यर्मिया 11:11 - नेवाः बाइबल

¹¹ उकिं परमप्रभुं थथे धयादी, ‘स्‍व! जिं थम्‍हं हे इमिथाय् इपिं बचय् जुइ मफय्‌क विपत्ति हये। अले इमिसं जितः सःतूसां जिं लिसः बी मखु।

यर्मिया 11:11 ပူးပေါင်းရင်းမြစ်များ

२ राजा 22:16

‘परमप्रभुं थथे धयादी – यहूदाया जुजुं ब्‍वंगु थ्‍व सफुलिइ च्‍वया तःकथं जिं थ्‍व थासय् व थनच्‍वंपिं फुक्‍क मनूतय्‌थाय् विपत्ति हयेत्‍यनागु दु।

२ इतिहास 34:24

परमप्रभुं थथे धयादी, ‘यहूदायाम्‍ह जुजुया न्‍ह्यःने ब्‍वंगु सफुलिइ च्‍वयातःगु फुक्‍क सरापं जिं थ्‍व थाय् व थनयापिं सकलें मनूतय्‌त सजाँय बी।

अय्‍यूब 35:13

धात्‍थें हे परमेश्‍वरं इमिगु बकंफुस्‍लु बिन्‍ति न्‍यनादी मखु, दक्‍व शक्ति दुम्‍ह परमेश्‍वरं उकी ध्‍यान बियादी मखु।

भजनसंग्रहया सफू 18:41

इपिं ग्‍वाहालिया निंतिं हाल, अय्‌नं इमित सुनानं बचय् याः मवः। इमिसं परमप्रभुयात सःतल, अय्‌नं वय्‌कलं लिसः बियामदी।

भजनसंग्रहया सफू 66:18

जिगु नुगः पापं जाःगु जूसा परमेश्‍वरं जिगु प्रार्थना न्‍यनादी मखुगु जुइ।

हितोपदेश 1:28

उबलय् छिमिसं जितः सःती। अले जिं लिसः बी मखु। छिमिसं जितः माली, तर जितः लुइके फइ मखु,

हितोपदेश 29:1

न्‍ह्याक्‍व न्‍वाःसां मह्यूपिं मनूत न्‍ह्याक्‍व पनेत स्‍वःसां छन्‍हु आकाझाकां नाश जुयावनी।

यशैया 1:15

छिमिसं प्रार्थनाय् ल्‍हाः ल्‍ह्वनीबलय् जिं छिमित स्‍वये मखु। छिमिसं न्‍ह्याक्‍व प्रार्थना याःसां जिं न्‍यने मखु छाय्‌धाःसा छिमिगु ल्‍हाः हिया हिं जाःगु दु।

यशैया 24:17

अय् पृथ्‍वीइ च्‍वंपिं फुक्‍क मनूत! छिमित आतंक, गाः व स्‍वःतिपाँचं नं पिया च्‍वनाच्‍वंगु दु।

यर्मिया 11:14

“अथे जुयाः थ्‍व जातिया लागि प्रार्थना याये मते! थुपिं मनूतय्‌गु पंलिनाः बिन्‍ति याये मते! छाय्‌धाःसा इमिगु दुःखया इलय् इमिसं याःगु प्रार्थना जिं न्‍यने मखु।

यर्मिया 11:17

जि दक्‍व शक्ति दुम्‍ह परमप्रभुं, छिमित पिनागु खः, जिं छिमिथाय् विपत्ति हयेगु फैसला यानागु दु। छाय्‌धाःसा इस्राएलया घराना व यहूदाया घरानां मभिंगु ज्‍या याःगु दु। बालद्यःया निंतिं धुपाँय् च्‍याकाः जितः तंचाय्‌कूगु दु।

यर्मिया 14:12

इपिं अपसं च्‍वंसां जिं इमिगु सः न्‍यने मखु। इमिसं होमबलि व अन्‍नबलि छाःसां जिं व नालाकाये मखु। उकिया पलेसा जिं इमित तरवार, अनिकाल व महामारीं नाश याये।”

यर्मिया 14:2

“यहूदा ख्‍वइ, वया शहरत कमजोर जूगु दु। इमिसं देशया निंतिं नुगः मछिंकी, यरूशलेमया ख्‍वःसः आकाश तक थ्‍यंगु दु।

यर्मिया 15:2

अले ‘जिपिं गन वनेगु?’ धकाः इमिसं छन्‍त न्‍यन धाःसा छं इमित थथे धा, ‘परमप्रभुं थथे धयादी- “‘सीगु लागि च्‍वयातःगु दुसा सीत वनेमा, तरवारं सीगु च्‍वयातःगु दुसा तरवारं सीत वनेमा अले अनिकालं सीगु च्‍वयातःगु दुसा अनिकालं सीत व ज्‍वनाः यंकिगु च्‍वयातःगु दुसा ज्‍वंकाः वनेमा।’”

यर्मिया 18:11

“उकिं आः छं यहूदायापिं मनूत व यरूशलेमयापिं मनूतय्‌त थथे धा, ‘परमप्रभुं थथे धयादी – स्‍व, जिं छिमिगु विरोधय् विपत्तिया योजना दय्‌का च्‍वनागु दु। उकिं छिपिं सकसिनं थःपिन्‍सं यानाच्‍वनागु मभिंगु ज्‍यायात त्‍वःति, थःगु पहःचहः व थःगु ज्‍या भिंकि।’

यर्मिया 19:15

“दक्‍व शक्ति दुम्‍ह परमप्रभु इस्राएलया परमेश्‍वरं थथे धयादी, ‘स्‍व, जिं थःम्‍हं हे थ्‍व शहरय् व थुकिया लिक्‍क लाःगु गांगामय् जिं धयागु फुक्‍क विपत्तित हये, छाय्‌धाःसा इमिसं जिराहा जुयाः जिगु वचन मानय् मयाः।’”

यर्मिया 19:3

छं थथे धा, ‘हे यहूदाया जुजुपिं व यरूशलेमयापिं सकलें मनूत, परमप्रभुया वचन न्‍यँ! दक्‍व शक्ति दुम्‍ह परमप्रभु इस्राएलया परमेश्‍वरं थथे धयादी – न्‍यँ, जिं थःम्‍हं हे थ्‍व थासय् थज्‍याःगु सर्वनाश हये गुकिं यानाः उकिया बारे न्‍यनीपिं सकसिगु न्‍हाय्‌पं वाइंया मिनी।

यर्मिया 23:12

“उकिं इमिगु लँपु चुलुइगु जुइ। इमित खिउँगुलिइ लिनाछ्वइ, अले उकी दइ। छाय्‌धाःसा जिं इमिगु सजाँयया दँय् इमिके विपत्ति हये,” परमप्रभुं धयादी।

यर्मिया 25:35

उबलय् फैजवाःतय्‌त शरण कायेगु थाय् दइ मखु। बथांया नायःतय्‌गु निंतिं बिस्‍युं वनेगु थाय् दइ मखु।

यर्मिया 35:17

“उकिं दक्‍व शक्ति दुम्‍ह परमप्रभु परमेश्‍वर, इस्राएलयाम्‍ह परमेश्‍वरं थथे धयादी, ‘स्‍व! जिं थम्‍हं हे यरूशलेम व यरूशलेमय् च्‍वंपिं सकसिके जिं धयागु विपत्ति हयेत्‍यनागु दु। जिं इमित धया, तर इमिसं मन्‍यन, जिं इमित सःता, तर इमिसं लिसः मब्‍यू।’”

यर्मिया 36:31

जिं वयात, वया सन्‍तान व वया भारदारतय्‌त इमिगु पापया लागि सजाँय बी। जिं इमिके व यरूशलेम व यहूदाय् च्‍वंपिन्‍के जिं इमिगु विरोधय् हये धयागु फुक्‍क नाश हये, छाय्‌धाःसा थ्‍व खँय् इमिसं ध्‍यान हे मब्‍यू।’”

यर्मिया 6:19

हे पृथ्‍वी न्‍यँ, स्‍व! जिं थुपिं मनूतय्‌थाय् विपत्ति हये, गुगु इमिगु थःगु हे बिचाःया लिच्‍वः खः। इमिसं जिगु वचनय् ध्‍यान मब्‍यू। अले जिगु व्‍यवस्‍थायात इमिसं त्‍वःतल।

विलाप 2:22

“नखःबलय् मनूत मुं थें, छिं जिगु प्‍यखेरं आतंक मुंकादिल। परमप्रभुया तंया दिनय् सुं छम्‍ह न बिस्‍युं वने फत न बचय् जुल। जिं हे ब्‍वलंका तःधिक यानातयापिन्‍त जिमि शत्रुं सिधय्‌का बिल।”

इजकिएल 14:3

“अय् सीमानिम्‍ह मनू, थुपिं मनूतय्‌सं थःगु मनय् मूर्तित तःगु दु, अले थःगु ख्‍वाःया न्‍ह्यःने पापय् लाकीगु खँ तःगु दु। जिं इमित जिके सल्‍लाह काय्‌के बी ला?

इजकिएल 7:5

“जि, परमप्रभु परमेश्‍वरं थथे धाये, “‘विपत्ति, खः, तःधंगु विपत्ति वयाच्‍वंगु दु।

इजकिएल 8:18

उकिं जिं नं इपिंलिसें तंमय्‌ ज्‍या याये। जिं इमित भचा नं दया याये मखु, त्‍वःते नं मखु। जिगु न्‍हाय्‌पनय् चिल्‍लाय् दनाः हाःसां जिं इमिगु खँ न्‍यने मखु।”

आमोस 5:19

सिंहपाखें बिस्‍युं वनाः सुं मनूया भालूयात नापलाःगु थें वा छेँ दुहां वनाः अंगलय् ल्‍हाः तःबलय् सर्पं वयात न्‍या थें व दिं जुइ।

मीका 3:4

उबलय् नायःतय्‌सं परमप्रभुयाके ग्‍वाहालि फ्‍वनी। तर वय्‌कलं इमित लिसः बियादी मखु। इमिसं बांमलाःगु ज्‍या याःगुलिं उबलय् वय्‌कलं थःगु ख्‍वाः इपिंपाखें फस्‍वय्‌कादी।

जकरिया 7:13

“‘गथे जिं सःताबलय् इमिसं मन्‍यन अथे हे इमिसं सःतिबलय् जिं इमिगु बिन्‍ति न्‍यने मखु,’ दक्‍व शक्ति दुम्‍ह परमप्रभुं धयादी।

१ थेसलोनिकी 5:3

मनूतय्‌सं प्‍यखें “शान्‍ति दु, ग्‍याये माःगु मदु” धया च्‍वनीबलय् लाक्‍क हे इमिके प्‍वाथय् दुम्‍ह मिसायात मचाबुइ ब्‍यथा जू थें आकाझाकां विनाश जू वइ। अले इपिं छुं यानाः नं बचय् जुइ फइ मखु।

हिब्रू 1:3

वय्‌कलं नवानादीगु खँय् हे थ्‍व संसार न्‍ह्यानाच्‍वंगु दु। परमेश्‍वरयागु महिमाया जः वय्‌कःयाके दु। वय्‌कः व परमेश्‍वर उतिग्‍यं। वय्‌कःया शक्ति दुगु वचनं हे थ्‍व संसार न्‍ह्यानाच्‍वंगु दु। मनूतय्‌त पापं छुतय् यानादी धुंकाः वय्‌कः दक्‍वसिबय् तःधंम्‍ह परमेश्‍वरयागु जवय् च्‍वनादीगु दु।