यर्मिया 11:23 - नेवाः बाइबल

²³ इपिं सुं नं बचय् जुइ मखु। छाय्‌धाःसा इमिगु सजाँयया दँय् जिं अनातोतया मनूतय्‌के विपत्ति हये।”

यर्मिया 11:23 ပူးပေါင်းရင်းမြစ်များ

यर्मिया 11:19

जि ला स्‍याये यंकेत्‍यंम्‍ह छुं मस्‍यूम्‍ह चिधिकःम्‍ह भ्‍याःचा खः। इमिसं थथे धयाः जिगु हे विरोधय् जाः ग्‍वःगु खः धकाः जिं मस्‍यूगु जुल, “व सिमायात उकिया फलनापं नाश यायेनु! उकियात म्‍वाःपिनिगु थासं पालाः वांछ्वयाब्‍यु। थुकिया नांयात आवंनिसें लुममंकेमा।”

यर्मिया 23:12

“उकिं इमिगु लँपु चुलुइगु जुइ। इमित खिउँगुलिइ लिनाछ्वइ, अले उकी दइ। छाय्‌धाःसा जिं इमिगु सजाँयया दँय् इमिके विपत्ति हये,” परमप्रभुं धयादी।

यर्मिया 44:27

छाय्‌धाःसा जिं इमित भिंया लागि मखु तर मभिंया लागि स्‍वयाच्‍वनागु दु, मिश्र देशय् दुपिं सकलें यहूदाया मनूत नाश मजुतले तरवार व अनिकालं सी।

यर्मिया 46:21

वया ज्‍यालाय्‌ वःपिं सिपाइँत तग्‍वारापिं साचात थें च्‍वं। इपिं छक्‍वलं फहिलाः बिस्‍युं वनी। इपिं दी मखु, छाय्‌धाःसा इमिके विपत्तिया दिं, इमिगु सजाँयया दिं वयाच्‍वंगु दु।

यर्मिया 48:44

“ग्‍यानाः बिस्‍युं वनीपिं गालय् लाइ। गालं च्‍वय् थाहां वइपिं जालय् लाइ। छाय्‌धाःसा मोआबय् जिं वयागु सजाँयया दँ हये,” परमप्रभुं धयादी।

यर्मिया 5:29

थुकिया लागि छु जिं थुमित सजाँय मबियेगु ला? छु जिं थज्‍याःगु जातियाके बदला मकायेगु ला? परमप्रभुं धयादी।

यर्मिया 5:9

जिं इमित थज्‍याःगु ज्‍याया लागि छाय् सजाँय मबियेगु? जिं थज्‍याःगु जातियात छाय् बदला मकायेगु?” परमप्रभुं धयादी।

यर्मिया 50:27

वया फुक्‍क द्वहंचात स्‍यानाब्‍यु! उपिं स्‍याइगु थासय् यंकेमाः! इमित धिक्‍कार दु! छाय्‌धाःसा इमिगु दिं वःगु दु। इमित सजाँय बीगु ई थ्‍यंकः वल।

यर्मिया 6:9

दक्‍व शक्ति दुम्‍ह परमप्रभुं थथे धयादी, “इमिसं इस्राएलया बचय् जूपिन्‍त दाखमां त्‍वःताथकुगु दाख खाःगु थें छुं हे मल्‍यंक खाइ। दाख मुनीम्‍हय्‌सिनं थें थःगु ल्‍हाः हाकनं उकिया कचाय् ति।”

यर्मिया 8:12

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ

होशे 9:7

सजाँयया ई न्‍ह्यःने थ्‍यंकः वःगु दु। इमिगु पापया पलेसा काइगु ई वःगु दु। इस्राएलं थ्‍व खँ सी। छिमिगु यक्‍व पाप व तःधंगु इखयागु कारणं छंगु निंतिं अगमवक्तात मूर्ख व आत्‍मां जाःपिं मनूत वँय् थें जुइ।

ओबदिया 1:18

याकूबया घराना व योसेफया घरानात दनदन च्‍याःगु मि थें जुइ, एसावया घराना छ्वख्‍वः जुइ, अले इमिसं उकियात मि तयाः भस्‍म याइ। एसावया घराना छम्‍ह नं म्‍वाइ मखु।” परमप्रभुं हे थथे धयादीगु दु।

मीका 7:4

इपिं मध्‍ये दक्‍वसिबय् बांलाःम्‍ह मनू कं थें खः, दकलय् भिंम्‍ह धाःसा कं झाः स्‍वयाः ग्‍यानपुसे च्‍वनी। छिमिगु सजाँयया दिं वयाच्‍वंगु, गुकिया बारे छिमि पिवाः च्‍वंपिन्‍सं ख्‍याच्‍वः ब्‍यूगु खः। आः इपिं याकनं हे अलमल जुइ।

लूका 19:44

अले मस्‍तनापं छिमित व छिमिगु शहरयात भज्‍यंक नाश यानाबी। छगः ल्‍वहंया द्यःने मेगु ल्‍वहं नं ल्‍यंका तइ मखु, छाय्‌धाःसा परमेश्‍वरं छिमित बचय् याः वःगु ईयात छिमिसं सीके मफुत।”