यर्मिया 10:21 - नेवाः बाइबल

²¹ फैजवाःत मूर्ख जुल, इमिसं परमप्रभुयात न्‍यनेकने मयाः, उकिं इपिं ताःलाइ मखु, इमि फुक्‍क फै उखेलाः थुखेलाः जूगु दु।

यर्मिया 10:21 ပူးပေါင်းရင်းမြစ်များ

यर्मिया 10:14

मनूत मूर्ख व ज्ञान मदुपिं खः, मूर्ति दय्‌कीपिं इमिसं दय्‌कूगु मूर्तिपाखें मछालेमाली। छाय्‌धाःसा इमिसं दय्‌कूगु मूर्तित छगू ध्‍वखा खः अले इमिके सासः द हे मदु।

यर्मिया 10:8

इपिं फुक्‍क ग्‍वाज्‍यः व मूर्ख खः। सिँया मूर्तितपाखें इमिसं छु सय्‌काकाये फइ?

यर्मिया 12:10

यक्‍व फैजवाःतय्‌सं जिगु दाखया क्‍यबयात स्‍यंकाब्‍यूगु दु। इमिसं जिगु बुँयात न्‍हुत्तुन्‍हुगु दु, इमिसं जिगु न्‍ह्याइपुगु बुँयात मरुभूमि थें छुं नं मसइगु थाय् यानाब्‍यूगु दु।

यर्मिया 2:8

‘परमप्रभु गन दी?’ धकाः पुजाहारीतय्‌सं मन्‍यं। व्‍यवस्‍था स्‍यनीपिन्‍सं नं जितः म्‍हमसील। शासकतय्‌सं नं जिलिसें विद्रोह यात, अगमवक्तातय्‌सं बालद्यःया नामय् अगमवाणी ल्‍हात अले ज्‍यालगे मजूपिं मूर्तितय्‌त पुजा यात।

यर्मिया 22:30

परमप्रभुं थथे धयादी, “थ्‍व मनूया नां मस्‍त मदुम्‍ह धकाः च्‍व, छम्‍ह मनू गुम्‍ह थःगु जीवनकालय् ताःलाइ मखु। छाय्‌धाःसा वया सन्‍तान मध्‍ये सुं नं ताःलाइ मखु, वया सुं सन्‍तान दाऊदया सिंहासनय् च्‍वने खनी मखु अथवा यहूदाय् शासक जुइ खनी मखु।”

यर्मिया 49:32

इमि ऊँटत, यक्‍व सा द्वहं व फैच्‍वलय्‌त लुतय् यानाः यंकी। ताताःपाःगु थासय् च्‍वंपिन्‍त जिं प्‍यखेंपाखे छ्यालब्‍याल यानाबी। अले इमिगु प्‍यखेंपाखें इमिके विपत्ति हये,” परमप्रभुं धयादी।

यर्मिया 5:31

अगमवक्तातय्‌सं मखुगु अगमवाणी यानाच्‍वंगु दु, पुजाहारीतय्‌सं इमिगु थःगु हे अधिकारं शासन यानाच्‍वंगु दु, जिमि मनूतय्‌सं थथे जुइगु हे यय्‌की। तर लिपतय् छिमिसं छु यायेगु?”

यर्मिया 50:17

“इस्राएल ला सिंहं लिनाः छ्यालब्‍याल जूगु बथां थें खः। वयात न्‍हापा ला अश्‍शूरयाम्‍ह जुजुं नल, लिपतय् बेबिलोनयाम्‍ह जुजु नबूकदनेसरं वयागु क्‍वँय्‌त त्‍वथुलाबिल।”

यर्मिया 8:9

बुद्धि दुपिं मछालेमाली, इमिगु नुगः क्‍वतुनी, अले इमित ज्‍वनी। इमिसं परमप्रभुया वचनयात त्‍वःतूगु दु, इमिके गज्‍याःगु बुद्धि दु?

इजकिएल 34:12

गथे थःगु बथां थुखे उखे छ्यालब्‍याल जुइबलय् फैजवालं फैच्‍वलय्‌तय्‌त माःवनी, अथे हे जिं जिम्‍ह फैतय्‌त माले। सुपाँय् व तसकं खिउँगु दिनय् छ्यालब्‍याल जूगु फुक्‍क थासं जिं इमित बचय् याये।

जकरिया 10:3

“जिगु तं फैजवाःतय्‌के लाइ। जिं नायःतय्‌त सजाँय बी। दक्‍व शक्ति दुम्‍ह परमप्रभुं थःगु बथां, यहूदाया घरानायात स्‍वयादी। अले वय्‌कलं इमित लडाइँलय् छम्‍ह घमण्‍डी सल थें यानादी।

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”