यर्मिया 12:2 - नेवाः बाइबल

² छिं इमित पिनादिल, इमिसं हा नं काःगु दु, इपिं थाहां वइ अले फल नं बी। इमिगु म्‍हुतुइ छिगु नां ला दु, तर इमिगु मन छिपाखें तापाः।

यर्मिया 12:2 ပူးပေါင်းရင်းမြစ်များ

अय्‍यूब 24:12

शहरं सीत्‍यंम्‍ह मनू पिच्‍यानाः हाःगु सः ताये दइ, अले घाःपाः जूम्‍ह मनू ग्‍वाहालिया लागि हाली। अय्‌नं परमेश्‍वरं द्वंकूपिं सुयातं नं दोष बियादी मखु।

अय्‍यूब 5:3

मूर्खं हा काःगु जिं खनागु दु, तर वयागु छेँयात आकाझाकां सराः लात।

भजनसंग्रहया सफू 37:35

जिं छम्‍ह तसकं ग्‍यानापुम्‍ह व दुष्‍टम्‍ह मनू खना। व मनू सिमा थें थःगु थासय् तःधनाजुल।

यशैया 29:13

परमप्रभुं थथे धयादी, “थुपिं मनूत ख्‍वाः क्‍यनेत जिथाय् लिक्‍क वइ। अले थुमिसं म्‍हुतुं ला जितः तसकं हनाबना तइ। नुगलं धाःसा थुपिं तसकं तापानाः च्‍वनी। थुमिसं थःपिन्‍सं दय्‌कूगु थितिकुतियात परमेश्‍वरयागु आज्ञा खः धकाः मनूतय्‌त स्‍यना जुइ।

यर्मिया 11:17

जि दक्‍व शक्ति दुम्‍ह परमप्रभुं, छिमित पिनागु खः, जिं छिमिथाय् विपत्ति हयेगु फैसला यानागु दु। छाय्‌धाःसा इस्राएलया घराना व यहूदाया घरानां मभिंगु ज्‍या याःगु दु। बालद्यःया निंतिं धुपाँय् च्‍याकाः जितः तंचाय्‌कूगु दु।

यर्मिया 3:10

थुलि जूसां नं वया विश्‍वासघाती केहेँ यहूदा दुनुगलंनिसें जिथाय् लिहां मवः। तर ख्‍यालं जक लिहां वल,” परमप्रभुं धयादी।

यर्मिया 45:4

“उकिं परमप्रभुं धयादी – छं वयात थथे धा, ‘परमप्रभुं थथे धयादी – जिं छु दय्‌कागु दु, व जिं स्‍यंकाबी। जिं पृथ्‍वी न्‍यंक छु पिनागु दु व जिं लिनाकाये।

इजकिएल 33:31

इमिसं न्‍ह्याबलें याःथें जिमि मनूत छन्‍थाय् वइ अले छंगु खँ ध्‍यान बियाः न्‍यनेत छंगु न्‍ह्यःने च्‍वनी। तर इमिसं छं धाःथें याइ मखु। इमिगु म्‍हुतुइ मिसाह्यः खँ जक दइ, तर इमिगु नुगलं ध्‍यबा जक माली।

होशे 7:14

इमिसं दुनुगलंनिसें जितः प्रार्थना याइ मखु, तर थःगु लासाय् बिलाप याइ। अन्‍न व न्‍हूगु दाखमद्यया निंतिं इपिं मुनाच्‍वनी, तर जिपाखें धाःसा ख्‍वाः फस्‍वय्‌की।

हबकूक 1:13

तसकं मभिंगु खँ स्‍वयेत छिगु मिखा शुद्ध जु, अले छिं मखुगु ज्‍या स्‍वयादी मफु, अय्‌नं आः ध्‍वं ल्‍हाइपिं मनूतय्‌त छिं छाय् स्‍वयाच्‍वनादियागु? थः स्‍वयाः धर्मी मनूतय्‌त दुष्‍टतय्‌सं नूना छ्वःसां छाय् छि सुम्‍क च्‍वनादियागु?

मत्ती 15:8

“‘थुमिसं म्‍हुतुं ला जितः तसकं हनाबना तइ। नुगलं धाःसा थुपिं तसकं तापाना च्‍वनी।

मर्कूस 7:6

वय्‌कलं धयादिल – “छिपिं निपाः ख्‍वाःपाः दुपिं खः धकाः यशैया अगमवक्तां च्‍वयातःगु धात्‍थें हे खः खनी – “‘थुमिसं म्‍हुतुं ला जितः तसकं हनाबना तइ। नुगलं धाःसा थुपिं तसकं तापाना च्‍वनी।

तीतस 1:16

इमिसं परमेश्‍वरयात म्‍हस्‍यू धकाः धयाजुइ, इमिगु ज्‍यां धाःसा इमिसं परमेश्‍वरयात म्‍हमस्‍यू धकाः क्‍यनी। इपिं घच्‍चायापुपिं, धयागु खँ मन्‍यनीपिं व छुं नं भिंगु ज्‍या यायेत मल्‍वःपिं खः।