न्‍यायकर्ता 7:2 - नेवाः बाइबल

² परमप्रभुं गिदोनयात धयादिल, “मिद्यानीतय्‌त इमिगु ल्‍हातय् बीत जिगु निंतिं छलिसें यक्‍व मनूत दु। जिं मिद्यानीतय्‌त इमिगु ल्‍हातय् बी मखु। मखुसा जिमिसं थःगु हे बलं लडाइँ त्‍याकाःगु खः धकाः इस्राएलीतय्‌सं जिगु विरोधय् तःधंछुयाः धाइ।

न्‍यायकर्ता 7:2 ပူးပေါင်းရင်းမြစ်များ

उत्‍पत्ति 46:2

चान्‍हय् परमेश्‍वरं वयात दर्शन बियाः धयादिल, “याकूब, याकूब।” अले वं धाल, “जि थन दु।”

२ इतिहास 14:11

अले आसां परमप्रभु थः परमेश्‍वरयात प्रार्थना यात, “हे परमप्रभु, छिं बल्‍लाःपिन्‍त थें बमलाःपिन्‍त नं ग्‍वाहालि बियादी फु। हे जिमि परमप्रभु परमेश्‍वर, जिमित ग्‍वाहालि बियादिसँ, छाय्‌धाःसा जिमिसं छिगु भरोसा कयागु दु। जिपिं छिगु हे नामय् थ्‍व तःधंगु सेनालिसें ल्‍वायेत वयागु दु। हे परमप्रभु, छि जिमि परमेश्‍वर खः, उकिं सुनानं छितः त्‍याकेगु आसा मयायेमा।”

यशैया 10:13

छाय्‌धाःसा वं धाइ, “‘जिगु ल्‍हाःया बलं व जिगु हे बुद्धिया कारणं थ्‍व यानागु खः, छाय्‌धाःसा जिके दुग्‍यां दु। जिं देश देशया सिमानात मदय्‌का छ्वयागु दु अले इमिगु धुकूत लुतय् याना हयागु दु। जि छम्‍ह तसकं बल्‍लाःम्‍ह मनुखं थें इमि जुजुयात क्‍वत्‍यलागु दु।

यशैया 2:11

परमप्रभुया दिं वयाः मनूतय्‌गु फुइँ व तःधंछु नाश जुयावनी। थ्‍व दिंखुन्‍हु परमप्रभुयात जक तःधंकेगु जुइ।

यशैया 2:17

वय्‌कलं मनूतय्‌गु घमण्‍डयात क्‍वमिलु यानादी। व दिंखुन्‍हु मूर्तित फुक्‍कं मदय्‌का छ्वइ। अले परमप्रभुयात जक तःधंकेगु जुइ।

यर्मिया 9:23

परमप्रभुं थथे धयादी, “बुद्धि दुपिन्‍सं थःगु बुद्धियागु खँय् तःधंछुइ मते, बल्‍लाःपिन्‍सं थःगु बलयागु खँय् तःधंछुइ मते, तःमितय्‌सं थःगु धनयागु खँय् तःधंछुइ मते!

इजकिएल 28:17

थः बांलाःगुलिं छंगु मन तःधंछुयाः, वैभवं यानाः छंगु बुद्धि स्‍यनावन। जिं छन्‍त बँय् वांछ्वयाबिया, जिं छन्‍त जुजुपिनिगु न्‍ह्यःने इमित क्‍यनेत तयाबिया।

इजकिएल 28:2

“अय् सीमानिम्‍ह मनू, टुरोसयाम्‍ह जुजुयात धा, ‘परमप्रभु परमेश्‍वरं थथे धयादी – “‘छं तःधंछुयाः थथे धाःगु दु, जि छम्‍ह द्यः खः, जि समुद्रया दथुइ द्यःयागु सिंहासनय् च्‍वंच्‍वनागु दु। तर छ छम्‍ह मनू जक खः, द्यः मखु, खः ला, छं थःत द्यः ति हे बुद्धिमान ताय्‌कूगु दु।

दानिएल 4:30

वं धाल, “छु थ्‍व जिं थःगु नां व महिमाया लागि जिगु बलं राजधानी दय्‌काःगु तःधंगु बेबिलोन मखु ला?”

हबकूक 1:16

अथे जुयाः इमिसं थःगु जाःयात बलि छाइ, तःधंगु जाःया लागि धुपाँय् च्‍याकी, छाय्‌धाःसा उकिं हे इपिं सुखं च्‍वनी अले भिंगु भिंगु नसा नइ।

जकरिया 12:7

“दाऊदया घरानायागु हनाबना व यरूशलेमयापिं मनूतय्‌गु हनाबना यहूदायागु स्‍वयाः अप्‍वः मजुइमा धकाः परमप्रभुं न्‍हापा यहूदायापिन्‍त बचय् यानादी।

जकरिया 4:6

उकिं वं जितः धाल, “थ्‍व यरूबाबेलया निंतिं परमप्रभुया वचन खः, ‘शक्तिं मखु, बलं नं मखु, तर जिगु आत्‍मापाखें’ धकाः दक्‍व शक्ति दुम्‍ह परमप्रभुं धयादी।

गन्‍ती 31:4

इस्राएलया छगू छगू कुलं द्वःछिम्‍ह द्वःछिम्‍ह मनूत लडाइँ यायेत छ्व।”

रोमी 11:18

अय्‌जूगुलिं छिपिं स्‍वाना तःपिं कचा जक जूगुलिं तःधंछुइ मते। तःधंछुइत छिमिसं थ्‍व खँ लुमंकी– हायात नका तइपिं छिपिं मखु, बरु छिमित नका तइम्‍ह हा खः।

रोमी 3:27

थथे खः धयागु जूसा झीसं छु खँय् तःधंछुइगु? छुं खँय् हे मदु। झी छु खँय् तःधनेगु? व्‍यवस्‍था मानय् यानागुलिं मखु, बरु विश्‍वास यानागुलिं खः।

२ कोरिन्‍थी 4:7

चायागु थलय् तःजिगु धन तः थें परमेश्‍वरं जिमिगु मनय् झल्‍ल मत थीकादिल। थुकिं हे जिमिगु शक्ति मखु, बरु वय्‌कःयागु शक्ति खः धकाः सी दइ।

एफिसी 2:9

छिमिगु धर्मकर्मं थथे जूगु मखु, उकिं छिमिसं तःधंछुइगु खँ हे मदु।

व्‍यवस्‍था 32:27

तर जितः इमि शत्रुतय्‌गु हेबाय्‌चबाय् मयय्‌ल। विरोधीतय्‌सं मेकथं थुइकाः थथे मधायेमा, ‘जिमिगु थःगु हे शक्तिं त्‍याःगु खः, परमप्रभुं थ्‍व फुक्‍क यानादीगु मखु।’”

व्‍यवस्‍था 8:17

“झीगु थःगु ल्‍हाःया शक्ति व बलं हे थ्‍व धन-सम्‍पत्ति झीसं दय्‌कागु खः” धकाः छिमिसं मनमनं धायेफु।

व्‍यवस्‍था 8:18

अय्‌नं परमप्रभु छिमि परमेश्‍वरयात लुमंकि! वय्‌कलं हे छिमि पुर्खालिसें चिनादीगु बाचा पूवंकादीत छिमित धन-सम्‍पत्ति दय्‌केत शक्ति बियादी।

याकूब 4:6

परमेश्‍वरं अज्‍ज यक्‍व दया माया यानादी। धर्मशास्‍त्रय् थथे च्‍वयातःगु दु – “परमेश्‍वरयात तःधंछुया जुइपिं मनूत मयः। चिधंछुया जुइपिं मनूतय्‌त धाःसा वय्‌कलं यक्‍व दया माया यानादी।”

१ शमूएल 14:6

जोनाथनं ल्‍वाभः ज्‍वनीम्‍हय्‌सित धाल, “वा, झीपिं परमेश्‍वरयात मानय् मयाइपिं उपिं म्‍हय् चिं मतःपिनिगु छाउनी स्‍वःवनेनु। परमप्रभुं झीत ग्‍वाहालि यानादी। झीपिं यक्‍व दयेमा वा म्‍हो जुइमा झीत बचय् यायेगुपाखें वय्‌कःयात सुनानं पने फइ मखु।”