यर्मिया 11:14 - नेवाः बाइबल

¹⁴ “अथे जुयाः थ्‍व जातिया लागि प्रार्थना याये मते! थुपिं मनूतय्‌गु पंलिनाः बिन्‍ति याये मते! छाय्‌धाःसा इमिगु दुःखया इलय् इमिसं याःगु प्रार्थना जिं न्‍यने मखु।

यर्मिया 11:14 ပူးပေါင်းရင်းမြစ်များ

भजनसंग्रहया सफू 66:18

जिगु नुगः पापं जाःगु जूसा परमेश्‍वरं जिगु प्रार्थना न्‍यनादी मखुगु जुइ।

प्रस्‍थान 32:10

आः जितः पने मते, छाय्‌धाःसा जिगु तं मि थें च्‍यानाच्‍वंगु दु। जिं इमित भस्‍म यानाछ्वये। अले छपाखें हे जिं तःधंगु जाति दय्‌के।”

यर्मिया 11:11

उकिं परमप्रभुं थथे धयादी, ‘स्‍व! जिं थम्‍हं हे इमिथाय् इपिं बचय् जुइ मफय्‌क विपत्ति हये। अले इमिसं जितः सःतूसां जिं लिसः बी मखु।

यर्मिया 14:11

अले परमप्रभुं जितः धयादिल, “थ्‍व प्रजाया भिंया लागि प्रार्थना याये मते!

यर्मिया 14:12

इपिं अपसं च्‍वंसां जिं इमिगु सः न्‍यने मखु। इमिसं होमबलि व अन्‍नबलि छाःसां जिं व नालाकाये मखु। उकिया पलेसा जिं इमित तरवार, अनिकाल व महामारीं नाश याये।”

यर्मिया 15:1

अले परमप्रभुं जितः धयादिल, “मोशा व शमूएल जिगु न्‍ह्यःने दंसां थ्‍व जातिपाखे जिगु मन वनी मखु। इमित जिगु न्‍ह्यःनं पितिनाछ्व! इमित वनेब्‍यु!

यर्मिया 7:16

“उकिं, यर्मिया, छं थ्‍व प्रजाया निंतिं प्रार्थना याये मते। थुमिगु निंतिं इनाप नं याये मते। छाय्‌धाःसा जिं छंगु प्रार्थना न्‍यने मखु।

होशे 5:6

इपिं फै-चोलय् व सा द्वहंया बलिदान ज्‍वनाः परमप्रभुयात माःवनीबलय् इमिसं वय्‌कःयात नापलाके फइ मखु। वय्‌कलं इमित त्‍वःतादिल।

जकरिया 7:13

“‘गथे जिं सःताबलय् इमिसं मन्‍यन अथे हे इमिसं सःतिबलय् जिं इमिगु बिन्‍ति न्‍यने मखु,’ दक्‍व शक्ति दुम्‍ह परमप्रभुं धयादी।

मलाकी 2:13

हानं छिमिसं थथे नं याइ – परमप्रभुयागु वेदीइ छिमिसं ख्‍वबि बाः वय्‌की, छिपिं ख्‍वइगु अले विलाप याइगु, छाय्‌धाःसा छिमिसं छाये हःगुयात वय्‌कलं वास्‍ता यानादी मखु अले उकियात लय्‌तायाः कयादी नं मखु।

१ यूहन्‍ना 5:16

सुनानं थः किजायात सीम्‍वाःलिगु पाप यानाच्‍वंगु खंसा वं थः किजायालागिं प्रार्थना यायेमाः। परमेश्‍वरं वयात जीवन बियादी। तर थ्‍व धाःसा सीम्‍वाःलिगु पाप याःपिनिगु निंतिं जक खः। सी मालिगु पाप नं दु। तर जिं छिमित थुकिया लागि प्रार्थना या धकाः धाये मखु।