यर्मिया 10:19 - नेवाः बाइबल

¹⁹ जिगु घाःया निंतिं जितः धिक्‍कार दु! जिगु घाः मलनीगु घाः खः। अय्‌नं जिं थःम्‍हं थःत धया, “थ्‍व ला जिगु ल्‍वय् खः, थुकियात जिं सह याये हे माः।”

यर्मिया 10:19 ပူးပေါင်းရင်းမြစ်များ

भजनसंग्रहया सफू 39:9

जि सुम्‍क हे च्‍वने, जिं छसः नं नवाये मखु। छाय्‌धाःसा जितः छिं हे थथे यानादीगु खः।

भजनसंग्रहया सफू 77:10

अले जिं बिचाः याना, “थ्‍व हे जिगु दुःख खः। दक्‍वसिबय् तःधंम्‍हय्‌सिया जव ल्‍हाः जिगु छेनं चिला वन।”

यशैया 8:17

याकूबया घरानापाखें थःगु ख्‍वाः फहिकादीम्‍ह परमप्रभुयाके हे जिं भरोसा तयाच्‍वने।

यर्मिया 14:17

“आः हे यर्मिया, छं इमित थ्‍व वचन धा, “‘जिगु मिखां मदिक्‍क चान्‍हि ख्‍वःबि पिहां वयाच्‍वनेमा। छाय्‌धाःसा कुमारी म्‍ह्याय्, जिमि मू वंपिं मनूत तसकं घाःपाः जूगु दु। इमित तःधंगु घाः जूगु दु।

यर्मिया 14:7

जिमिसं यानागु मभिंगु ज्‍यां जिमिगु विरोधय् साक्षी ब्‍यूसां हे परमप्रभु, छिगु नां तःधंकेत छुं ज्‍या यानादिसँ। जिमिसं तःकः मछि हे छितः त्‍वःतागु दु। जिमिसं छिगु विरोधय् पाप यानागु दु।

यर्मिया 17:13

हे परमप्रभु, छि इस्राएलया आशा खः। छितः त्‍वःतिपिं सकलें मछालेमाली। छिपाखें फस्‍वयावनीपिं धुलय् च्‍वयातःगु नां थें मदयावनी, छाय्‌धाःसा इमिसं छि परमप्रभु म्‍वाःगु लःया मुहानयात त्‍वःतूगु दु।

यर्मिया 4:19

जिगु नुगः! जिगु नुगः! जिगु नुगः स्‍यानाः वाथा वाथा कनाच्‍वंगु दु। जि सुम्‍क च्‍वने मफु। जिं तुरहीया सः व लडाइँया सः ताःगु दु।

यर्मिया 4:31

मचाबू ब्‍यथा जूम्‍ह मिसायागु थें हाःसः, न्‍हापांम्‍ह मचा बुइकूम्‍ह मिसायागु थें ख्‍वःसः जिं ताल। स्‍वाँ स्‍वाँ यानाः थःगु ल्‍हाः फयाः बांलाःम्‍ह यरूशलेमं थथे धयाच्‍वंगु जिं ताल, “जि बेहोश जुयाच्‍वंगु दु, आः जि गथे याये! इपिं जितः स्‍यायेत वयाच्‍वंगु दु।”

यर्मिया 8:21

जिमि मनूतय्‌त घाःपाः याःगु खनाः जि थः हे घाःपाः जूगु दु। जि ह्वाँय्‌ह्वाँय् ख्‍वये, जिगु नुगः क्‍वतुंगु दु।

यर्मिया 9:1

जिगु छ्यं बुँगाःचा व जिगु मिखा ख्‍वबिया मुहान जूगु जूसा, स्‍याःपिं जिमि मनूतय्‌गु निंतिं जि चान्‍हि ख्‍वयाच्‍वनेगु।

विलाप 1:2

चान्‍हय् व ह्वाँय्‌ह्वाँय् ख्‍वइगु, वयागु नेतालय् ख्‍वबि वयाच्‍वनीगु, वया प्रेमीत मध्‍ये वयात ह्यय्‌कीम्‍ह सुं नं मदु। वया दक्‍वं पासापिन्‍सं वयात विश्‍वासघात याःगु दु, आः इपिं वया शत्रु जूगु दु।

विलाप 3:48

जिमि थःमनूतय्‌गु नाश खनाः जिगु मिखां ख्‍वबि धाः हाःगु दु।

मीका 7:9

परमप्रभुं जिगु पं कयाः न्‍ववानाः जिगु हक पक्‍का यानामदीतले जिं वय्‌कःयागु तंयात सहयाना च्‍वने। छाय्‌धाःसा जिं वय्‌कःया विरोधय् पाप यानागु दु। तर वय्‌कलं जितः पित हयाः जलय् हयादी। वय्‌कःयागु न्‍याय व धार्मिकता जिं स्‍वये दइ।