यर्मिया 10:1 - नेवाः बाइबल

¹ अय् इस्राएलया घराना, परमप्रभुं छिमित छु धयादी व न्‍यँ।

यर्मिया 10:1 ပူးပေါင်းရင်းမြစ်များ

१ राजा 22:19

मीकायां हानं धाल, “उकिं परमप्रभुया थ्‍व वचन न्‍यनादिसँ– जिं परमप्रभुयात थःगु सिंहासनय् च्‍वनादीगु व स्‍वर्गया फुक्‍क सेना वय्‌कःया जवय् व खवय् दनाच्‍वंगु खना।

भजनसंग्रहया सफू 50:7

“हे जिमि मनूत न्‍यँ, जिं नवाये, हे इस्राएल, जिं छंगु विरोधय् साक्षी बी, जि परमेश्‍वर खः, छिमि परमेश्‍वर।

यशैया 1:10

अय् सदोमया शासकत, परमप्रभुया वचन न्‍यँ! अय् गमोराया मनूत, परमेश्‍वरया आज्ञा मानय् या! परमप्रभुं छिमित छु धयादीगु दु व बांलाक न्‍यँ!

यशैया 28:14

अथे जुयाः हे हेबाय्‌चबाय् याइपिं मनूत, सुनां यरूशलेमय् थुपिं प्रजातय्‌त शासन याइ, परमप्रभुया वचन न्‍यँ।

यशैया 40:18

अनंलि छिमिसं परमेश्‍वरयात सुनापं दाँजय् यायेगु? अले वय्‌कःयात छु मूर्ति नाप दाँजय् यायेगु?

यशैया 44:6

इस्राएलया जुजु व उद्धार यानादीम्‍ह, दक्‍व शक्ति दुम्‍ह परमप्रभुं थथे धयादी – “जि हे शुरु व अन्‍त खः। जि बाहेक मेपिं सुं नं परमेश्‍वर मदु।

यर्मिया 10:2

परमप्रभुं थथे धयादी, “मेगु जातियापिनिगु पहःचहः सय्‌काकाये मते। आकाशय् थीथी चिं खनाः इपिं थें थरथर खाये मते।

यर्मिया 2:4

हे याकूबया घराना, इस्राएलया घराना, परमप्रभुया वचन न्‍यँ।

यर्मिया 22:2

‘हे दाऊदया सिंहासनय् च्‍वनादीम्‍ह यहूदाया जुजु, छि, छिकपिनि भारदारत व ध्‍वाखां दुहां वइपिं छिकपिनि सकलें मनूत, परमप्रभुया थ्‍व वचन न्‍यँ!

यर्मिया 42:15

हे यहूदाया मनूत, परमप्रभुया थ्‍व वचन न्‍यँ! दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, ‘छिमिसं मिश्रय् वनेगु क्‍वःछिनागु दुसा अले अन च्‍वनेगु खःसा,

यर्मिया 9:26

थुपिं मनूत मिश्रीत, एदोमीत, अम्‍मोनीत, मोआबीत, मरुभूमिइ ताताःपाःगु थासय् च्‍वंपिं मनूत खः। जिं यहूदायापिं मनूतय्‌त तकं सजाँय बी। थुपिं विदेशी जातितय्‌के थें इस्राएलया घरानायाके नं चिं मतःगु नुगः दु।”

होशे 4:1

अय् इस्राएलीत, परमप्रभुया वचन न्‍यँ! छाय्‌धाःसा थ्‍व देशय् च्‍वंपिन्‍त परमप्रभुया द्वपं दु – “थ्‍व देशय् विश्‍वास याये बहसू मदु। सदां दइगु दयामाया मदु, व परमेश्‍वरया बारे ज्ञान नं मदु।

आमोस 7:16

अथे जुयाः आः परमप्रभुया वचन न्‍यँ। छं धाइगु, “‘इस्राएलया विरोधय् अगमवाणी धाये मते, अले इसहाकया घरानातय्‌गु विरोधय् प्रचार यायेगु त्‍वःति।’

१ थेसलोनिकी 2:13

जिमिसं परमेश्‍वरयागु वचन न्‍यंकाबलय् छिमिसं थुकियात मनूतय्‌गु वचन मखु, परमेश्‍वरयागु हे वचन खः धकाः न्‍यना काल। धात्‍थें हे थ्‍व परमेश्‍वरयागु वचन खः। अले थ्‍व हे वचनं छिमिगु नुगलय् हा कयाच्‍वंगु दु। उकिं जिमिसं परमेश्‍वरयात न्‍ह्याबलें सुभाय् बियाच्‍वनागु दु।

प्रकाश 2:29

सुयाके न्‍हाय्‌पं दु, वं आत्‍मां मण्‍डलीतय्‌त छु धयादिल धयागु न्‍यनाः थुइकाः का।”