यर्मिया 10:15 - नेवाः बाइबल

¹⁵ उपिं ज्‍यालगय् मजूगु व न्‍हीकीगु खँ खः। उमिगु न्‍याय जुइबलय् उपिं नाश जुइ।

यर्मिया 10:15 ပူးပေါင်းရင်းမြစ်များ

भजनसंग्रहया सफू 115:9

अय् इस्राएलयापिं मनूत, परमप्रभुयाके भरोसा ति, वय्‌कलं छिमित ग्‍वाहालि बियादी अले रक्षा यानादी।

यशैया 41:24

तर छिपिं ला ज्‍यालगय् हे मजूपिं खः, अले छिमिगु ज्‍या नं छतिं हे ज्‍यालगय् मजू। सुनां छिमित ल्‍यइ व घच्‍चाइपूम्‍ह खः।

यशैया 41:29

स्‍व, इपिं फुक्‍कं असत्‍य खः। इमिगु ज्‍या नं छुं मू मवं। इमिगु मूर्तित फय् व अलमल जक खः।”

यशैया 57:12

जिमिसं छु यानाः व धार्मिकता खः धकाः बिचाः याइ, तर जिं छिमिगु चाला क्‍यनाबी। अले उकिं छिमित छुं नं फाइदा दइ मखु।

यर्मिया 10:11

“छं इमित थथे धा, ‘थुपिं द्यःतय्‌सं आकाश व पृथ्‍वी दय्‌कूगु मखु। थुपिं द्यःत पृथ्‍वीं व आकाशया क्‍वय्‌नं नाश जुयावनी।’”

यर्मिया 10:8

इपिं फुक्‍क ग्‍वाज्‍यः व मूर्ख खः। सिँया मूर्तितपाखें इमिसं छु सय्‌काकाये फइ?

यर्मिया 14:22

जात जातिया द्यःत मध्‍ये सुनां वा वय्‌के फइ? अथवा आकाशं थःम्‍हं हे वा वय्‌के फइ ला? हे परमप्रभु, जिमि परमेश्‍वर, छिं हे वा वय्‌कादी। उकिं जिमित छिगु हे आशा दु, छाय्‌धाःसा थ्‍व फुक्‍क यानादीम्‍ह छि हे खः।

यर्मिया 18:15

अय्‌नं जिम्‍ह मनूतय्‌सं जितः ल्‍वःमंकूगु दु, इमिसं ज्‍यालगय् मजूगु मूर्तितय्‌गु निंतिं धुपाँय् च्‍याकूगु दु, इपिं थः जुइगु लँपुइ लुफिं हाःगु दु। इमिसं थःगु पुलांगु लँ द्वंकूगु दु। इपिं ध्‍याचः दुगु लँपुइ वंगु दु।

यर्मिया 43:12

वं मिश्र देशया द्यःतय्‌गु देगलय् मिं नकाबी। वं इमिगु देगःत छ्वय्‌काबी, अले द्यःतय्‌त ज्‍वना यंकी। गथे फैजवाःतय्‌सं थःगु वसतय् च्‍वंगु ससि फुक्‍क लिकाइ, अथे हे वं मिश्र देशय् च्‍वंगु फुक्‍क लिकया छ्वइ अले व अनं छुं हे हानि मजुसें लिहां वइ।

यर्मिया 50:2

“जाति जातियात कँ, अले झण्‍डा ल्‍ह्वनाः न्‍यंकि, छुं खँ नं सुचुके मते, तर थथे धा, ‘बेबिलोनयात कब्‍जा याइ, वया द्यः बेल लज्‍याय् लाइ, वया द्यः मरोदकयात नाश याइ। वयागु शालिकतय्‌त बेइज्‍जत याइ, वयागु मूर्तित आतंकं जाइ।’

यर्मिया 51:18

उपिं ज्‍यालगे मजू, न्‍हीकीगु खँ जक खः। इमिगु न्‍याय जुइबलय् इपिं नाश जुइ।

यर्मिया 8:12

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ

यर्मिया 8:19

ध्‍यान बियाः न्‍यँ! तापाःगु देशं जिमि मनूत ख्‍वयाच्‍वंगु सः ताये दयाच्‍वंगु दु। “छु परमप्रभु सियोनय् मदी ला? छु आः अन जुजु मदी ला?” “इमिसं छाय् जितः थःगु मूर्तितपाखें व ज्‍यालगे मजूगु विदेशी मूर्तितपाखें तंचायेकूगु?”

होशे 9:7

सजाँयया ई न्‍ह्यःने थ्‍यंकः वःगु दु। इमिगु पापया पलेसा काइगु ई वःगु दु। इस्राएलं थ्‍व खँ सी। छिमिगु यक्‍व पाप व तःधंगु इखयागु कारणं छंगु निंतिं अगमवक्तात मूर्ख व आत्‍मां जाःपिं मनूत वँय् थें जुइ।

योना 2:8

म्‍वाःमदुगु मूर्तियात पुजा याइपिन्‍सं परमप्रभुयागु भक्तियात त्‍वःती।

जकरिया 13:2

“उखुन्‍हु हे जिं देशं मूर्तितय्‌गु नां तक हे ल्‍यं मदय्‌क हुयाछ्वये। अले इमिगु लुमन्‍ति तक हे दइ मखु। फताहा अगमवक्तातय्‌त व अशुद्ध आत्‍मायात नं जिं देशं पितिनाछ्वये धकाः दक्‍व शक्ति दुम्‍ह परमप्रभुं धयादी।

प्रेरित 14:15

“दाजुकिजापिं, छिकपिन्‍सं थ्‍व छु यानादियागु? जिपिं नं ला छिकपिं थें हे थ्‍व संसारयापिं मनूत खः नि। जिमिसं ला छिकपिन्‍त भिंगु खँ कनाः थथे म्‍वाःमदुगु ज्‍यां त्‍वःतकाः स्‍वर्ग, पृथ्‍वी, समुद्र व अन च्‍वंगु दक्‍व फुक्‍कं सृष्‍टि यानादीम्‍ह म्‍वाःम्‍ह परमेश्‍वरपाखे लिफः स्‍वकेत जक स्‍वयाच्‍वनागु खः।

व्‍यवस्‍था 32:21

इमिसं द्यः मखुपिन्‍त पुजा यानाः जिगु नुगः मुइकल, अले ज्‍यालगय् मजूगु मूर्तिपाखें जितः तंचाय्‌कल। उकिं, आः जिं नं थः मखुपिं मनूतपाखें इमिगु नुगः मुइके। छगू मूर्ख जातियापाखें इमित तं चाय्‌के।

१ शमूएल 12:21

ज्‍यालगय् मजूपिं द्यःतय् ल्‍यू वने मते। इमिसं न त ग्‍वाहालि याये फइ न बचय् याये फइ छाय्‌धाःसा इपिं ज्‍यालगय् मजूपिं खः।

१ शमूएल 5:4

तर कन्‍हय् खुन्‍हु सुथय् इपिं दनावःबलय् हाकनं व मूर्ति परमप्रभुया सनूया न्‍ह्यःने भ्‍वसुलाच्‍वंगु खन। अले वया छ्यं व निपा ल्‍हाः नं छुतय् जुयाः लुखा क्‍वय् लाःवनाच्‍वन। वयागु म्‍ह धाःसा तमज्‍याः।