु देशया दथुं ब्‍वना हयादीम्‍ह परमप्रभु गन दी?’

यर्मिया 23:12

“उकिं इमिगु लँपु चुलुइगु जुइ। इमित खिउँगुलिइ लिनाछ्वइ, अले उकी दइ। छाय्‌धाःसा जिं इमिगु सजाँयया दँय् इमिके विपत्ति हये,” परमप्रभुं धयादी।

यर्मिया 4:23

जिं पृथ्‍वीइ स्‍वया, थ्‍व बां मलू अले शून्‍य। अले आकाशय् स्‍वया, उकी जः मदु।

यर्मिया 50:6

“जिम्‍ह प्रजा तंपिं फैत थें जूगु दु। इमि जवाःतय्‌सं इमित मखुगु लँय् यंकूगु दु। अले पहाड पहाडय् मखुगु लँय् वंके ब्‍यूगु दु। डाँडा डाँडाय् व पहाड पहाडय् चाःह्यु वँवं इमिसं थः च्‍वनीगु थाय्‌यात ल्‍वःमंकल।

यर्मिया 6:21

उकिं परमप्रभुं थथे धयादी, “जिं थःम्‍हं हे थुपिं मनूतय्‌गु लँय् लुफिं हाइगु पंगःत तयाबी। बौ व काय्‌पिं उकी लुफिं हाइ। अले जःलाखःलात व पासापिं नाश जुइ।”

यर्मिया 8:15

झीसं शान्‍तिया आस यानागु खः, अय्‌नं छुं भिंगु खँ मवः, लाय्‌काबीगु ईया आस यानागु खः अय्‌नं आतंक जक दु।

विलाप 4:17

ग्‍वाहालिया निंतिं मफतय् लँपु स्‍वस्‍वं­ जिमिगु मिखा बुलुइ धुंकल। सुरक्षाया निंतिं छगू जातिया लँपु स्‍वयाच्‍वना, अय्‌नं इमिसं जिमित बचय् याये मफुत।

इजकिएल 21:15

मनूतय्‌गु नुगः ग्‍यानाः नाया वनेमा, अले यक्‍व मनूत क्‍वःदयेमा धकाः इमिगु फुक्‍क मू ध्‍वाखाय् स्‍याये पालेत जिं तरवार तयागु दु। हाबलासा थें थीत उकियात दय्‌कूगु दु, उकियात स्‍याये पालेत ज्‍वनी।

इजकिएल 34:12

गथे थःगु बथां थुखे उखे छ्यालब्‍याल जुइबलय् फैजवालं फैच्‍वलय्‌तय्‌त माःवनी, अथे हे जिं जिम्‍ह फैतय्‌त माले। सुपाँय् व तसकं खिउँगु दिनय् छ्यालब्‍याल जूगु फुक्‍क थासं जिं इमित बचय् याये।

इजकिएल 36:15

छं हाकनं गुबलें जाति जातितय्‌गु हेला न्‍यनेमाली मखु, न छं गुबलें मनूतय्‌गु हेला फयेमाली, अथवा न छंगु कारणं छिमि मनूत गुबलें लुफिं हाइ। परमप्रभु परमेश्‍वरं धयादी।’”

योएल 2:2

खिउँसे व म्‍हाइपुसे च्‍वंगु दिं, सुपाँय् व यक्‍व हे खिउँसे च्‍वंगु दिं! डाँडाय् सुथय्‌यागु निभाः लाःगु थें छगू तःधंगु व बल्‍लाःगु सेना वइ। अज्‍याःपिं गुबलें मवनी, हानं गुबलें वइ नं मखु।

आमोस 4:13

पर्वतत दय्‌कादीम्‍ह व फय्‌यात सृष्‍टि यानादीम्‍ह परमेश्‍वर हे खः। वय्‌कलं मनूतय्‌त थःगु बिचाः सीकेबी। वय्‌कलं न्‍हियात चा यानादी, अले पृथ्‍वीया ततःजाःगु थासय् न्‍यासि झायादी। दक्‍व शक्ति दुम्‍ह परमप्रभु परमेश्‍वर वय्‌कःया हे नां खः।

आमोस 5:18

धिक्‍कार दु छिमित, गुपिन्‍सं परमप्रभुया दिंयात पियाच्‍वनी। उगु दिनय् छिमित छु फाइदा दइ? व दिं ला खिउँसे च्‍वनी, तुइसे च्‍वनी मखु।

मलाकी 2:2

छिमिसं जिगु खँय् न्‍हाय्‌पं मबिल धाःसा, छिमिसं जिगु खँ मन्‍यंसा, जिगु नांयात हनाबना मतःसा जिं छिमिथाय् सराः छ्वयाहये। छिमित दइगु सुवाःयात सराः बी। छिमिसं जिगु आज्ञाय् ध्‍यान मब्‍यूगुलिं उमित सराः लाये धुंकूगु दु,” दक्‍व शक्ति दुम्‍ह परमप्रभुं धयादी।

यूहन्‍ना 12:35

वय्‌कलं इमित धयादिल – “छिकपिन्‍थाय् आः छुं ई तक जक जः खयाच्‍वनी, जः दतले छिकपिं सना जु, मखुसा छिकपिन्‍त खिउँगुलिं त्‍वपुइ। खिउँथाय् जुइपिन्‍सं थः गन वनाच्‍वना धयागु तकं सी मखु।

यहोशू 7:19

अले यहोशूं आकानयात धाल, “हे जिमि काय्, परमप्रभु इस्राएलया परमेश्‍वरयात महिमा ब्‍यु, वय्‌कःयात इज्‍जत या! अले छं छु यानागु दु व जितः धा, जिगु न्‍ह्यःने व खँ सुचुके मते।”

१ पत्रुस 2:8

हानं मेथाय् थथे च्‍वयातःगु दु – “थ्‍व हे ल्‍वहँतय् मनूत लुफिं हानाः क्‍वदइ।” परमेश्‍वरयागु वचनय् विश्‍वास मयाःगुलिं इपिं थथे लुफिं हानाः क्‍वदइ। अले परमेश्‍वरं क्‍वःछिना तयादीगु सजाँय फयेमाली।

१ शमूएल 6:5

छिकपिनिगु ला ग्‍वारा व देशयात स्‍यंकाच्‍वंपिं छुँया नमूना दय्‌कादिसँ। अले इस्राएलया परमेश्‍वरया महिमा यानादिसँ। सके वय्‌कलं छिकपिनिपाखें, छिकपिनि द्यःतय्‌पाखें व छिकपिनि देशपाखें थःगु ल्‍हाः लित कयादी।