न्‍यायकर्ता 8:4 - नेवाः बाइबल

⁴ गिदोन व वया स्‍वसःम्‍ह मनू यर्दनया सिथय् वयाः खुसि छित। इपिं त्‍यानुचासां इमिसं शत्रुतय्‌त लित्तु हे लिनाच्‍वन।

न्‍यायकर्ता 8:4 ပူးပေါင်းရင်းမြစ်များ

गलाती 6:9

अय्‌जूगुलिं भिंगु ज्‍या यायेत थाकु चाये मते। थाकु मचासे ज्‍या यानाच्‍वन धाःसा छन्‍हु झीत परमेश्‍वरं सिरपाः बियादी।

२ कोरिन्‍थी 4:16

उकिं हे ला खः नि, जिमिसं आशा मत्‍वःतागु। जिमिगु म्‍ह झन झन स्‍यनावनाच्‍वंगु दु। अय्‌नं जिमिगु आत्‍मा धाःसा न्‍हियान्‍हिथं बल्‍लाना वयाच्‍वंगु दु।

१ शमूएल 30:10

छाय्‌धाःस निसः मनूत त्‍यानुचाया खुसि छीमफुगु खः। दाऊद व वया प्‍यसः मनूत धाःसा दिपाः हे मकासे इमित ल्‍यू तुं वन।

न्‍यायकर्ता 7:25

इमिसं ओरेब व जएब नांयापिं निम्‍ह मिद्यानी शासकतय्‌त ज्‍वन। इमिसं ओरेबयात ल्‍वहंधिकय् स्‍यात, लिपा उकियात “ओरेबया ल्‍वहंधी” नां तल। अले जएबयात दाख तिसीगु सालय् स्‍यात, लिपा उकियात “जएबया दाख तिसीगु सा” नां तल। इमिसं ओरेबयात ओरबया ल्‍वहंधिकय् अले जएबयात जएबया दाख तिसीगु सालय् स्‍यात। इमिसं मिद्यानीतय्‌त लित्तुलिनाः हे च्‍वन लिपा इमिसं ओरेब व जएबयागु छ्यं यर्दन पारि गिदोनयाथाय् हल।

न्‍यायकर्ता 8:3

परमेश्‍वरं मिद्यानयाम्‍ह शासक ओरेब व जएबयात छिमिगु ल्‍हातय् बियादीगु दु। छिमिसं याःगु थें ति जिं छु याये फत?” वयागु थज्‍याःगु खँ न्‍यनाः इमिगु तं क्‍वलात।

१ शमूएल 30:8

अनंलि दाऊदं परमप्रभुयाके न्‍यन, “छु जि उपिं लुतय् याइपिं मनूतय् ल्‍यूल्‍यू वने ला? छु जिं इमित नापलाके फइ ला?” परमप्रभुं वयात लिसः बिल, “ज्‍यू, छं इमित ल्‍यू हुँ, छं इमित नापालाकाः फुक्‍क ज्‍वनायंकूपिन्‍त छुतय् याना हजि।”