यर्मिया 1:6 - नेवाः बाइबल

⁶ जिं धया, “स्‍वयादिसँ परमप्रभु परमेश्‍वर, जि ला नवाये नं मसः, जि ला मचा हे तिनि।”

यर्मिया 1:6 ပူးပေါင်းရင်းမြစ်များ

प्रस्‍थान 4:1

मोशां धाल, “इमिसं जितः पत्‍याः मयाःसा अले जिगु खँ मन्‍यंसे, ‘परमप्रभु छन्‍थाय् खनेदय्‌कः झाःगु मखु’ धकाः लिसः बिल धाःसा छु यायेगु?”

प्रस्‍थान 6:12

अय्‌नं मोशां परमप्रभुयात धाल, “इस्राएलीतय्‌सं हे जिगु खँ मन्‍यन धाःसा, जि खँ ल्‍हाये मसःम्‍हय्‌सिगु खँ फारोनं गथे यानाः न्‍यनी?”

प्रस्‍थान 6:30

मोशां परमप्रभुयात लिसः बिल, “स्‍वयादिसँ, जि बांलाक न्‍ववाये सःम्‍ह मखु। अथे जुयाः फारोनं जिगु खँ गथे यानाः न्‍यनी?”

यशैया 6:5

अले जिं धया, “धिक्‍कार जितः! जि नाश जुइन। छाय्‌धाःसा जिगु म्‍हुतुं पिहां वःगु फुक्‍क खँ अशुद्ध खः। अले जि अशुद्ध म्‍हुतु दुपिं मनूतलिसें च्‍वंच्‍वनागु दु। तर जिं थःगु हे मिखां दक्‍व शक्ति दुम्‍ह परमप्रभु जुजुयात खनागु दु।”

यर्मिया 14:13

तर जिं धया, “हाय! परमप्रभु परमेश्‍वर, अगमवक्तातय्‌सं इमित ‘छिमिसं तरवार व अनिकाल खनी मखु, जिं छिमित धात्‍थें थ्‍व थासय् न्‍ह्याबलें दयाच्‍वनीगु शान्‍ति बी धकाः धयाच्‍वनी।’”

यर्मिया 32:17

“हे परमप्रभु परमेश्‍वर, छिं थःगु शक्ति व ताहाकःगु ल्‍हातं आकाश व पृथ्‍वी दय्‌कादिल। छिगु निंतिं छुं नं थाकु मजू।

यर्मिया 34:6

अले यर्मिया अगमवक्तां यरूशलेमय् यहूदायाम्‍ह जुजु सिदकियाहयात थ्‍व फुक्‍क धयाबिल।

यर्मिया 4:10

अले जिं धया, “हाय! परमप्रभु परमेश्‍वर, छिं छन्‍त शान्‍ति दइ धकाः धयाः यरूशलेमयापिं मनूतय्‌त ध्‍वंलाःगु दु। छाय्‌धाःसा जिमिगु गःपतय् तरवार तःगु दु।”

इजकिएल 4:14

अले जिं धया, “हे परमप्रभु परमेश्‍वर थथे मजुइमा, जिं थःत गुबलें अशुद्ध यानागु मदु। जिं ल्‍याय्‌म्‍हबलय्‌निसें थौं तक गुबलें थः हे सीम्‍ह वा पशुतय्‌सं स्‍याःम्‍ह पशुया ला नयागु मदु। जिगु म्‍हुतुया दुने छुं नं अशुद्ध ला दुहां वंगु नं मदुनि।”

जकरिया 2:4

वं धाल, “ब्‍वाँय् वनाः उम्‍ह ल्‍याय्‌म्‍हम्‍ह मनूयात धा, ‘मनूतय्‌गु व पशुतय्‌गु ल्‍याः यक्‍व अप्‍वः जूगुलिं यरूशलेम पःखाः मदुगु शहर जुइ।