यर्मिया 11:10 - नेवाः बाइबल

¹⁰ जिं धयागु खँ मन्‍यंपिं इमि तापाःबाज्‍यापिन्‍सं थें पाप यानाः इमिसं मेपिं द्यःत पुजा याःगु दु अले इमिगु ल्‍यू वंगु दु। इस्राएल व यहूदाया मनूतय्‌सं जिं इमि तापाःबाज्‍यापिंलिसें चिनागु बाचायात त्‍वथूगु दु।

यर्मिया 11:10 ပူးပေါင်းရင်းမြစ်များ

भजनसंग्रहया सफू 78:57

थः तापाःबाज्‍यापिं थें इपिं नं परमेश्‍वरयात धोखा बीपिं व विश्‍वास मदुपिं जुयाः जुल। अले स्‍यंगु धनुष थें भर मदुपिं जुयाः जुल।

यशैया 24:5

परमेश्‍वरया नियम अले वय्‌कलं सदांया निंतिं चिनादीगु बाचा त्‍वथुलाः मनूतय्‌सं पृथ्‍वीयात अशुद्ध याःगु दु।

यर्मिया 13:10

थुपिं जिगु खँ न्‍यनी मखुपिं व थथःगु नुगलय् जिराहा जुयाः मेपिं द्यःतय्‌गु सेवा व पुजा याइपिं मभिंपिं मनूत खः। थुपिं थ्‍व ज्‍यालगय् मजुइधुंकूगु जनी थें जुइ।

यर्मिया 17:23

अय्‌नं इमिसं खँ मन्‍यं, जिगु खँय् ध्‍यान मब्‍यू। तर उकिया पलेसा इपिं जिराहा जुल। इमिसं जिगु आज्ञा पालन मयाः। अले जिं स्‍यनागु खँ नाला मकाः।’

यर्मिया 22:9

अले मनूतय्‌सं धाइ, ‘इमिसं थः परमप्रभु परमेश्‍वरया बाचा त्‍वाथुलाः मेपिं द्यःतय्‌त पुजा व सेवा याःगुलिं थथे जूगु खः।’”

यर्मिया 31:32

इमि तापाःबाज्‍यापिन्‍त मिश्र देशं लिगना हये धुंकाः इपिंलिसें चिनागु थें ज्‍याःगु बाचा थ्‍व मखु। जि इमि भाःत थें खःसां इमिसं व बाचा त्‍वथुल।” परमप्रभुं धयादी,

यर्मिया 44:16

“छिं परमप्रभुया नामय् धाःगु खँ जिमिसं मानय् याये मखु।

यर्मिया 44:5

तर इमिसं जिगु खँ मन्‍यं, उकी ध्‍यान हे मब्‍यू। इमिसं मभिंगु ज्‍या यायेगु मत्‍वःतू व इमिसं मेपिं द्यःतय्‌त धुपाँय् च्‍याकेगु ज्‍या मत्‍वःतू।

यर्मिया 7:28

अथे जूगुलिं छं इमित धा, परमप्रभु थः परमेश्‍वरया आज्ञा पालन मयाःगु व वय्‌कलं स्‍यनातःगु खँयात नालामकाःगु जाति थ्‍व हे खः। सत्‍य नाश जूगु दु, थ्‍व इमिगु म्‍हुतुं तापाःगु दु।

यर्मिया 9:6

छ धोखाया दथुइ च्‍वनाच्‍वंगु दु। धोखां यानाः हे इमिसं जितः म्‍हसीकेत इन्‍कार याःगु दु,” परमप्रभुं धयादी।

इजकिएल 16:59

“‘परमप्रभु परमेश्‍वरं थथे धयादी – छं व्‍यवहार याःथें जिं छलिसें व्‍यवहार याये, छाय्‌धाःसा छं जिलिसें पाफःगुयात हेला याःगु दु अले झीसं चिनागु बाचायात त्‍वाःथूगु दु।

इजकिएल 44:7

छिमिगु फुक्‍क घच्‍चाइपुगु व्‍यवहार बाहेक छिमिसं मन व म्‍हय् चिं मतःपिं विदेशीतय्‌त जिगु पवित्र थासय् दुने हयाः छिमिसं नसा, दाः व हि जिगु लागि छाःबलय् उकियात अशुद्ध यात, अले जिगु बाचा त्‍वाथल।

इजकिएल 5:6

तर थ्‍वं जिगु नियमया विरोधय् ज्‍या यानाः मेगु जातितय्‌सं स्‍वयाः अप्‍वः मभिंगु ज्‍या यात। अले जिगु विधिया विरोधय् ज्‍या यानाः प्‍यखेरं च्‍वंगु जातितय्‌सं स्‍वयाः अप्‍वः बांमलाःगु ज्‍या यात। धात्‍थें इमिसं जिगु नियमयात हेला यात। धात्‍थें इमिसं जिगु नियम पालन याःगु मदु।

होशे 6:4

“अय् एफ्राइम, जिं छन्‍त छु यायेगु? अय् यहूदा, जिं छन्‍त छु यायेगु? छंगु दयामाया सुथया खसु थें व याकनं मदयावनीगु सुतिलः थें च्‍वं।

होशे 6:7

इमिसं ला आदमं थें बाचा त्‍वाथल। इमिसं अन जिगु विरोधय् विश्‍वास यायेबहः मजुइक व्‍यवहार यात।

होशे 7:16

इपिं दकलय् तःधंम्‍हय्‌सिथाय् लिहां वइ मखु, इपिं त्‍वधूगु धनुष थें खः। इमि न्‍हेलुवाःतय्‌त इमिगु घमण्‍डया वचनं यानाः तरवारं स्‍याइ। थुकिया निंतिं मिश्र देशय् इमित गिजय् याइ।

लेवी 26:15

जिगु नियमयात क्‍वह्यंकल धाःसा अले जिनापं चिनातःगु बाचा त्‍वथुल धाःसा,

सपन्‍याह 1:6

परमप्रभुयागु ल्‍यू वनेगु त्‍वःता वंपिन्‍त, अले वय्‌कःयात ममालीपिं व वय्‌कःयाके न्‍यनेकने मयाःपिन्‍त जिं न्‍हंकाबी।”

जकरिया 1:4

छिपिं थः पुर्खा थें जुइ मते। न्‍हापायापिं अगमवक्तातय्‌सं इमित थथे धाःगु खः – दक्‍व शक्ति दुम्‍ह परमप्रभुं थथे धयादी, ‘छिपिं थःपिनिगु मभिंगु बानी व मभिंगु ज्‍याखँ त्‍वःता जिथाय् वा।’ अय्‌नं इमिसं जिगु खँ मन्‍यं, परमप्रभुं घोषणा यानादी।

जकरिया 7:11

“‘अय्‌नं जिराहा जुयाः जि मनूतय्‌सं जिगु खँ मन्‍यं। इमिसं थःगु न्‍हय्‌पं तित।

जकरिया 7:13

“‘गथे जिं सःताबलय् इमिसं मन्‍यन अथे हे इमिसं सःतिबलय् जिं इमिगु बिन्‍ति न्‍यने मखु,’ दक्‍व शक्ति दुम्‍ह परमप्रभुं धयादी।

व्‍यवस्‍था 31:16

अले परमप्रभुं मोशायात धयादिल, “छिमि पुर्खा थें छ सिनावने त्‍यंगु दु। छ सिनावने धुंकाः थुपिं मनूत देशय् दुहां वने धुंकाः व्‍यभिचारी थें जितः पत्‍याः मयाइपिं जुइ, इमिसं अन मेपिं द्यःतय्‌त पुजा याइ। इमिसं जितः त्‍वःताः जिं इपिंलिसें चिनागु बाचा त्‍वाथुली।

व्‍यवस्‍था 9:7

मरुभूमिइ छिमिसं गथे यानाः परमप्रभु छिमि परमेश्‍वरयात तं चाय्‌कागु खः, व खँ लुमंकि, अले गुबलें ल्‍वःमंके मते। छिपिं मिश्र त्‍वःता वःगु दिंनिसें थन थ्‍यंकः वःगु दिं तक छिमिसं परमप्रभुयागु विरोध याना हे च्‍वंगु दु।

हिब्रू 8:9

इमि तापाःबाज्‍यापिन्‍त मिश्र देशं लिगना हये धुंकाः इपिं लिसे चिनागु थें ज्‍याःगु बाचा थ्‍व मखु। जिं चिनागु बाचायात इमिसं च्‍यूताः मतःगुलिं नं जिं इमित च्‍यूताः मयानागु खः।

न्‍यायकर्ता 2:11

अनंलि इस्राएलीतय्‌सं परमप्रभुया मिखाय् मभिंगु ज्‍या यात। इमिसं बालद्यःयात पुजायात।

न्‍यायकर्ता 2:17

तर इस्राएलीतय्‌सं इपिं न्‍याय याइपिनिगु खँ मन्‍यं छाय्‌धाःसा इमिसं मेपिं द्यःतय्‌गु ल्‍यू वनाः वेश्‍या थें व्‍यवहार यात अले इमित भागि यात। इमि पुर्खातय्‌सं परमप्रभुयागु आज्ञा मानय् याःगु खः, तर न्‍हूगु पुस्‍तां अथे यायेगु याकनं हे त्‍वःतल।

न्‍यायकर्ता 2:19

तर व न्‍याय याइम्‍ह सी धुंकाः इपिं इमि पुर्खात स्‍वयाः अज्‍ज अप्‍वः स्‍यनावनीगु। इमिसं मेपिं द्यःतय्‌त पुजा यानाः भागि याइगु। इमिसं थःगु मभिंगु ज्‍या व जिराहा पहयात त्‍वः हे मत्‍वःतू।

१ शमूएल 15:11

“शाऊलयात जुजु यानाः जि तसकं पस्‍ताय् चाःगु दु, छाय्‌धाःसा व जिपाखें तापाक वंगु दु, अले वं जिगु आज्ञा मानय् याःगु नं मदु।” शमूएलयात छु धाये छु धाये जुल, अले वं चच्‍छि ख्‍वयाः परमप्रभुयात बिन्‍ति यात।