न्‍यायकर्ता 7:8 - नेवाः बाइबल

⁸ अथे जुयाः गिदोनं स्‍वसःम्‍ह मनूतय्‌त जक तयाः ल्‍यंदुपिं इस्राएलीतय्‌त थथःगु पालय् लितछ्वल। इपिं स्‍वसःम्‍हय्‌सिनं नयेगु सामान व तुरही जिम्‍मा काल। मिद्यानीतय्‌गु छाउनी इमिगु क्‍वय् बेसीइ दुगु जुयाच्‍वन।

न्‍यायकर्ता 7:8 ပူးပေါင်းရင်းမြစ်များ

यशैया 27:13

व दिंखुन्‍हु छगू तःधंगु तुरही पुइ। अश्‍शूरय् नाश जूपिं व मिश्र देशय् ज्‍वनायंकूपिं वयाः यरूशलेमया पवित्र पर्वतय् परमप्रभुया आराधना याइ।

लेवी 23:24

“इस्राएलीतय्‌त धा, ‘न्‍हय्‌गूगु लाया न्‍हापांगु दिं फुक्‍कं झासु लनेगु दिं जुइमाः। उखुन्‍हु फैया नेकूया तुरही पुयाः परमेश्‍वरया छगू पवित्र मुंज्‍या जुइमाः।

लेवी 25:9

न्‍हय्‌गूगु लाया झिन्‍हु खुन्‍हु, प्रायश्‍चितया दिंखुन्‍हु छिमिसं देशय् न्‍यंकं फैया नेकूया तुरही पुइकि।

गन्‍ती 10:9

“छिमित क्‍वत्‍यलातःपिं शत्रुतलिसें छिमिगु थःगु देशय् लडाइँ याः वनीबलय् नं चिहाकलं छुमांया तुरही पु। अले छिमित परमप्रभु छिमि परमेश्‍वरं लुमंकाः छिमि शत्रुतपाखें बचय् यानादी।

१ कोरिन्‍थी 15:52

दकलय् लिपा तुरही पुया हयेवं मिखाफुति याये मलावं सीपिं हानं म्‍वाना वइ, अले गुब्‍सं सी माली मखुत। अले झीपिं म्‍वानाच्‍वंपिं नं हिलावनी।

यहोशू 6:20

पुजाहारीतय्‌सं फैया नेकूया तुरही पुल। उकिया सः न्‍यनेवं मनूत तस्‍सलं हाल। अबलय् हे शहरया पःखाः क्‍वय् थ्‍यंक हे दुन। उकिं फुक्‍क मनूत तप्‍यंक न्‍हज्‍यात अले शहरय् दुहां वनाः उकियात त्‍याका काल।

यहोशू 6:4

न्‍हय्‌म्‍ह पुजाहारीत फैया नेकूया न्‍हय्‌पु तुरही ज्‍वनाः बाचा चिनादीगु सनूया न्‍ह्यः न्‍ह्यः न्‍यासि वनेमाः। न्‍हय्‌न्‍हु खुन्‍हु छिमिसं व शहर न्‍हय्‌कः तक चाःहिला च्‍वंबलय् पुजाहारीतय्‌सं तुरही पुइमाः।

न्‍यायकर्ता 3:27

अले एफ्राइमया पहाडी देशय् थ्‍यनेधुंकाः वं तुरही पुल। अले इस्राएलीत पहाडं क्‍वहां वल। वं इमित न्‍ह्यः न्‍ह्यः तल।

न्‍यायकर्ता 6:33

अनंलि फुक्‍क मिद्यानी, अमालेकी व पुर्बयापिं जातित छथाय् मुन। अले यर्दन खुसि छिनाः यिजरेलया बेसीइ छाउनी तयाच्‍वन।

न्‍यायकर्ता 7:7

परमप्रभुं गिदोनयात धयादिल, “थुपिं में लः फ्‍ययाः त्‍वंपिं मनूतपाखें हे जिं छिमित बचय् याये व मिद्यानीतय्‌त छंगु ल्‍हातय् तयाबी। मेपिं सकसितं थथःगु थासय् लिहां हुँ धकाः धा।”

न्‍यायकर्ता 7:9

उखुन्‍हु चान्‍हय् परमप्रभुं गिदोनयात धयादिल, “दँ! व छाउनीइ ल्‍वायेत कुहां हुँ, छाय्‌धाःसा उकियात जिं छंगु ल्‍हातय् बीत्‍यनागु दु।