यर्मिया 13:14 - नेवाः बाइबल

¹⁴ अले जिं इमित छम्‍हय्‌सित मेम्‍हनापं ल्‍वाकाबी, अर्थात बौम्‍हय्‌सित काय्‌म्‍हलिसें, काय्‌म्‍हसित बौम्‍हलिसें, जिं इमित दयामाया याये मखु। दया यानाः इमित नाश जुइगुपाखें बचय् नं याये मखु,’” परमप्रभुं धयादी।

यर्मिया 13:14 ပူးပေါင်းရင်းမြစ်များ

२ इतिहास 20:23

अम्‍मोनीत व मोआबीतय्‌सं सेइर पर्वतयापिं मनूतय्‌त हमला यानाः इमित भज्‍यंक नाश यानाबिल। सेइरयापिं मनूतय्‌त स्‍यायेधुंकाः इमिसं थःथवय् हे छम्‍हय्‌सिनं मेम्‍हय्‌सित हमला यात।

अय्‍यूब 27:22

वं बिस्‍युं वनेगु कुतः याःसां दया हे मयासें फय् वयाके वइ।

भजनसंग्रहया सफू 2:9

छं नँया दण्‍डीं इमित शासन याइ, छं इमित चाया थलयात थें तछ्याइ।’”

यशैया 27:11

गुबलय् अनयागु चिचीधंगु कचात गनावनी, उबलय् व त्‍वःथुलाबी अले मिसात वयाः उपिं मि तयाः छ्वय्‌काबी। छाय्‌धाःसा थ्‍व थु हे मथूगु छगू जाति खः। अथे जुयाः इमित दय्‌कादीम्‍हय्‌सिनं इमित दया यानादी मखु, अले इमित सृष्‍टि यानादीम्‍हय्‌सिनं इमित माया यानादी मखु।

यर्मिया 15:5

“परमप्रभुं धयादी, हे यरूशलेम, सुनां छन्‍त दया याइ? छंगु निंतिं सु ख्‍वइ? छन्‍त गथे च्‍वं धकाः सुनां न्‍यंवइ?

यर्मिया 15:6

छं जितः त्‍वःतूगु दु,” परमप्रभुं धयादी। “छ लिचिला वनाच्‍वंगु दु। उकिं जिं थःगु ल्‍हाः ल्‍ह्वनाः छन्‍त नाश याये, छाय्‌धाःसा जिगु तंयात सह यायां थाकय् जुल।

यर्मिया 16:5

छाय्‌धाःसा परमप्रभुं थथे धयादी, “मनू सीगु छेँय् सीभ्‍वय् नयेत दुहां वने मते, वा शोक यायेत वा सान्‍त्‍वना बीत वने मते। छाय्‌धाःसा जिं थुपिं मनूतय् दथुं जिगु आशिष, सदां दयाच्‍वनीगु दयामाया व दया चीकाछ्वये धुन,” परमप्रभुं धयादी।

यर्मिया 21:7

जि, परमप्रभुं धाये, अनंलि यहूदाया जुजु सिदकियाह, वया हाकिमत महामारी, तरवार व अनिकालं बचय्‌जूपिं थ्‍व शहरय् दुपिं मनूतय्‌त बेबिलोनया जुजु नबूकदनेसर व इमित स्‍यायेत स्‍वयाच्‍वंपिं शत्रुतय्‌गु ल्‍हातय् जिं लःल्‍हानाबी। वं इमित तरवारं स्‍याइ, वं इमित त्‍वःती मखु अले दया नं याइ मखु, माया नं याइ मखु।’

यर्मिया 25:16

जिं इमिथाय् छ्वयागु तरवारं यानाः थ्‍व त्‍वनाः इपिं धेधे चुइ अले वें जुइ।”

यर्मिया 48:12

तर स्‍व! ई वयाच्‍वंगु दु,” परमप्रभुं धयादी, “गबले जिं थलं प्‍वंकीपिं मनूत छ्वये, इमिसं व प्‍वंकी। इमिसं वयागु थलत खालि यानाबी अले वयागु थल चुंचुं यानाबी।

यर्मिया 6:21

उकिं परमप्रभुं थथे धयादी, “जिं थःम्‍हं हे थुपिं मनूतय्‌गु लँय् लुफिं हाइगु पंगःत तयाबी। बौ व काय्‌पिं उकी लुफिं हाइ। अले जःलाखःलात व पासापिं नाश जुइ।”

विलाप 2:21

“ल्‍याय्‌म्‍ह व बुरातय्‌गु सीम्‍ह गल्‍लि गल्‍लिइ धुलय् अथें लानाच्‍वंगु दु। जिमि ल्‍यासेपिं व ल्‍याय्‌म्‍हपिं मनूतय्‌त तरवारं स्‍यानाः क्‍वथला तःगु दु। थःगु तंया दिनय् छिं छुं हे दयामाया मयासें इमित पालाः स्‍यानादीगु दु।

इजकिएल 24:14

“‘जि परमप्रभुं हे थ्‍व खँ धयागु खः। जिं ज्‍या यायेगु ई वःगु दु। जि लिचिले मखु। जिं छन्‍त त्‍वःते। जिं छन्‍त दया याये मखु, जिं थःम्‍हं धया थें या हे याये। छंगु चाला व छंगु ज्‍या स्‍वयाः जिं छंगु न्‍याय याये, परमप्रभु परमेश्‍वरं धयादी।’”

इजकिएल 7:3

आः छंगु अन्‍त वये धुंकल, अले जिं थःगु तं छन्‍त प्‍वंके। छंगु पहःचहःकथं जिं न्‍याय याये। छंगु घच्‍चाइपुगु ज्‍याया निंतिं छन्‍त लिच्‍वः बी।

इजकिएल 7:4

जिं माया यानाः छन्‍त स्‍वये मखु, जिं छन्‍त भचा नं माया याये मखु, जिं धात्‍थें छंगु पहःचहः व छंगु दथुइ दुगु घच्‍चाइपुगु पापया निंतिं छिमित सजाँय बी। “‘अले जि हे परमप्रभु खः धकाः छिमिसं सी।’

इजकिएल 7:9

जिं माया यानाः छन्‍त स्‍वये मखु, जिं छन्‍त भचा नं माया याये मखु। छंगु पहःचहःकथं व छंगु दथुइ दुगु घच्‍चाइपुगु ज्‍याया निंतिं जिं छन्‍त सजाँय बी। “‘अले छन्‍त सजाँय बीम्‍ह परमप्रभु जि हे खः धकाः छं सी।

इजकिएल 8:18

उकिं जिं नं इपिंलिसें तंमय्‌ ज्‍या याये। जिं इमित भचा नं दया याये मखु, त्‍वःते नं मखु। जिगु न्‍हाय्‌पनय् चिल्‍लाय् दनाः हाःसां जिं इमिगु खँ न्‍यने मखु।”

इजकिएल 9:10

उकिं जिं धाःसा, जिं थःगु मिखा मेखेपाखे स्‍वय्‌के, अले जिं इमित भचा नं दया याये मखु, तर इमिसं छु याःगु दु, इमिगु ज्‍याया लिच्‍वः जिं इमिगु हे छेनय् प्‍वंकाबी।”

इजकिएल 9:5

वय्‌कलं मेपिन्‍त नं जिं तायेक थथे धयादिल, “छिपिं नं वयागु ल्‍यूल्‍यू शहरया फुक्‍क थासय् वनाः स्‍या, सुयातं दया याये मते!

होशे 2:4

वया काय् म्‍ह्याय्‌पिन्‍त नं दया याये मखु। छाय्‌धाःसा इपिं व्‍यभिचारपाखें बूपिं सन्‍तान खः।

जकरिया 11:6

आवंलि जिं देशय् च्‍वंपिं सुयातं हे दया याये मखुत,” परमप्रभुं धयादी। “जिं मनूतय्‌त छम्‍हय्‌सित मेम्‍हय्‌सिगु विरोधी यानाबी। अले इमित इमि शासकतय्‌गु ल्‍हातिइ तयाबी। इमिसं देशयात क्‍वत्‍यली। अय्‌नं जिं थ्‍वयात इमिगु ल्‍हातिं बचय् याये मखु।”

मत्ती 10:21

“मनूतय्‌सं थः हे दाजुकिजापिन्‍त महियाः स्‍याके बी। बौनं थः हे काय् म्‍ह्याय्‌पिन्‍त, अले काय् म्‍ह्याय्‌पिन्‍सं थः हे मां बौयात महियाः स्‍याके बी।

मर्कूस 13:12

“थुबलय् मनूतय्‌सं थः हे दाजुकिजापिन्‍त महियाः स्‍याके बी। बौनं थः हे काय् म्‍ह्याय्‌पिन्‍त, अले काय् म्‍ह्याय्‌पिन्‍सं थः हे मां बौयात महियाः स्‍याके बी।

व्‍यवस्‍था 29:20

परमप्रभुं वयात क्षमा बीत गुबलें यय्‌कादी मखु। वय्‌कःया तं व डाहा व मनूयाके लाइ। थ्‍व सफुलिइ च्‍वयातःगु फुक्‍क सराः वयात लाइ। अले परमप्रभुं वयागु नां पृथ्‍वीं हुयाछ्‌वयादी।

१ शमूएल 14:16

बेन्‍यामीनया लागाया गिबाय् पिवाः च्‍वनाच्‍वंपिं शाऊलया मनूतय्‌सं पलिश्‍तीत ग्‍यानाः उखेंथुखें बिस्‍युं वनाच्‍वंगु खन।