यर्मिया 11:4 - नेवाः बाइबल

⁴ नँया भट्टी थें च्‍वंगु मिश्र देशं पितहयाबलय् जिं छिमि पुर्खातय्‌त थथे धयागु खः, जिगु खँ न्‍यँ, जिं छिमित धयागु फुक्‍क खँ मानय् या। अले छिपिं जिम्‍ह प्रजा जुइ, जि छिमि परमेश्‍वर जुये।

यर्मिया 11:4 ပူးပေါင်းရင်းမြစ်များ

उत्‍पत्ति 17:8

जिं छन्‍त व इमित छ आः च्‍वंवयाच्‍वंगु कनानया फुक्‍क बँ सदां सदांया लागि बी। अले जि इमि परमेश्‍वर जुइ।”

१ राजा 8:51

छाय्‌धाःसा इपिं मिश्र देशया नँ नाय्‌केगु भुतुलिं छिं लिगनाहःपिं छिकपिनि मनूत खः।

२ राजा 18:6

व परमप्रभुया भक्त जुया हे च्‍वन। वय्‌कःनापं जुइगु त्‍वःमतू। वं परमप्रभुं मोशायात बियादीगु फुक्‍क उजं पालन यात।

प्रस्‍थान 20:6

जितः माया याइपिं व जिगु आज्ञा मानय् याइपिन्‍त धाःसा वया द्वलंद्वः पुस्‍ता तकं जिं दया माया याये।

यशैया 30:6

नेगेव देशया पशुतय्‌गु निंतिं अगमवाणी– सिंह व सिंहनी, नाग व तसकं बिष दुम्‍ह सर्प पिहां वइ, दुःख व कष्‍टं जाःगु देशपाखें जुयाः राजदूततय्‌सं थःगु सम्‍पत्ति गधाया म्‍हय् तयाः व थःपिनिगु धुकूया तसकं मू वंगु सामानत ऊँटया म्‍हय् ग्‍वारा छ्वांवःगुलिइ क्‍वखाय्‌काः व जातिया निंतिं यंकी। अथेसां इमित छुं नं फाइदा दइ मखु।

यशैया 48:10

स्‍व! जिं छन्‍त शुद्ध ला यानागु दु तर वहःयात थें मखु। जिं छंगु दुःखकष्‍टया भट्टीइ जाँचय् यानागु दु।

यर्मिया 11:7

जिं छिमि पुर्खातय्‌त मिश्र देशं पित हयागु दिनंनिसें थौं तक इमित मदिक्‍क बारम्‍बार ‘जिगु उजं पालन या’ धकाः ख्‍याच्‍वः बियावयाच्‍वनागु दु।

यर्मिया 24:7

जि हे परमप्रभु खः धकाः म्‍हसीगु नुगः जिं इमित बी। अले इपिं जि प्रजा जुइ। जि इमि परमेश्‍वर जुये, छाय्‌धाःसा इपिं दुनुगलंनिसें जिथाय् लिहां वइ।

यर्मिया 26:13

आः छिकपिन्‍सं थथःगु पहःचहः व ज्‍या भिंकादिसँ, परमप्रभु थः परमेश्‍वरया आज्ञा पालन यानादिसँ। अले छिकपिन्‍सं मभिं ज्‍या याःगुलिं वय्‌कलं छिकपिन्‍त नाश याये धकाः दय्‌कादीगु वय्‌कःया योजना पूरा यानादी मखु।

यर्मिया 30:22

‘थुकथं छिपिं जिम्‍ह मनूत जुइ, जि छिमि परमेश्‍वर जुये।’”

यर्मिया 32:28

उकिं जि, परमप्रभुं थथे धाये – जिं थःम्‍हं हे थ्‍व शहरयात बेबिलोनीतय्‌गु व बेबिलोनयाम्‍ह जुजु नबूकदनेसरया ल्‍हातय् बीत्‍यनागु दु। वं थ्‍वयात त्‍याकाकाइ।

यर्मिया 38:20

यर्मियां लिसः बिल, “इमिसं छितः इमिगु ल्‍हातय् बी मखु। जिं छितः धयागु परमप्रभुया वचन पालन यानादिसँ, छिगु भिं जुइ, छि बचय् जुइ।

इजकिएल 11:20

अले इपिं जिगु विधिकथं जुइ, जिगु नियम पालन यायेत होसियार जुइ। अले इपिं जिम्‍ह प्रजा जुइ, जि इमि परमेश्‍वर जुइ।

इजकिएल 14:11

अले इस्राएलया मनूत जिपाखें गुबलें थुखे उखे वनी मखु, इमिसं थःगु फुक्‍क पापं थःत अशुद्ध याइ मखु। इपिं जिम्‍ह प्रजा जुइ, अले जि इमि परमेश्‍वर जुये, परमप्रभु परमेश्‍वरं धयादी।’”

इजकिएल 36:28

जिं छिमि पुर्खातय्‌त बियागु देशय् छिपिं च्‍वनी। छिपिं जिगु प्रजा जुइ अले जि छिमि परमेश्‍वर जुइ।

इजकिएल 37:23

इमिसं थःम्‍हं थःत हाकनं गुबलें थःगु घच्‍चाइपुगु मूर्तित वा झ्‍वातात अथवा मेगु छुं नं अपराधपाखें अशुद्ध याइ मखु। छाय्‌धाःसा जिं इमिगु पापी पहःचहःपाखें इमित बचय् याये, इमित शुद्ध याये। इपिं जिगु प्रजा जुइ, जि इमि परमेश्‍वर जुये।

इजकिएल 37:27

जि च्‍वनेगु थाय् नं इमिगु हे दथुइ दइ। जि इमि परमेश्‍वर जुये, इपिं जिम्‍ह प्रजा जुइ।

दानिएल 3:26

नबूकदनेसर व मि ह्वाना ह्वाना च्‍यानाच्‍वंगु भट्टीया लुखाया लिक्‍क वनाः तःसलं धाल, “हे शद्रक, मेशक व अबेद्‌नगो, दक्‍वसिबय् तःधंम्‍ह परमेश्‍वरया सेवा याइपिं दासत, पिहां वा!” अथे जुयाः शद्रक, मेशक व अबेद्‌नगो मिं पिने पिहां वल।

लेवी 26:12

जि छिपिंनापं हे च्‍वनाच्‍वने, अले छिमि परमेश्‍वर जुयाच्‍वने, छिपिं धाःसा जिमि मनूत जुइ।

लेवी 26:3

“‘छिपिं जिगु नियमकथं न्‍हेज्‍यात धाःसा अले जिगु विधियात मानय् यात धाःसा,

जकरिया 13:9

थ्‍व हे स्‍वब्‍वय् छब्‍व मनूतय्‌त जाँचय् यायेत मिं वहः यचुकीगु थें जिं इमित यचुके। लुँयात जाँचय् यानागु थें जिं इमित जाँचय् याये, अबलय् इमिसं जिगु नामं बिन्‍ति याइ। अले जिं इमित लिसः बी, ‘इपिं जि प्रजा खः’ धकाः जिं इमित धाये। अले इमिसं धाइ, ‘परमप्रभु जिमि परमेश्‍वर खः।’”

जकरिया 6:15

तापाक तापाक च्‍वंपिं मनूत वयाः परमप्रभुयागु देगः दय्‌केगु ज्‍याय् ग्‍वाहालि बी। देगः दय्‌के धुंकाः दक्‍व शक्ति दुम्‍ह परमप्रभुं जितः छिमिथाय् छ्वयाहयादीगु खः धकाः छिमिसं थुइ। छिमिसं परमप्रभुं धयादी थें बांलाक मानय् यात धाःसा थ्‍व जुइ।”

जकरिया 8:8

जिं इमित यरूशलेमय् च्‍वनेत ब्‍वनाहये। इपिं जि मनूत जुइ। अले जि इमिपाखे विश्‍वास याये बहःम्‍ह व धर्मी जुयाः इमि परमेश्‍वर जुये।”

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

२ कोरिन्‍थी 6:16

परमेश्‍वरयागु देगःलिसे मूर्तियागु छु स्‍वापु? झीपिं हे म्‍वाःम्‍ह परमेश्‍वर च्‍वनीगु देगः खः। थथे ला परमेश्‍वरं हे धयादीगु दु – “जि इपिंनापं च्‍वने, अले इपिंनापं जुइ। जि इमि परमेश्‍वर जुइ अले इपिं जिमि मनूत जुइ।”

व्‍यवस्‍था 11:27

छिमिसं थौं जिं बियाच्‍वनागु आज्ञा न्‍यन धाःसा छिमित सुवाः दइ।

व्‍यवस्‍था 4:20

छिमित धाःसा परमप्रभुं न नाय्‌कीगु मिगा थें ज्‍याःगु मिश्रं वय्‌कःया थः मनू व सर्बय दय्‌केत पिकयाहयादिल, थौं तक जूगु थें।

व्‍यवस्‍था 5:6

“छिमित छिपिं दास जुयाः च्‍वनाच्‍वंगु मिश्र देशं त्‍वःतका हयाम्‍ह जि परमप्रभु छिमि परमेश्‍वर खः।

हिब्रू 5:9

अले छकः फुक्‍क पूवंम्‍ह जुयादी धुंकाः वय्‌कः थःगु आज्ञा मानय् याइपिन्‍त सदां दयाच्‍वनीगु मुक्ति बियादीम्‍ह जुयादिल।

१ शमूएल 15:22

तर शमूएलं धाल, “परमेश्‍वरं होमबलि व बलि छायेगु स्‍वयाः अप्‍वः परमप्रभु आज्ञा पालन याःगु हे यय्‌काः मदी ला? आज्ञा पालन बलि छायेगु स्‍वयाः भिं, अले वय्‌कया वचन पालन यायेगु फैया दा स्‍वयाः भिं।