न्‍यायकर्ता 7:4 - नेवाः बाइबल

⁴ अले परमप्रभुं गिदोनयात धयादिल, “आः नं मनूत यक्‍व दु, इमित क्‍वय् खुसिचाय् यंकि अले जिं छंगु निंतिं इमित ब्‍यागल तये। ‘थ्‍व मनू छलिसें वनी’ धायेबलय् व मनू छलिसें वनी, अले ‘थ्‍व मनू छलिसें वनी मखु’ धकाः धायेबलय् व मनू छलिसें वनी मखु।”

न्‍यायकर्ता 7:4 ပူးပေါင်းရင်းမြစ်များ

उत्‍पत्ति 22:1

छुं ई लिपा परमेश्‍वरं अब्राहामयात जाँचय् यायेत सःतादिल, “अब्राहाम!” वं लिसः बिल, “प्रभु, जि थन हे दु।”

अय्‍यूब 23:10

तर वय्‌कलं जिगु फुक्‍क पहःचहः स्‍यू। वय्‌कलं जितः जाँचय् यानादीबलय् जि लुँ थें जुयाः पिहां वये।

भजनसंग्रहया सफू 33:16

सुं नं जुजु बल्‍लाःपिं सिपाइँत दयेवं जक त्‍याइ मखु। अले सुं नं सिपाइँनं थःगु बलं जक त्‍याकेफइ मखु।

भजनसंग्रहया सफू 66:10

हे परमेश्‍वर, छिं जिमित जाँचय् यानादीगु दु, छिं जिमित वहःयात जाँचय् याःथें जाँचय् यानादीगु दु।

भजनसंग्रहया सफू 7:9

नुगः व बुद्धि दुवालादीम्‍ह हे परमेश्‍वर, छिं न्‍ह्याबलें भिंगु यानादी। दुष्‍टतय्‌गु मभिंगु ज्‍या न्‍हंकादिसँ, अले भिंगु याइपिन्‍त बचय् यानादिसँ।

न्‍यायकर्ता 7:5

अथे जुयाः गिदोनं मनूतय्‌त खुसिचाय् यंकल। परमप्रभुं धयादिल, “सुनां सुनां खिचां थें में फ्‍ययाः लः त्‍वनी इमित छखे ति, सुनां सुनां पुलिं चुयाः लः त्‍वनी इमित धाःसा मेखे ति।”

१ शमूएल 14:6

जोनाथनं ल्‍वाभः ज्‍वनीम्‍हय्‌सित धाल, “वा, झीपिं परमेश्‍वरयात मानय् मयाइपिं उपिं म्‍हय् चिं मतःपिनिगु छाउनी स्‍वःवनेनु। परमप्रभुं झीत ग्‍वाहालि यानादी। झीपिं यक्‍व दयेमा वा म्‍हो जुइमा झीत बचय् यायेगुपाखें वय्‌कःयात सुनानं पने फइ मखु।”

१ शमूएल 16:7

तर परमप्रभुं शमूएलयात धयादिल, “व तःधिकःम्‍ह जूसां अले तसकं बांलाःम्‍ह जूसां वयागु वास्‍ता याये मते। व जुजु जुइत ल्‍वःम्‍ह मखु, छाय्‌धाःसा मनूतय्‌सं ला ख्‍वाः स्‍वयाः बिचाः याइ तर परमप्रभुं नुगः स्‍वयाः बिचाः यानादी।”