न्‍यायकर्ता 7:9 - नेवाः बाइबल

⁹ उखुन्‍हु चान्‍हय् परमप्रभुं गिदोनयात धयादिल, “दँ! व छाउनीइ ल्‍वायेत कुहां हुँ, छाय्‌धाःसा उकियात जिं छंगु ल्‍हातय् बीत्‍यनागु दु।

न्‍यायकर्ता 7:9 ပူးပေါင်းရင်းမြစ်များ

२ इतिहास 20:17

थ्‍व लडाइँ छिमिसं ल्‍वायेमाली मखु। थथःगु थासय् धिसिं लाःक्‍क दनाच्‍वँ। परमप्रभुं छिमित बचय् यानादीगु छिमिसं खनी, हे यहूदा व यरूशलेम। ग्‍याये मते, नुगः क्‍वतुंके मते। कन्‍हय् इपिंलिसें ल्‍वायेत हुँ। परमप्रभु छिपिंनापं दइ।’”

अय्‍यूब 4:13

चान्‍हय्‌सियागु चितासू मब्‍यूगु म्‍हगसय् मनूत स्‍याक्‍क न्‍ह्यः वय्‌काच्‍वंबलय्,

मत्ती 1:20

योसेफं थथे बिचाः यानाच्‍वंबलय् वयात म्‍हगसय् प्रभुया छम्‍ह स्‍वर्गदूतं वयाः थथे धाल – “दाऊदया सन्‍तान योसेफ, मरियमयात ब्‍याहा यायेत ग्‍याये मते। पवित्र आत्‍मापाखें वया प्‍वाथय् दुगु खः।

मत्ती 2:13

ज्‍योतिषीत वने धुंकाः योसेफयात म्‍हगसय् प्रभुया छम्‍ह स्‍वर्गदूतं थथे धाल – “दँ, मचा व वया मांयात ब्‍वनाः याकनं हे मिश्र देशय् बिस्‍युं हुँ। लिहां वयेत मधातले छिपिं अन हे च्‍वँ, छाय्‌धाःसा हेरोदं मचायात स्‍यायेत स्‍वयाच्‍वंगु दु।”

प्रेरित 27:23

जिं आराधना यानाच्‍वनाम्‍ह जिम्‍ह परमेश्‍वरया छम्‍ह स्‍वर्गदूतं म्‍हिगः चान्‍हय् वयाः जितः थथे धाल –

यहोशू 10:8

परमप्रभुं यहोशूयात धयादिल, “इपिं खनाः ग्‍याये मते, छाय्‌धाःसा जिं इमित छंगु ल्‍हातय् बियागु दु। इपिं मध्‍ये सुं छम्‍ह नं छंगु न्‍ह्यःने दने फइ मखु।”

यहोशू 11:6

परमप्रभुं यहोशूयात धयादिल, “इपिं खनाः ग्‍याये मते, छाय्‌धाःसा कन्‍हय् थुबलय् हे इपिं स्‍याःपिं सकसितं जिं इस्राएलीतय्‌गु ल्‍हातय् तयाबी। छं इमि सलतय्‌गु तुतिख्‍वःया लिउने च्‍वंगु सँय्‌प्‍वाँय् चानाब्‍यु, अले इमिगु रथत मिं छ्वय्‌काब्‍यु।”

यहोशू 2:24

इमिसं यहोशूयात धाल, “धात्‍थें हे परमप्रभुं व फुक्‍क देश झीगु ल्‍हातय् बियादीगु दु। व देशयापिं सकलें मनूत झीपिं खनाः थुरथुर खानाच्‍वंगु दु।”

न्‍यायकर्ता 20:28

अबलय् हारूनया छय्‌ व एलाजारया काय् पीनहास पुजाहारी खः। इमिसं न्‍यन, “जिपिं जिमि दाजुकिजा बेन्‍यामीनीतलिसें हाकनं लडाइँ याः वनेमाः कि म्‍वाः?” परमप्रभुं लिसः बियादिल, “इमित हमला या! कन्‍हय् जिं इमित छिमिगु ल्‍हातय् बी।”

न्‍यायकर्ता 3:10

वयाके परमप्रभुयागु आत्‍मा दुबिल, अले व इस्राएलीतय् न्‍यायकर्ता जुयाः लडाइँलय् वन। परमप्रभुं अरामया जुजु कूशन-रिशातैमयात ओत्‍निएलया ल्‍हातय् बियादिल। वं कूशन-रिशातैमयात बुकल।

न्‍यायकर्ता 3:28

एहूदं इमित धाल, “जिगु ल्‍यूल्‍यू वा छाय्‌धाःसा परमप्रभुं छिमि शत्रु मोआबीतय्‌त छिमिगु ल्‍हातय् बियादीगु दु।” उकिं इपिं वया ल्‍यूल्‍यू क्‍वहां वल अले इमिसं मोआब वनीगु यर्दन छियेगु थाय् त्‍याकाकाल। इमिसं सुं मोआबीयात खुसिया उखे वने मब्‍यू।

न्‍यायकर्ता 7:10

ल्‍वाःवनेत छ ग्‍याःसा थः च्‍यः पूराहलिसें क्‍वय् छाउनीइ हुँ,

न्‍यायकर्ता 7:8

अथे जुयाः गिदोनं स्‍वसःम्‍ह मनूतय्‌त जक तयाः ल्‍यंदुपिं इस्राएलीतय्‌त थथःगु पालय् लितछ्वल। इपिं स्‍वसःम्‍हय्‌सिनं नयेगु सामान व तुरही जिम्‍मा काल। मिद्यानीतय्‌गु छाउनी इमिगु क्‍वय् बेसीइ दुगु जुयाच्‍वन।

१ शमूएल 14:8

जोनाथनं लिसः बिल, “ठीक जू! झीपिं उखेपाखे वनेनु अले इमिसं झीत खनेमा।

१ शमूएल 23:4

दाऊदं हाकनं छकः परमप्रभुयाके सल्‍लाह काल। अले परमप्रभुं थथे धकाः लिसः बियादिल, “कीलाह शहरय् हुँ। जिं पलिश्‍तीतय्‌त छंगु ल्‍हातय् बी।”