यर्मिया 13:11 - नेवाः बाइबल

¹¹ छाय्‌धाःसा गथे छपु जनी मनूया जँय् क्‍वातुक्‍क ची, अथे हे जिं इस्राएलया फुक्‍क घराना व यहूदाया फुक्‍क घरानायात जिगु नां, प्रशंसा व हनाबनाया निंतिं जिगु प्रजा जुइत चिनागु दु। तर इमिसं खँ मन्‍यं,’ परमप्रभुं धयादी।

यर्मिया 13:11 ပူးပေါင်းရင်းမြစ်များ

भजनसंग्रहया सफू 135:4

परमप्रभुं याकूबयात थःगु निंतिं, इस्राएलयात मू वंगु थः प्रजा जुइत ल्‍ययादीगु दु।

भजनसंग्रहया सफू 147:20

मेगु छुं जातियात वय्‌कलं थथे यानादीगु मदु, वय्‌कःया नियम इमिसं मस्‍यू। हल्‍लेलूयाह!

भजनसंग्रहया सफू 81:11

“तर जिमि मनूतय्‌सं जिगु खँ मन्‍यं। इस्राएलं जिगु आज्ञा मानय् मयाः।

यशैया 43:21

व जातियात, जिगु प्रशंसाया घोषणा यायेमा धकाः जिं थःगु निंतिं दय्‌कागु खः।

यशैया 62:12

इमित “पवित्र जाति” धकाः धाइ, अले “परमप्रभुपाखें छुत्‍कारा दुपिं।” छन्‍त धाःसा “मालाः लुइकूगु” व “मत्‍वःतूगु शहर” धकाः धायेगु याइ।

यर्मिया 13:1

परमप्रभुं जितः थथे धयादिल, “वनाः छपु सुतिया जनी न्‍या, अले व छंगु जँय् च्‍यु, तर उकियात लखं प्‍याके मते।”

यर्मिया 13:10

थुपिं जिगु खँ न्‍यनी मखुपिं व थथःगु नुगलय् जिराहा जुयाः मेपिं द्यःतय्‌गु सेवा व पुजा याइपिं मभिंपिं मनूत खः। थुपिं थ्‍व ज्‍यालगय् मजुइधुंकूगु जनी थें जुइ।

यर्मिया 13:12

“छं इमित धा, ‘परमप्रभु इस्राएलयाम्‍ह परमेश्‍वरं थथे धयादी, फुक्‍क छेंगूया म्‍हिचा दाखमद्यं जायेमा।’ अले ‘फुक्‍क थल दाखमद्यं जायेमा धकाः जिमिसं मस्‍यू ला?’ धकाः इमिसं छन्‍त धाल धाःसा,

यर्मिया 19:15

“दक्‍व शक्ति दुम्‍ह परमप्रभु इस्राएलया परमेश्‍वरं थथे धयादी, ‘स्‍व, जिं थःम्‍हं हे थ्‍व शहरय् व थुकिया लिक्‍क लाःगु गांगामय् जिं धयागु फुक्‍क विपत्तित हये, छाय्‌धाःसा इमिसं जिराहा जुयाः जिगु वचन मानय् मयाः।’”

यर्मिया 32:20

छिं मिश्र देशय् अजू चायापुगु चिं व अजू चायापुगु ज्‍या क्‍यनादिल अले थौं तक इस्राएलीत व फुक्‍क मनूतय्‌त अथे क्‍यनाच्‍वनादीगु दु। आः छितः फुक्‍क थासय् म्‍हस्‍यू।

यर्मिया 33:9

अले थुकिया निंतिं जिं यानागु फुक्‍क भिंगु भिंगु ज्‍याया बारे न्‍यनीपिं थ्‍व संसारया फुक्‍क जातितय्‌गु न्‍ह्यःने थ्‍व शहरं जितः नां, लसता व हनाबना हयाबी। जिं थुकिया लागि यानागु फुक्‍क भिंगु ज्‍याया बारे उपिं जातितय्‌सं न्‍यनी, अले जिं थुकियात बियागु गाक्‍क सुख शान्‍तिया कारणं इपिं ग्‍यानाः थुरथुर खाइ।’

यर्मिया 6:17

जिं थथे धयाः छिमिगु लागि पालेत तया, ‘तुरहीया सः बांलाक न्‍यँ।’ तर छिमिसं धाल, ‘जिमिसं न्‍यने मखु।’

यर्मिया 7:13

परमप्रभुं धयादी, ‘छिमिसं थ्‍व फुक्‍क ज्‍या यानाच्‍वंबलय् जिं छिपिंलिसें तःक्‍वः हे न्‍ववाना, अय्‌नं छिमिसं वास्‍ता मया। जिं छिमित सःता, अय्‌नं छिमिसं लिसः हे मब्‍यू।

यर्मिया 7:23

तर जिं इमित थ्‍व आज्ञा बियागु खः, ‘जिगु खँ न्‍यँ, अले जि छिमि परमेश्‍वर जुये, छिपिं जिमि प्रजा जुइ, जिं धाःथें फुक्‍क यात धाःसा छिमित भिं जुइ।’

यर्मिया 7:24

“तर इमिसं जिगु खँ मन्‍यं, उकी ध्‍यान मब्‍यू। उकिया पलेसा इमिसं थःगु जिराहा व मभिंगु इच्‍छा कथं ज्‍या याना जुल। इपिं लिज्‍यात, न्‍ह्यमज्‍याः।

यर्मिया 7:26

अय्‌नं इमिसं जिगु खँ मन्‍यं, ध्‍यान मब्‍यू। इपिं जिराहा जुल। इमिसं थः पुर्खातय्‌सं स्‍वयाः अप्‍वः मभिंगु ज्‍या यात।

आमोस 3:1

अय् इस्राएलयापिं मनूत, परमप्रभुं छिमिगु विरोधय् अर्थात मिश्र देशं जिं हयापिं फुक्‍क खलःया विरोधय् धयादीगु थ्‍व वचन न्‍यँ –

लूका 10:11

‘जिमिगु लाकामय् थाःगु छिमिगु शहरयागु धू तकं जिमिसं छिमिगु विरोधय् थाथा यानाच्‍वना। अथेसां छिमिसं थ्‍व खँ बांलाक सीकाति – परमेश्‍वरयागु राज्‍य न्‍ह्यःने थ्‍यने धुंकल।’

व्‍यवस्‍था 26:18

परमप्रभु छिमि परमेश्‍वरं थःगु बचंकथं थौं छिमित थः विशेष मनूत व मू वंगु सम्‍पत्ति दय्‌कादीगु दु, अले छिमिसं वय्‌कःया आज्ञा मानय् याये हे माः।

व्‍यवस्‍था 26:19

अथे यात धाःसा वय्‌कलं छिमित मेगु जातित स्‍वयाः तःधंकादी। अनंलि छिमित हनाबना व नां दइ। अले परमप्रभु छिमि परमेश्‍वरं बचं बियादीगु थें छिपिं वय्‌कःया पवित्र जाति जुइ।

व्‍यवस्‍था 4:7

झीसं परमप्रभु झी परमेश्‍वरयात बिन्‍ति यानाबलय् वय्‌कः झीनापं गुलि सतिक जुयादिल। उलि सतिक जुइफुम्‍ह मेम्‍ह सुं नं द्यःत व तःधंगु जाति दु ला?

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।