न्‍यायकर्ता 7:5 - नेवाः बाइबल

⁵ अथे जुयाः गिदोनं मनूतय्‌त खुसिचाय् यंकल। परमप्रभुं धयादिल, “सुनां सुनां खिचां थें में फ्‍ययाः लः त्‍वनी इमित छखे ति, सुनां सुनां पुलिं चुयाः लः त्‍वनी इमित धाःसा मेखे ति।”

न्‍यायकर्ता 7:5 ပူးပေါင်းရင်းမြစ်များ

१ राजा 17:13

एलियां वयात धाल, “ग्‍याये म्‍वाः, छेँय् वनाः छं नकतिनि धाःथें हे थःगु नयेगु नसा ज्‍वरय् या। तर न्‍हापा जिगु लागि निं छपा चिपागु मरि छुनाः जिथाय् हजि। अले छ व छिमि काय्‌या लागि छुं दय्‌कि।

भजनसंग्रहया सफू 110:7

जुजुं लँय् लिकसं लाःगु खुसिया लः त्‍वनी, अथे जुयाः वय्‌कलं थःगु छ्यं धस्‍वाकी।

न्‍यायकर्ता 7:4

अले परमप्रभुं गिदोनयात धयादिल, “आः नं मनूत यक्‍व दु, इमित क्‍वय् खुसिचाय् यंकि अले जिं छंगु निंतिं इमित ब्‍यागल तये। ‘थ्‍व मनू छलिसें वनी’ धायेबलय् व मनू छलिसें वनी, अले ‘थ्‍व मनू छलिसें वनी मखु’ धकाः धायेबलय् व मनू छलिसें वनी मखु।”

न्‍यायकर्ता 7:6

स्‍वसःम्‍ह मनूतय्‌सं ल्‍हाः म्‍हुतुइ यंकाः लः फ्‍ययाः त्‍वन, ल्‍यंदुपिं सकसिनं पुलिं चुयाः लः त्‍वन।