यर्मिया 10:8 - नेवाः बाइबल

⁸ इपिं फुक्‍क ग्‍वाज्‍यः व मूर्ख खः। सिँया मूर्तितपाखें इमिसं छु सय्‌काकाये फइ?

यर्मिया 10:8 ပူးပေါင်းရင်းမြစ်များ

भजनसंग्रहया सफू 115:8

उपिं मूर्तित दय्‌कूपिं व उमिके भरोसा तःपिं सकलें उपिं ज्‍यालगय् मजूगु मूर्तित थें हे जुइ।

भजनसंग्रहया सफू 135:18

इमित दय्‌कूपिं नं इपिं थें जुइ, अले इमिके भरोसा तइपिं नं सकलें अथे हे जुइ।

यशैया 41:29

स्‍व, इपिं फुक्‍कं असत्‍य खः। इमिगु ज्‍या नं छुं मू मवं। इमिगु मूर्तित फय् व अलमल जक खः।”

यशैया 44:18

धात्‍थें थज्‍याःपिं मनूत मूर्ख खः, इमिसं थु हे मथू! इमिगु मिखा तिनातःगु दु अले इमिसं छुं हे मखं। इमिगु नुगः नं तिनातःगु दु अले इमिसं छुं नं मथू।

यशैया 44:19

सुनां मूर्ति दय्‌की वं थथे गुबलें बिचाः याइ मखु छाय्‌धाःसा वयाके छुं ज्ञां व दुग्‍यां हे दइ मखु। “जिं बच्‍छि सिँ छ्वय्‌का, उकिया ह्यंग्‍वालय् मरि व ला छुनाः नया। छु उकिया ल्‍यं दुगु ब्‍वं घच्‍चाइपुगु खँत दय्‌कीगु ला? छु जिं सिँगःयात क्‍वछुनाः भागि यायेगु ला?”

यर्मिया 10:14

मनूत मूर्ख व ज्ञान मदुपिं खः, मूर्ति दय्‌कीपिं इमिसं दय्‌कूगु मूर्तिपाखें मछालेमाली। छाय्‌धाःसा इमिसं दय्‌कूगु मूर्तित छगू ध्‍वखा खः अले इमिके सासः द हे मदु।

यर्मिया 2:27

इमिसं सिँयात धाइ, ‘छ जिम्‍ह अबु खः,’ अले ल्‍वहंयात धाइ, ‘छं जितः बुइकूगु खः।’ इमिसं थःगु ख्‍वाः मखु थःगु जँन्‍हुफाः जिपाखे स्‍वकूगु दु। अय्‌नं दुःख जुइबलय् इमिसं धाइ, ‘वयाः जिमित बचय् यानादिसँ!’

यर्मिया 3:9

व लज्‍या मचाःम्‍ह व्‍यभिचारिणी जूगुलिं देश नं अशुद्ध जुल। वं ल्‍वहं व सिँनापं नं व्‍यभिचार यात।

यर्मिया 4:22

“जिमि प्रजा मूर्ख खः, इमिसं जितः म्‍हमस्‍यू। इपिं मभिंपिं मस्‍त खः। इमिके दुग्‍यां मदु। मभिंगु ज्‍या यायेत इपिं चलाख तर भिंगु ज्‍या याये मसः।”

यर्मिया 5:4

जिं बिचाः याना, “थुपिं सकलें गरीब व मूर्ख खः। छाय्‌धाःसा इमिसं परमप्रभुया लँ अथवा थः परमेश्‍वरया कानून मस्‍यू।

होशे 4:12

इमिसं थःगु सिँया मूर्तिनापं सल्‍लाह काइ, इमिसं सिँया कथिं लिसः काइ, वेश्‍या ज्‍या याइगु आत्‍मां मखुगु लँय् यंकी, अले इपिं परमेश्‍वर प्रति विश्‍वास यायेबहः जुइ मखु।

योना 2:8

म्‍वाःमदुगु मूर्तियात पुजा याइपिन्‍सं परमप्रभुयागु भक्तियात त्‍वःती।

हबकूक 2:18

“मनूतय्‌सं कियाः दय्‌कातःगु मूर्तिया छु मू दु धकाः? वा मखुगु खँ ल्‍हायेगु स्‍यनीगु धातुया मूर्तिया छु मू दु धकाः? कारिगरं थःगु ल्‍हातं दय्‌कुम्‍हसिके भलसा तइ। वं ज्‍यालगे मजूगु मूर्तित दय्‌की, व मूर्तिं न्‍ववाये फइ मखु।

जकरिया 10:2

मूर्तितय्‌सं ध्‍वंलाइगु खँ ल्‍हाइ, तन्‍त्रमन्‍त्र याइपिन्‍सं मखुगु दर्शन खनी। म्‍हगसया अर्थ कनीपिन्‍सं सान्‍त्‍वना मबीगु मखुगु खँ ल्‍हाइ। उकिं जिमि मनूत तंपिं फैत थें उखेलाः थुखेलाः मदइ। जवाः मदयाः इमिसं दुःख सी।