यर्मिया 12:1 - नेवाः बाइबल

¹ हे परमप्रभु, जिं छिथाय् मुद्दा हइबलय् छिं न्‍ह्याबलें जितः न्‍याय बियादीगु दु। अय्‌नं जितः छिनापं छिगु इन्‍साफया बारे खँ ल्‍हाये मास्‍ति वः। दुष्‍टत छाय् अपाय्‌सकं जियावःगु? मभिंपिं मनूत छाय् याउँक म्‍वानाच्‍वंगु?

यर्मिया 12:1 ပူးပေါင်းရင်းမြစ်များ

उत्‍पत्ति 18:25

छिं मभिंपिं मनूतलिसें भिंपिं मनूतय्‌त नं स्‍यानादी मखु। थथे जुल धाःसा ला भिंपिन्‍सं नं मभिंपिन्‍सं थें हे सजाँय फये मालिगु जुल। संसारया न्‍याय याइम्‍हय्‌सिनं खःकथं न्‍याय यानामदी ला?”

एज्रा 9:15

परमप्रभु इस्राएलयाम्‍ह परमेश्‍वर, छि धर्मीम्‍ह खः। छिं जिमित म्‍वाका तयादीगु दु। थन जिपिं थःगु दोषनापं छिगु न्‍ह्यःने दु, खःला थुकिं यानाः जिपिं मध्‍ये छम्‍ह नं छिगु न्‍ह्यःने दने मफये धुंकूगु खः।”

नहेम्‍याह 9:33

छिं जिमित सजाँय बियाः खःगु हे यानादिल, जिमिसं पाप याःसां छि विश्‍वास याये बहःम्‍ह जुयादीगु दु।

अय्‍यूब 12:6

दाखुँत थःगु पालय् याउँक च्‍वनाच्‍वनी, अले परमेश्‍वरयात तं चाय्‌कीपिं सुरक्षित जुयाच्‍वनी, इमिगु लागिं इमिगु बल हे इमि द्यः खः।

अय्‍यूब 13:3

तर जितः ला दक्‍व शक्ति दुम्‍ह परमेश्‍वरनापं खँ ल्‍हाये मास्‍ति वः, अले जितः परमेश्‍वरलिसें जवाःसवाः याये मास्‍ति वः।

अय्‍यूब 24:12

शहरं सीत्‍यंम्‍ह मनू पिच्‍यानाः हाःगु सः ताये दइ, अले घाःपाः जूम्‍ह मनू ग्‍वाहालिया लागि हाली। अय्‌नं परमेश्‍वरं द्वंकूपिं सुयातं नं दोष बियादी मखु।

अय्‍यूब 24:23

वय्‌कलं इमित सुरक्षा बियादी अले इमित सुरक्षा दइ। तर वय्‌कःया मिखां इमिगु पहःचहः स्‍वयाच्‍वनादी।

अय्‍यूब 8:17

उकिया हां ल्‍वहंयागु द्वंयात हिनी, अले ल्‍वहंया दथुइ थाय् माली।

भजनसंग्रहया सफू 116:5

परमप्रभु दयादुम्‍ह व धर्मी खः, जिमि परमेश्‍वर दया माया दुम्‍ह खः।

भजनसंग्रहया सफू 119:137

हे परमप्रभु, छि धर्मी खः, छिगु विधि सत्‍य खः।

भजनसंग्रहया सफू 119:75

हे परमप्रभु, छिगु विधि धार्मिक खः धकाः जिं स्‍यू, छिं जितः दुःख बियादीगु पाय्‌छि खः धकाः जिं स्‍यू।

भजनसंग्रहया सफू 145:17

परमप्रभु थःम्‍हं यानादीगु फुक्‍क ज्‍याय् धर्मी खः, थःगु फुक्‍क ज्‍याय् वय्‌कः दयादुम्‍ह खः।

भजनसंग्रहया सफू 37:1

मभिंपिं खनाः हीमी चाये मते मभिंगु ज्‍या याइपिंलिसे नुगः मुइके मते।

भजनसंग्रहया सफू 37:35

जिं छम्‍ह तसकं ग्‍यानापुम्‍ह व दुष्‍टम्‍ह मनू खना। व मनू सिमा थें थःगु थासय् तःधनाजुल।

भजनसंग्रहया सफू 51:4

हे परमेश्‍वर, छिं मभिं धकाः धयादीगु ज्‍या हे जिं यानागु दु, जिं छिगु विरोधय् जक पाप यानागु दु, उकिं छिं जिगु न्‍याय यानादीगु पाय्‌छि जू अले जितः दोषी ठहरय् यानादीगु पाय्‌छि ताय्‌के।

भजनसंग्रहया सफू 51:6

छितः बूसांनिसें भिं मनू जूगु यः। उकिं जितः छिगु बुद्धि बियादिसँ।

भजनसंग्रहया सफू 92:7

दुष्‍ट मनूत घाँय् थें थाहां वयेफु, दुष्‍ट ज्‍या याइपिनिगु भिं जुइफु, तर इपिं सदांया लागि नाश जुयावनी।

हितोपदेश 1:32

बुद्धि मदुपिं मनूत जिपाखें तापानाच्‍वंगुलिं सिनावनी। मूर्खत छुं च्‍यूताः मकासे जूगुलिं नाश जुयावनी।

उपदेशक 8:14

संसारय् छगू मेगु सितिं वंगु खँ जुयाच्‍वंगु दु, मभिंम्‍हय्‌सित दयेमाःगु दण्‍ड धर्मीम्‍हय्‌सित लाइ। धर्मीम्‍हय्‌सित दयेमाःगु दण्‍ड मभिंम्‍हय्‌सित लाइ। जिं धाये थ्‍व नं सितिं वंगु खँ खः।

यशैया 41:21

“परमप्रभुं धयादी, ‘छिमिगु मुद्दात जिथाय् हजि।’ थथःगु खँ जिथाय् हजि याकूबया जुजुं धयादी,

यशैया 48:8

थुपिं खँया बारे छं न न्‍यंगु दु, न छुं स्‍यू। न्‍हापांनिसें हे छंगु न्‍हाय्‌पं चाःगु मदु। छ गुलि धोखा बीम्‍ह खः धकाः जिं स्‍यू। छ बूसांनिसें हे जिराहा धकाः धयातःगु खः।

यर्मिया 11:20

तर हे दक्‍व शक्ति दुम्‍ह परमप्रभु, छिं खःकथं न्‍याय यानादी। छिं मनूतय् नुगः दुवालादी। छिं इमित बदला कयादीगु जिं स्‍वये दयेमा, छाय्‌धाःसा छितः हे जिं जिगु मुद्दा लःल्‍हानागु दु।

यर्मिया 12:6

छिमि दाजुकिजापिं, छंगु थःगु हे परिवारं हे छन्‍त झंगःलाःगु दु। इपिं छंगु विरोधय् तःसलं हाला वयाच्‍वंगु दु। इमिसं छलिसें नाइक खँल्‍हासां छं इमित पत्‍याः याये मते!

यर्मिया 3:20

तर विश्‍वासघाती कलातं थें छं जितः ध्‍वंलात, हे इस्राएलया घराना,” परमप्रभुं धयादी।

यर्मिया 3:7

थ्‍व फुक्‍क ज्‍या सिधय्‌के धुंकाः व जिथाय् लिहां वइ धकाः मतिइ तयागु खः। तर व लिहां मवः। अले वया विश्‍वासघाती केहेँ यहूदां थ्‍व खन।

यर्मिया 32:16

“जिं नेरियाहया काय् बारूकयात व बुँ न्‍यानागुया भ्‍वँ बीधुंकाः जिं परमप्रभुयात थथे प्रार्थना याना,

यर्मिया 5:11

इस्राएलया घराना व यहूदाया घरानां जितः विश्‍वासघात यात,” परमप्रभुं धयादी।

यर्मिया 9:2

जिके मरुभूमिइ लँजुवाःत च्‍वनीगु छगूथाय् दुगु जूसा, जि थः मनूतय्‌त त्‍वःताः तापाक च्‍वंवनेगु। छाय्‌धाःसा इपिं सकलें व्‍यभिचारी खः, विश्‍वासघातीतय्‌गु पुचः।

विलाप 1:18

“परमप्रभु धर्मीम्‍ह खः, जिं हे वय्‌कःयागु आज्ञा मानय् मयानागु खः। हे दक्‍व मनूत, जिगु खँ न्‍यँ अले जिगु दुःखयात स्‍व। जिमि ल्‍याय्‌म्‍ह व ल्‍यासेतय्‌त ज्‍वनायंकूगु दु।

इजकिएल 18:25

“अय्‌नं छिमिसं धाइगु, ‘परमप्रभुं खःगु ज्‍या यानामदी।’ अय् इस्राएलया घराना, न्‍यँ, छु जिं खःगु ज्‍या यानागु मदु ला? छु छिमिसं हे मखुगु ज्‍या यानाच्‍वनागु मदु ला?

दानिएल 9:14

अथे जूगुलिं छिं जिमिके विपत्ति हयादीगु दु। हे परमप्रभु परमेश्‍वर, छिं न्‍ह्यागु ज्‍या नं पाय्‌छिकथं यानादी। अय्‌नं जिमिसं छिगु खँ मन्‍यना।

दानिएल 9:7

“हे परमप्रभु छि धर्मीम्‍ह खः, अय्‌नं थौं जिमिगु ख्‍वाः लज्‍यां त्‍वपूगु दु। जिमिसं छिके भलसा मतयागुलिं जिपिं यहूदा, यरूशलेम व इस्राएलयापिं मनूतय्‌त छिं सतिगु व तापाःगु देशय् छ्यालब्‍याल यानादीगु दु।

होशे 6:7

इमिसं ला आदमं थें बाचा त्‍वाथल। इमिसं अन जिगु विरोधय् विश्‍वास यायेबहः मजुइक व्‍यवहार यात।

हबकूक 1:4

अथे जुयाः व्‍यवस्‍था बमलाय् धुंकल अले न्‍याय मजुइ धुंकल। दुष्‍टतय्‌सं धर्मीपिन्‍त घेरय् याइ, अथे जुयाः न्‍याय ज्‍यालगय् मजुइ धुंकल।

सपन्‍याह 3:5

इमिगु दथुइ च्‍वनादीम्‍ह परमप्रभु धर्मीम्‍ह खः, वय्‌कलं गुबलय् नं अन्‍याय यानादी मखु। वय्‌कलं सुथय् पतिकं थःगु न्‍याय क्‍यनादी। न्‍हियान्‍हिथं वय्‌कः चुकय् जुयादी मखु। अधर्मीतय्‌सं लाज धयागु हे सी मखु।

मलाकी 2:17

छिमिसं थःगु खं परमप्रभुयात हीमी चायेकूगु दु। छिमिसं न्‍यनी, “जिमिसं वय्‌कःयात गथे यानाः हीमी चाय्‌कागु दु?” छिमिसं थथे धाइ, “परमप्रभुया मिखाय् मभिंगु ज्‍या याइपिं भिं जुइ, अले इपिं खनाः लय्‌तायादी।” हानं “न्‍याय याइम्‍ह धकाः भापिम्‍ह परमेश्‍वर गन दी?” धकाः वय्‌कःयात हीमी चाय्‌कूगु दु।

मलाकी 3:15

आवंनिसें घमण्‍डीतय्‌त झीसं धन्‍यपिं धाये। मभिंगु ज्‍या याइपिं हे थाहां वंगु दु। अझ नं इमिसं परमेश्‍वरयात तं चाय्‌कूसां इपिं सजाँयपाखें बचय् जुइ।’”

व्‍यवस्‍था 32:4

वय्‌कः बल्‍लाःम्‍ह रक्षक खः, वय्‌कःया फुक्‍क ज्‍याखँ पूवं, अले न्‍यायनं जाः। वय्‌कः विश्‍वास याये बहःम्‍ह परमेश्‍वर खः। वय्‌कलं गुबलें द्वंकी मखु। पाय्‌छिगु व भिंगु जक वय्‌कलं यानादी।