यर्मिया 10:9 - नेवाः बाइबल

⁹ मुगलं दायातःगु वहःया पाता तर्शीशं, लुँ धाःसा उपज देशं हइ। थ्‍व कारिगरया ज्‍या व लुँकःमिया ल्‍हाःया ज्‍या खः। वयागु वसः वँचुगु व प्‍याजीगु रंगयागु जुइ। उपिं फुक्‍क सीप दुपिं मनूतय्‌गु ज्‍या खः।

यर्मिया 10:9 ပူးပေါင်းရင်းမြစ်များ

१ राजा 10:22

हीरामया जहाजतनापं समुद्रय् वनीगु वया ब्‍यापारी जहाज नं दु। वया जहाजं स्‍वदँ-स्‍वदँय् छकः लुँ, वहः, किसिया दं, माकः व म्‍हय्‌खा ज्‍वनाः वइगु।

२ इतिहास 9:21

सोलोमनयाके हीरामया जहाज चले याइपिंनापं थुखे उखे सामान ल्‍ह्यइगु जहाजत नं दु। अले स्‍वदँ-स्‍वदँय् छकः तर्शीशयागु थुपिं ल्‍ह्यइगु जहाजत लुँ, वहः, किसिया दं, माकः व म्‍हय्‌खा ज्‍वनाः वइगु खः।

भजनसंग्रहया सफू 115:4

इमि द्यःत ला लुँ व वहलं दय्‌कूपिं खः, मनूतय्‌गु ल्‍हातं दय्‌कूपिं खः।

भजनसंग्रहया सफू 72:10

तर्शीश व तापाक तापाक च्‍वंगु समुद्रया सिथय् च्‍वंपिं जुजुतय्‌सं वयात कर पुलेहइ। शेबा व सेबाया जुजुपिन्‍सं वयात देछा छाःवइ।

यशैया 23:6

तर्शीशपाखे हुँ! अय् समुद्रया सिथय्‌यापिं मनूत विलाप या!

यशैया 40:19

मूर्ति ला शिल्‍पकारतय्‌सं दय्‌की। लुँकःमिं उकी लुँ भुनाबी, अले उकिया निंतिं वहःया सिखः दय्‌की।

इजकिएल 27:12

“‘छंके यक्‍व मालसामान दुगुलिं तर्शीशं छनापं व्‍यापार यात। इमिसं वहः, नँ, टिन व म्‍हः बियाः छंगु मालसामान न्‍यात।

इजकिएल 27:7

छंगु जहाजया पाल मिश्र देशं हःगु भिंगु बुत्ता दुगु सूती कापःयागु खः। उकिं हे छंगु झण्‍डाया ज्‍या बिल। छंगु पाल एलीसाहया समुद्र सिथयागु वँचुगु व प्‍याजीगु रंगया कापतं दय्‌कातःगु दु।

दानिएल 10:5

जिं च्‍वय्‌पाखे स्‍वया, जिगु न्‍ह्यःने सुतियागु वसः फिनातःम्‍ह व जँय् भिंगु लुँया जनी चिनातःम्‍ह मनूयात खना।

होशे 8:6

इपिं इस्राएलीत खः। थ्‍व द्वहंचा कारीगरतय्‌सं दय्‌कूगु खः। व ला परमेश्‍वर मखु। सामरियायाम्‍ह व द्वहंचायात कुचा कुचा याइगु जुइ।

योना 1:3

योना परमप्रभुयापाखें बिस्‍युं वनेत मेखे स्‍वयाः वन। व योप्‍पा थ्‍यन। वं अन तार्शीश वनेत्‍यंगु जहाज नापलात। धिबा पुलाः व जहाजय् च्‍वन। परमप्रभुयापाखें बिस्‍युं वनेत व तार्शीशपाखे वन।

हबकूक 2:19

धिक्‍कार वयात, सुनां सिँयात थथे धाइ, ‘म्‍वाना वा!’ अय् न्‍ववाय् मफुगु ल्‍वहं, ‘दँ!’ छु व मूर्तिं छिमित छुं खँ स्‍यने फइ ला? व ला लुँ व वहलं भुनातःगु दु, उकी सासः हे मदु।”