यर्मिया 11:13 - नेवाः बाइबल

¹³ हे यहूदा, छिमिगु गुलि शहरत दु, उलि हे छिमि द्यःत नं दु। यरूशलेमय् गल्‍लि गल्‍लि दु, मछालापुसे च्‍वंम्‍ह बालद्यःया लागि छिमिसं धुपाँय् च्‍याकीगु वेदीत नं उलि हे दय्‌कूगु दु।’

यर्मिया 11:13 ပူးပေါင်းရင်းမြစ်များ

२ राजा 23:13

वं सोलोमन जुजुं यरूशलेमया पुर्बपाखे, बिनाशया डाँडाया दच्‍छिन कुन्‍चाय् सीदोनीतय् घच्‍चाइपूम्‍ह द्यःमय्‌जु अश्‍तोरेत, मोआबीतय् घच्‍चाइपूम्‍ह द्यः कमोश व अम्‍मोनीतय् घच्‍चाइपूम्‍ह द्यः मोलेखया निंतिं दय्‌कूगु पुजा याइगु थाय्‌त अशुद्ध यानाबिल।

२ इतिहास 28:25

वं यहूदाया फुक्‍क शहरय् मेपिं द्यःतय्‌त बलि छायेत पुजा यायेगुथाय् दय्‌काः थः पुर्खातय् परमप्रभु परमेश्‍वरयात तंचाय्‌कल।

यशैया 2:8

इमिगु देश मूर्तिया मूर्ति जक जाःगु दु, इमिसं थःगु हे ल्‍हातं दय्‌कूगु मूर्तियात पुजा याःगु दु।

यर्मिया 11:17

जि दक्‍व शक्ति दुम्‍ह परमप्रभुं, छिमित पिनागु खः, जिं छिमिथाय् विपत्ति हयेगु फैसला यानागु दु। छाय्‌धाःसा इस्राएलया घराना व यहूदाया घरानां मभिंगु ज्‍या याःगु दु। बालद्यःया निंतिं धुपाँय् च्‍याकाः जितः तंचाय्‌कूगु दु।

यर्मिया 17:1

“यहूदाया पाप नँयागु ज्‍याभलं कियातःगु दु। अले इमिगु नुगःया ग्‍वरलय् व इमिगु वेदीया नेकुलिइ च्‍वल्‍वहंया च्‍वकां कियातःगु दु।

यर्मिया 18:15

अय्‌नं जिम्‍ह मनूतय्‌सं जितः ल्‍वःमंकूगु दु, इमिसं ज्‍यालगय् मजूगु मूर्तितय्‌गु निंतिं धुपाँय् च्‍याकूगु दु, इपिं थः जुइगु लँपुइ लुफिं हाःगु दु। इमिसं थःगु पुलांगु लँ द्वंकूगु दु। इपिं ध्‍याचः दुगु लँपुइ वंगु दु।

यर्मिया 19:4

छाय्‌धाःसा इमिसं जितः त्‍वःतूगु दु, अले थ्‍व थाय् विदेशी द्यःतय्‌गु थाय् दय्‌कूगु दु। इमिसं थःपिन्‍सं, इमि पुर्खातय्‌सं व यहूदाया जुजुपिन्‍सं म्‍हमस्‍यूपिं मेपिं द्यःतय्‌गु लागि धुपाँय् च्‍याकाः इमिसं थ्‍व थाय्‌यात द्वं मदुपिं मनूतय्‌गु हिं जाय्‌कूगु दु।

यर्मिया 19:5

इमिसं थः काय्‌पिन्‍त बालद्यःया लागि मिइ होमबलि छायेत बालद्यःयात पुजा याइगु थाय्‌त दय्‌कूगु दु। अथे यायेत जिं धयागु मदु, मतिइ तयागु नं मदु अले जिगु नुगलय् थज्‍याःगु खँ गुबलें दुहां नं मवं।

यर्मिया 2:28

तर छिमिसं थःगु निंतिं दय्‌कूपिं द्यःत गन वन? छिमित दुःख जुइबलय् इमिसं छिमित बचय् याये फुसा इपिं वयेमा। हे यहूदा, छिमि गुलि शहरत दु, छिमि द्यःत नं उलि हे दु।

यर्मिया 3:24

तर झी ल्‍याय्‌म्‍हबलय् निसें हे उपिं मछालापुसे च्‍वंपिं द्यःतय्‌सं झी पुर्खातय्‌सं कमय् याःगु अर्थात इमि फै-च्‍वलय्, सा द्वहं व इमि काय् म्‍ह्याय्‌पिन्‍त क्‍वाप्‍प नयाबिल।

यर्मिया 3:25

झीपिं थःगु लज्‍यां ग्‍वतुलेनु। झीगु हेलां झीत त्‍वपुइमा। थः परमप्रभु परमेश्‍वरया विरोधय् झीसं व झी पुर्खातय्‌सं पाप याना वयाच्‍वनागु दु, थःगु ल्‍याय्‌म्‍हबलय्‌निसें थौं तक झीसं थः परमप्रभु परमेश्‍वरयागु आज्ञा पालन यानागु मदु।”

यर्मिया 32:35

अज्‍ज इमिसं बेन-हिन्‍नोमया बेसीइ बालद्यःयात पुजा याइगु थाय् दय्‌कल। मोलोखद्यःयात थः काय्‌म्‍ह्याय्‌पिं बलि बिल। इमिसं थज्‍याःगु घच्‍चाइपुगु ज्‍या यानाः यहूदायात पाप याके बीमा धकाः जिं इमित आज्ञा बियागु नं मदु, न जिगु मतिइ थज्‍याःगु खँ गुबलें वल।”

यर्मिया 44:21

“छिमिसं, छिमि पुर्खात, छिमि जुजुपिं व हाकिमत व देशयापिं मनूतय्‌सं यहूदाया शहर शहरय् व यरूशलेमया गल्‍लि गल्‍लिइ च्‍याकूगु धुपाँय्‌या बारे छु परमप्रभुयात लुमंसे मवः ला? छु! वय्‌कलं बिचाः याना मदिल ला?

यर्मिया 44:5

तर इमिसं जिगु खँ मन्‍यं, उकी ध्‍यान हे मब्‍यू। इमिसं मभिंगु ज्‍या यायेगु मत्‍वःतू व इमिसं मेपिं द्यःतय्‌त धुपाँय् च्‍याकेगु ज्‍या मत्‍वःतू।

यर्मिया 48:35

पुजा यायेगु थासय् बलि छाइपिन्‍त व द्यःतय्‌त धुपाँय् च्‍याकीपिन्‍त जिं मोआबं भज्‍यंक नाश यानाबी,” परमप्रभुं धयादी।

यर्मिया 7:9

छिमिसं खुइगु, स्‍याइगु, व्‍यभिचार याइगु, अदालतय् मखुगु साक्षी बीगु, बालद्यःया लागि धुपाँय्‌ थनीगु अले थःपिन्‍सं न्‍हापा म्‍हमस्‍यूपिं द्यःतय्‌त पुजा यानाजुइगु।

इजकिएल 16:24

छं थःगु निंतिं द्वम्‍बःचा दय्‌कल अले चुक पतिकं थःगु निंतिं पुजा यायेगु ततःजाःगु थाय् दय्‌कल।

होशे 10:1

इस्राएल न्‍यनावनाच्‍वंगु छमा दाखमा खः। वं ला थःगु हे लागि फल सय्‌कल। गुलि यक्‍व वं फल सय्‌कल उलि हे वं वेदीत दय्‌कल। थःगु देशय् गुलि अन्‍न सल उलि हे वं थः पुजा यायेगु ल्‍वहंया थांत बांलाकल।

होशे 12:11

गिलाद दुष्‍ट खः ला? अन च्‍वंपिं मनूत ज्‍यालगय्‌ मजूपिं खः! इमिसं गिलगालय् द्वहंतय्‌त बलि छाइ ला? इमिगु वेदीत बुँ पालिपिन्‍सं बुँइ ल्‍वहं मुंकातःगु थें जुइ।

होशे 9:10

“अय् इस्राएल, छन्‍त दकलय् न्‍हापालाक नापलाःबलय् जितः मरुभूमिइ बुयावःगु दाख लूगु थें जुल। जिं छिमि पुर्खात दकलय् न्‍हापालाक खंबलय् जितः दाखमाय् न्‍हापां सःगु यःमरि फल खंगु थें जुल। तर इपिं बाल-पोरय् थ्‍यंबलय् इमिसं थःत घच्‍चाइपुस्‍से च्‍वंगु मूर्तितय्‌त अर्पण यात, इमिसं पुजा याःपिं मूर्ति थें इपिं मछालेपुस्‍से च्‍वंपिं जुल।