यर्मिया 12:4 - नेवाः बाइबल

⁴ देशय् गुबलय् तक वा मवयाच्‍वनीगु? ख्‍यलय् च्‍वंगु घाँय् गुबलय् तक गनाः सुकूचिना च्‍वनीगु? देशय् च्‍वंपिं मनूतय्‌सं याःगु मभिंगु ज्‍याया कारणं पशुत व झंगःत फुक्‍क नाश जुइ धुंकल। छाय्‌धाःसा मनूतय्‌सं “झीत छु जुइ, वय्‌कलं खनी मखु” धयाच्‍वंगु दु।

यर्मिया 12:4 ပူးပေါင်းရင်းမြစ်များ

भजनसंग्रहया सफू 107:34

वय्‌कलं लखं लाःगु बुँयात चि दुगु मरुभूमि यानादिल। थ्‍व धाःसा अन च्‍वंपिं मनूतय्‌गु मभिंगु ज्‍याया कारणं खः।

भजनसंग्रहया सफू 50:21

छं थथे याःसां जिं छुं मधया। जि नं छ थें हे खः धकाः छं मतिइ तल। आः जिं छन्‍त द्वपं बी, अले छंगु छता छता दोष उलाः क्‍यने।

यशैया 24:4

पृथ्‍वीइ गनाः सुकूचिनी, संसार कमजोर जुइ अले सुकूचिनी, पृथ्‍वीयापिं ततःधंपिं मनूत बःमलानावनि।

यशैया 24:6

अथे जुयाः छगू सरापं पृथ्‍वीयात भस्‍म याइ। अले अन दुपिं मनूतय्‌सं थःम्‍हं याःगु दोषया सजाँय फयेमाः। अथे जुयाः पृथ्‍वी च्‍वंपिं मनूतय्‌त मिं छ्वय्‌काछ्वइ। थुकथं म्‍हो जक मनूत बचय् जुइ।

यर्मिया 12:11

इमिसं थुकियात ज्‍याख्‍यलय् मजूगु जमिन दय्‌काब्‍यूगु दु। व जिगु न्‍ह्यःने गंगु व झिजांमिजां दंगुथाय् जूगु दु। देशया फुक्‍क थाय् मरुभूमिइ जूगु दु, सुनां उकियागु वास्‍ता मयाः।

यर्मिया 14:2

“यहूदा ख्‍वइ, वया शहरत कमजोर जूगु दु। इमिसं देशया निंतिं नुगः मछिंकी, यरूशलेमया ख्‍वःसः आकाश तक थ्‍यंगु दु।

यर्मिया 23:10

छाय्‌धाःसा थ्‍व देश व्‍यभिचारी हे व्‍यभिचारीं जाःगु दु। सराः लाःगुलिं देश सुख्‍खा जूगु दु। मरुभूमियागु पशु ज्‍वयेगु थाय् गंगु दु। अगमवक्तात मभिंपाखे ब्‍वाँय् वंगु दु, इमिसं थःगु शक्ति मखुथाय् छ्यःगु दु।

यर्मिया 4:25

जिं स्‍वया, अन मनूत मन्‍त, अले आकाशयापिं फुक्‍क झंगःत ब्‍वयावने धुंकल।

यर्मिया 4:28

अथे जुयाः पृथ्‍वी ह्वाँय्‌ह्वाँय् ख्‍वइ। आकाश खिउँसे च्‍वनी। जिं धायेधुन अले जिं थःगु मन हीके मखु। जिं क्‍वःछीधुन, जिं थःगु बिचाः हिले मखु।”

यर्मिया 5:13

अगमवक्तात ला फय् थें जक खः, इमिके वचन मदु। उकिं इमिसं धाःगु खँ इमित हे जुइमा!”

यर्मिया 5:31

अगमवक्तातय्‌सं मखुगु अगमवाणी यानाच्‍वंगु दु, पुजाहारीतय्‌सं इमिगु थःगु हे अधिकारं शासन यानाच्‍वंगु दु, जिमि मनूतय्‌सं थथे जुइगु हे यय्‌की। तर लिपतय् छिमिसं छु यायेगु?”

यर्मिया 7:20

उकिं परमप्रभु परमेश्‍वरं धयादी, “थ्‍व थासय् जिं जिगु तं प्‍वंकाबी। मनू व पशु, ख्‍यलय् च्‍वंगु सिमा व बुँया बाली प्‍वंकाबी। जिगु तं मि थें च्‍यानाच्‍वनी, सुनानं उकियात क्‍वलाके फइ मखु।”

यर्मिया 9:10

जिं धया– जि पहाडतय्‌गु लागि ख्‍वये, जि मरुभूमिइ दुगु घाँय्‌ख्‍यःया निंतिं ख्‍वये, छाय्‌धाःसा व गने धुंकल। सुं नं अनं यात्रा याइ मखु। अन सा द्वहं मन्‍त। पशुत व झंगःत बिस्‍युं वने धुंकल।

यर्मिया 9:9

छु! जिं थ्‍व खँया लागि इमित सजाँय मबियेगु ला? छु! जिं थज्‍याःगु जातियाके बदला मकायेगु ला?”

होशे 4:3

अथे जुयाः थ्‍व देशं नुगः मछिंकी, थन च्‍वनीपिं दक्‍व मनूतनापं पशुत, आकाशय् ब्‍वइपिं झंगःत व समुद्रय् च्‍वनीपिं न्‍यात नं नाश जुइ।

योएल 1:18

पशुत गथे यानाः ख्‍वयाच्‍वंगु दु। सा द्वहंतय्‌गु बथांत वाथा वाथा जुयाच्‍वंगु दु छाय्‌धाःसा इमिगु निंतिं ज्‍वयेगु थाय् मदु। फैच्‍वलय्‌या पुचः नं कष्‍टय् लानाच्‍वंगु दु।

आमोस 1:2

वं धाल, “परमप्रभु सियोन पर्वतं सिंह थें गर्जय् जुयादी, अले वय्‌कः यरूशलेमं थ्‍वय्‌क हालादी। फैजवाःतय्‌गु घाँय्‌ख्‍यः व कर्मेल डाँडाया च्‍वकाय् दुगु घाँय् गनावनी।”

हबकूक 3:17

यःमरिया सिमाय् चुलि मह्ववःसां, दाखमाय् फल मसःसां, जैतूनया सिमाय् फल मदुसां, बुँइ अन्‍न मसःसां, गलय् फै-च्‍वलय् मदुसां, गलय् सा-द्वं हे मदुसां नं,

जकरिया 1:12

अले परमप्रभुया दूतं धाल, “हे दक्‍व शक्ति दुम्‍ह परमप्रभु, न्‍हयेदंनिसें छि यरूशलेम व यहूदाया शहरतलिसे तंचायादीगु दु। ग्‍वःन्‍हु तक छिं इमित दया यानादी मखु?”

रोमी 8:22

आः तक फुक्‍क सृष्‍टिं मचाबू ब्‍यथा जू थें दुःखकष्‍ट सी मालाच्‍वंगु दु धयागु खँ झीसं स्‍यू।