यर्मिया 11:16 - नेवाः बाइबल

¹⁶ छगू इलय् परमप्रभुं छिमित भिंगु फल दुगु वाउँगु जैतूनया सिमा धकाः नां बियादीगु खः। तर वाफय्‌या थ्‍वःसःनापं वय्‌कलं उकियात मि नकाबी। अले उकिया कचात त्‍वथुलाबी।

यर्मिया 11:16 ပူးပေါင်းရင်းမြစ်များ

अय्‍यूब 8:16

निभाः व लः यक्‍व काये खनाः थाहां वःगु मा थें इपिं जुइ। उकिया चुलित क्‍यबय् न्‍यनावनी।

भजनसंग्रहया सफू 52:8

जि ला परमेश्‍वरया छेँय् च्‍वंगु जैतूनया सिमा थें खः। परमेश्‍वरयागु दया मायाय् न्‍ह्याबलें विश्‍वास याना।

भजनसंग्रहया सफू 80:16

शत्रुतय्‌सं छिगु दाखमायात ध्‍यनाब्‍यूगु दु, मि तयाः छ्वय्‌काब्‍यूगु दु। इमित तं क्‍यनादिसँ, अले नाश यानादिसँ।

भजनसंग्रहया सफू 80:17

छिं थःम्‍हं ल्‍ययादीपिं मनूतय्‌त सुसाःकुसाः यानाः बचय् यानादिसँ, छिं थःम्‍हं हे बल्‍लाकादीगु जातियात।

भजनसंग्रहया सफू 83:2

छाय्‌धाःसा छिकपिनि शत्रुत हाःहू यानाच्‍वंगु दु, छितः मयय्‌कीपिन्‍सं थःगु छ्यं धस्‍वाकूगु दु।

यशैया 27:11

गुबलय् अनयागु चिचीधंगु कचात गनावनी, उबलय् व त्‍वःथुलाबी अले मिसात वयाः उपिं मि तयाः छ्वय्‌काबी। छाय्‌धाःसा थ्‍व थु हे मथूगु छगू जाति खः। अथे जुयाः इमित दय्‌कादीम्‍हय्‌सिनं इमित दया यानादी मखु, अले इमित सृष्‍टि यानादीम्‍हय्‌सिनं इमित माया यानादी मखु।

यर्मिया 2:21

थःत तसकं यःगु दाखया कचा थें भिंगु माचा कयाः छन्‍त पिनागु खः। तर स्‍व, आः छु जुल? छ छमा ध्‍वग्‍गीगु ज्‍यालगे मजूगु दाखमा जक जूगु दु।

यर्मिया 21:14

जि, परमप्रभुं धाये, जिं छिमिगु ज्‍या स्‍वयाः छिमित सजाँय बी, जिं छिमिगु गुँइ मि तयाबी, उकिं छिमिगु प्‍यखें दुगु फुक्‍क भस्‍म याइ।’”

यर्मिया 7:20

उकिं परमप्रभु परमेश्‍वरं धयादी, “थ्‍व थासय् जिं जिगु तं प्‍वंकाबी। मनू व पशु, ख्‍यलय् च्‍वंगु सिमा व बुँया बाली प्‍वंकाबी। जिगु तं मि थें च्‍यानाच्‍वनी, सुनानं उकियात क्‍वलाके फइ मखु।”

होशे 14:6

उकिया नकतिनि ह्वःगु मुखू थाहां वइ। उकिया गौरव जैतूनया सिमा थें जुइ, अले व लेबनानया देवदारुया सिमा थें बास्‍ना वइ।

मत्ती 3:10

सिमायागु हाप्‍वलय् पा लाये हे त्‍यंगु दु। उकिं भिंगु फल मसःगु सिमा पालाः छ्वय्‌काछ्वइ।

यूहन्‍ना 15:6

जिके मच्‍वनीम्‍ह मनूयात त्‍वधूगु कचायात थें वांछ्वइ, अले व गनावनी। वयात मुंकाः मिइ तयाः च्‍याकाछ्वइ।

व्‍यवस्‍था 28:40

छिमिगु देशन्‍यंक जैतूनया सिमा ला दइ अय्‌नं जैतूनया चिकं छिमित दइ मखु। छाय्‌धाःसा जैतून सिमाया फल पाके मजूबलय् हे हायावनी।

प्रकाश 11:4

इपिं जैतूनयागु निमा सिमा व पृथ्‍वीयाम्‍ह प्रभुयागु न्‍ह्यःने थनातःगु निपु त्‍वाःदेवा खः।