यर्मिया 10:20 - नेवाः बाइबल

²⁰ जिगु पाल नाश जूगु दु। उकियागु फुक्‍क खिपः चबूगु दु। जि काय्‌पिं जिथासं वने धुंकल, आः इपिं मन्‍त। जिगु पाल ग्‍वयाबीम्‍ह व जि च्‍वनेगु थाय् दय्‌काबीम्‍ह आः सुं मन्‍त।

यर्मिया 10:20 ပူးပေါင်းရင်းမြစ်များ

अय्‍यूब 7:8

आः जितः खंगु छिगु मिखां हाकनं जितः गुबलें खनी मखुत, छिं जितः मालादी, तर जि दइ मखु।

हितोपदेश 12:7

दुष्‍टतय्‌त हुत्‍यानाछ्वइ, इमिगु हा तक हे ल्‍यनी मखु। धर्मीतय्‌गु छेँ धाःसा ल्‍यनाच्‍वनी।

यशैया 51:16

जिं जिगु वचन छंगु म्‍हुतुइ तयाबियागु दु अले जिगु ल्‍हाःया किचलं छ त्‍वपूगु दु, जिं आकाशयात वयागु थासय् तयागु दु, अले पृथ्‍वीया जग तयागु दु, अले सियोनयात ‘छ जिमि प्रजा खः’ धकाः धयागु दु।”

यशैया 51:18

वं बुइकूपिं फुक्‍क काय्‌पिं मध्‍ये वयात लँ क्‍यनीपिं सुं नं मदु। वं ब्‍वलंकूपिं काय्‌पिं मध्‍ये सुं नं वयागु ल्‍हाः ज्‍वनाः यंकीपिं मदु।

यशैया 54:2

“छंगु पालया थाय् अप्‍वय्‌कि। छंगु पालया पर्दात साला ताहाय्‌कि। छंगु खिपः ताहाकय्‌कि, अले छंगु कीत बल्‍लाकि।

यर्मिया 30:17

परमप्रभुं धयादी, ‘जिं छन्‍त वासः यानाः छंगु घाः लाय्‌काबी, छाय्‌धाःसा छन्‍त सकसिनं अलग यानातःम्‍ह सुनां वास्‍ता मयाःम्‍ह सियोन धकाः धाइगु।’

यर्मिया 31:15

परमप्रभुं थथे नं धयादी, “न्‍यँ, रामा शहरय् नुगः हे तज्‍याइ थें च्‍वंक ख्‍वःसः ताये दत। राहेल थः मस्‍तय्‌त लुमंकाः ख्‍वयाच्‍वन। न्‍ह्याक्‍व ह्ययेकूसां व मानय् मजू, छाय्‌धाःसा वया मस्‍त स्‍याये धुंकल।”

यर्मिया 4:20

छगू विपत्तिया लिपा मेगु विपत्ति वइ। छाय्‌धाःसा देश नाश जुइ धुंकूगु दु। आकाझाकां जिगु पाल नाश जुल, जि शरण कायेगु थाय् पलखं हे नाश जुल।

विलाप 1:5

वया विरोधीत वया मालिक जूगु दु, वया शत्रुत याउँक च्‍वनाच्‍वंगु दु। छाय्‌धाःसा परमप्रभुं वयात वयागु यक्‍व पापं यानाः दुःखय् लाकादीगु दु, वया मस्‍तय्‌त शत्रुतय् न्‍ह्यःने ज्‍वनायंकूगु दु।

मीका 2:9

छिमिसं जि प्रजाया कलाःपिन्‍त इमिगु सुखया छेँनं पित छ्वइगु। इमि मस्‍तय्‌गु लागि जिं बियातयागु आशिष नं छिमिसं लाकाकाइगु।