यर्मिया 1:3 - नेवाः बाइबल

³ योशियाहया काय् यहोयाकीम जुजु जुयाच्‍वंबलय् परमप्रभुया वचन वयाथाय् हाकनं वल। अनंलि परमप्रभुया वचन यहूदायाम्‍ह जुजु योशियाहया काय् सिदकियाहं राज्‍य यानाच्‍वंगु झिंछगूगु दँया न्‍याला दुबलय् तक, यरूशलेमयापिं मनूतय्‌त ज्‍वनाः देशं पिने मयंकुतले वया हे च्‍वन।

यर्मिया 1:3 ပူးပေါင်းရင်းမြစ်များ

२ राजा 23:34

फारो नेकोनं योशियाहया मेम्‍ह काय् एल्‍याकीमयात वया बौया थासय् जुजु दय्‌कल। वयागु नां हिलाः यहोयाकीम तल। वं यहोआहाजयात धाःसा मिश्र देशय् यंकल। व अन हे सित।

२ राजा 24:17

वं यहोयाकीनया कका मत्तन्‍याहयात वयागु पलेसा जुजु दय्‌कल, अले वयागु नां हिलाः सिदकियाह तल।

१ इतिहास 3:15

योशियाहया काय्‌पिं तःधिकःम्‍ह योहानान, माइलाम्‍ह येहोयाकीम, साइँलाम्‍ह सिदकियाह, व चिधिकःम्‍ह शल्‍लूम खः।

यर्मिया 1:4

परमप्रभुयागु थ्‍व वचन जिथाय् वल,

यर्मिया 34:1

बेबिलोनयाम्‍ह जुजु नबूकदनेसर व वया फुक्‍क सेना, वयागु अधीनय् दुपिं पृथ्‍वीया फुक्‍क राज्‍य व मनूतय्‌सं यरूशलेम व उकिया जःखः च्‍वंगु शहरतलिसें लडाइँ यानाच्‍वंबलय् परमप्रभुपाखें यर्मियायाथाय् वःगु वचन थ्‍व हे खः,

यर्मिया 35:1

यहूदाया जुजु योशियाहया काय् यहोयाकीमं राज्‍य यानाच्‍वंबलय् परमप्रभुपाखें यर्मियायाथाय् वःगु वचन थ्‍व हे खः।

यर्मिया 36:2

“छथू थूतुलातःगु भ्‍वँ कयाः उकी इस्राएल, यहूदा व मेगु फुक्‍क जातिया बारे जिं छन्‍त धयागु फुक्‍क खँ च्‍व। योशियाह जुजुया पालय् जिं छलिसें खँ ल्‍हानागु दिनंनिसें थौं तक जिं छु छु धया, व फुक्‍क खँ च्‍व।

यर्मिया 39:2

सिदकियाह जुजुं राज्‍य यानाच्‍वंगु झिंछगूगु दँया प्‍यंगूगु लाया गुंगूगु दिनय् उगु शहरया पःखाः तछ्यात।

जकरिया 7:5

“देशय् च्‍वंपि मनूत व पुजाहारीतय्‌त न्‍यँ, ‘वंगु न्‍हयेदँय् छिमिसं न्‍यागूगु व न्‍हय्‌गूगु लाय् अपसं च्‍वनाः शोक याःबलय् छु छिमिसं धात्‍थें हे जिगु हे निंतिं अपसं च्‍वनागु खः ला?

जकरिया 8:19

दक्‍व शक्ति दुम्‍ह परमप्रभुं थथे धयादी, “प्‍यंगूगु, न्‍यागूगु, न्‍हय्‌गूगु व झिगूगु लायागु अपसं व दुखं च्‍वनेमाःगु दिं आवलिं लसताया नखः जुइ। उकिं छिमिसं सत्‍य व शान्‍तियात यय्‌की।”