न्‍यायकर्ता 8:3 - नेवाः बाइबल

³ परमेश्‍वरं मिद्यानयाम्‍ह शासक ओरेब व जएबयात छिमिगु ल्‍हातय् बियादीगु दु। छिमिसं याःगु थें ति जिं छु याये फत?” वयागु थज्‍याःगु खँ न्‍यनाः इमिगु तं क्‍वलात।

न्‍यायकर्ता 8:3 ပူးပေါင်းရင်းမြစ်များ

भजनसंग्रहया सफू 115:1

जिमिगु मखु, हे परमप्रभु, जिमिगु मखु, छिगु सदां दयाच्‍वनीगु दया माया व विश्‍वास याये बहःसूया निंतिं छिगु थःगु हे नांया महिमा जुइमा।

भजनसंग्रहया सफू 44:3

इमिसं तरवारया बलं देश त्‍याकाकाःगु मखु, इपिं थःगु शक्तिं त्‍याःपिं नं मखु। छिगु हे जव ल्‍हातं, छिगु हे लप्‍पां व छिगु ख्‍वाःया जलं इपिं त्‍याःगु खः। छाय्‌धाःसा छिं इमित यय्‌कादिल।

हितोपदेश 15:1

नाइसे च्‍वंगु लिसलं तं क्‍वलाइ, तर छाःगु लिसलं तंयात ग्‍वाकी।

हितोपदेश 16:32

बल्‍लायेगु स्‍वयाः सह यायेगु तःधं। देश देशयात त्‍याकेगु स्‍वयाः थःगु मनयात कःघायेगु हे तःधं।

हितोपदेश 25:11

माःगु इलय् माःकथं नवायेगु धयागु वहलय् लुँ थुने थें खः।

हितोपदेश 25:15

सह यायेफत धाःसा शासकयात नं ह्यय्‌के फइ। अले नाइसे च्‍वंगु खं क्‍वँय्‌यात नं नाय्‌केफु।

यूहन्‍ना 4:37

छम्‍हय्‌सिनं पुसा ह्वली, अले मेम्‍हय्‌सिनं बाली लइ धकाः धयातःगु खँ थुकिं हे सत्‍य जुल।

रोमी 12:3

परमेश्‍वरं जितः दया माया यानादीगुलिं छिपिं फुक्‍कसिनं थःत तःधंम्‍ह धकाः मतिइ तया जुइ मते धकाः जिं छिमित बिन्‍ति यानाच्‍वना। परमेश्‍वरं छिमित बियादीगु विश्‍वास गपाय्‌धंगु खः उलि हे जक बांलाक बिचाः या।

रोमी 12:6

परमेश्‍वरं झीत दया माया यानाः बियातःगु थीथी वरदानयात झीसं छ्यले माल। अगमवाणी कनेगु वरदान दःसा वं विश्‍वासं थ्‍व ज्‍या यायेमाः।

फिलिप्‍पी 2:3

थःगु जक भिं स्‍वयाः तःधंछुना जुइ मते। बरु थःथवय् क्‍वमिलु जुयाः मेपिं स्‍वयाः चिधं जुया जु।

न्‍यायकर्ता 8:2

वं इमित धाल, “छिमिसं याःगु थें जिं आः छु यानागु दु धकाः? छु एफ्राइमयात त्‍वताःथकूगु दाख, अबीएजेरया फुक्‍क बाली स्‍वयाः मभिं ला?

न्‍यायकर्ता 8:4

गिदोन व वया स्‍वसःम्‍ह मनू यर्दनया सिथय् वयाः खुसि छित। इपिं त्‍यानुचासां इमिसं शत्रुतय्‌त लित्तु हे लिनाच्‍वन।